2 Reyes 1:2 - Q'eqchi Bible

² Sa' jun kutan laj Okosías kit'ane'k chaq sa' xb'entaanil sa' xkab' k'ojaril li rochoch li wank aran Samaria, ut kixtiq' rib'. Toja' naq kixtaqlaheb' xtaql ut kixye reheb': “Ayuqex chi patz'ok rik'in laj Bahal-Sebub, xyoseb' laj Ekrón, re xnawb'al ma tink'iraaq chiru lintiq'ilal a'in”, chan.

Li Santil hu

² Li rey Ocozías quitꞌaneꞌ saꞌ li ventana saꞌ xcaꞌ tasalil li rochoch li cuan Samaria ut quixtochꞌ rib. Nak nim xyajel quixye reheb lix takl: —Ayukex riqꞌuin laj Baal-zebub lix dioseb laj Ecrón. Patzꞌomak chak re ma tinqꞌuira̱k malaj ut incꞌaꞌ, chan.

2 Reyes 1:2 ပူးပေါင်းရင်းမြစ်များ

2 Reyes 1:16

kixye re: “Jo'ka'in xye li Qaawa': «Laa'at xataqlaheb' aataql chi patz'ok rik'in laj Bahal-Sebub, xyoseb' laj Ekrón. Jo'kan naq chiru li ch'aat sotsookat wi', tatkamq chi maak'a' xja'lenkil»”.

San Marcos 3:22

Eb' laj tz'iib' li ke'kub'e chaq Jerusalén ke'xye: “Wank laj Beelsebul rik'in”. Jo'kan ajwi': “Rik'in xwankilal li xyuwa'ileb' laj tza narisiheb' laj tza”, chankeb' re.

San Mateo 10:25

Tz'aqalaq cho'q re li toj yo chi tzolok naq jo'aq laj tzolol re, ut laj k'anjel jo'aq laj eechal re. Wi aj Beelsebul kiyehe'k re laj eechal kab'l, ma toja' ta chik li wankeb' sa' li rochoch?

Isaías 37:19

ke'xk'ati li xyoseb' ut ke'xjuk'i, xb'aan naq moko yoseb' ta ajwi', yal yiib'anb'ileb' b'an rik'in ruq'eb' li winq, a'aneb' che' ut pek.

San Lucas 11:15

Ab'anan wank sa' xyanqeb' ke'yehok: “Rik'in xwankilal laj Beelsebul, li xyuwa'ileb' laj tza, narisiheb' laj tza”.

Isaías 37:12

Ma ke'kole'k tab'i' xb'aaneb' li xyos eb' li tenamit li ke'sache'k ru xb'aaneb' linxe'toonil yuwa': a' li tenamit Gosán, Harán, Résef ut eb' laj Eden li wankeb' sa' xteepal Telasar?

2 Reyes 1:6

Ke'chaq'ok ut ke'xye: “Xqak'ul jun li winq sa' b'e ut xye qe: «Sutq'inqex rik'in li awab'ej li xtaqlank chaq eere ut toxeeye re: Jo'ka'in xye li Qaawa': Ma maak'a' tab'i' li Yos arin Israel naq taataqla chi patz'ok rik'in laj Bahal-Sebub, xyoseb' laj Ekrón? Jo'kan naq chiru li ch'aat sotsookat wi' tatkamq chi maak'a' xja'lenkil»”.

2 Reyes 1:3

Ab'anan li x'ánjel li Qaawa' kixye re laj Elías aj Tisbé: “Xaqlin ut ayu chi xk'ulb'aleb' li xtaql li awab'ej re Samaria ut ye reheb': «Ma maak'a' tab'i' li Yos arin Israel naq texxik chi patz'ok rik'in laj Bahal-Sebub, xyoseb' laj Ekrón?

1 Reyes 11:33

Xb'aan naq laj Salomón xinxtz'eqtaana ut x'ok chi xloq'oninkil ru lix Astarté, xyoseb' laj Sidón, laj Kamós, xyoseb' laj Mohab, ut laj Milkón, xyoseb' laj Amón, ut ink'a' chik nab'eek sa' tiikilal chiwu, ink'a' chik naxpaab' li waatin ut linchaq'rab', jo' kixb'aanu laj David li xyuwa'.

Hechos 20:9

Jun li saaj al, aj Ewtiko xk'ab'a', k'ojk'o chire li b'entaan, naxiiqan chi wark xb'aan naq yo chi najto'k roq li xseeraq' laj Pablo. Li xwara kinumtaak sa' xb'een ut kit'ane'k chaq sa' rox k'ojar li kab'l toj taq'a ru: ut ak kamenaq chik naq ke'xwaklesi.

Cantares 2:9

Linrahom chanchan junaq kej malaj jun ch'ina yuk. Ilomaq, xaqxo anaqwan chirix li tz'ak, yo chaq chi ilok sa' li b'entaan, nach'uukink chaq sa' li reex.

Li xHu LAJ JOB 31:3

Ma ink'a' tab'i' li ink'a' us xna'leb' ut aj maak li xk'ulub' raj naq taarahob'tesiiq?

1 Reyes 22:34

Ab'anan jun li winq kixkut li xsimaj yal chi q'ehinb'il ut koxtiq' li awab'ej re Israel: li simaj ki'ok sa' li naxk'ul wi' rib' li xkolb'al rib': “Sutq'isi li b'eleb'aal ch'iich' ut isihin sa' li yalok, xb'aan naq kamk we”, chan li awab'ej re laj b'eresinel b'eleb'aal ch'iich'.

1 Reyes 14:3

K'am lajeeb'aq wa jo'wi' k'uluj ut jun meet chi xya'al kab', ut toxaasi re. A'an tixye aawe k'aru taakanaaq wi' li k'uula'al”.

1 Samuel 5:10

Toja' naq ke'xtaqla li xLoq'laj Kaax li Yos Ekrón. Ab'an naq kiwulak aran, eb' laj Ekrón ke'xjap re chi xyeeb'al: “Xe'xk'am chaq li xLoq'laj Kaax li xYos laj Israel yal re qasachb'al laa'o ut eb' li qatenamit!”, chankeb'.

Jueces 11:24

Ma ink'a' tab'i' ak wank aawe chixjunil li ch'och' li kixsi aawe laj Kamós laayos? Jo'kan ajwi' laa'o. Chixjunil li kixsi qe li Qaawa' li qaYos chi qeechani, a'an qe laa'o.

Jueces 5:28

“Sa' b'entaan yo chi ilok chaq li xna' laj Sísara; kixjap re chi xyeeb'al chi ra sa' xch'ool: «K'a' naq xb'ay chaq chi k'ulunk li xb'eleb'aal ch'iich'? K'a' naq ink'a' xe'xseeb'a chaq rib' eb' li xkawaay?», chan.

Isaías 2:6

At Qaawa', xatz'eqtaana laatenamit, a'aneb' li ralal xk'ajol laj Jakob, xb'aan naq k'ajo'eb' laj q'e ut eb' laj nawal sa' xyanqeb'; neke'xb'aanu jo'eb' laj Filistea ut neke'xk'am rib' sa' usilal rik'ineb' laj ab'l tenamit.

Josué 15:11

naxik sa' xjayal releb'l iq' re Ekrón, naxb'ach' rib' re xik Sikarón, nanume'k sa' li tzuul Bahalá ut nawulak toj Yabnel. Li nub'ajl nokoxraqe'q sa' li palaw.

1 Reyes 22:40

Laj Ajab kiq'ajk kisutq'iik rik'ineb' li xxe'toonil yuwa', ut a' chik laj Okosías li ralal ki'ok chi awab'ejink sa' xna'aj.

2 Reyes 17:16

Ke'xkanab' xpaab'ankil chixjunil li xchaq'rab' li Qaawa' li xYoseb' ut ke'xha'lesi li q'anch'iich' re xyiib'ankil li xyoseb', eb' li wiib' xjalam uheb' li wakax jo' ajwi' li xjalam u lix Aserá. Ke'xwiq'ib' rib' chi xloq'oninkil ru eb' li chahim chiru choxa ut ke'mayejak chiru laj Bahal.

Isaías 19:3

Tinpo' xna'leb'eb' laj Ejiipt, ut ink'a' chik taach'olaaq li xk'uub'ahomeb'. Toja' naq te'xik chi patz'ok rik'in li xyoseb', rik'inatqeb' laj tuul, eb' laj q'e ut eb' li neke'tz'ilok rix chahim.