2 Pedro 3:9 - Q'eqchi Bible

⁹ Li Qaawa' ink'a' nab'ayk chi xk'eeb'al li b'arwan kixyeechi'i. Wankeb' neke'k'oxlank re naq yo chi b'ayk, ab'an moko yaal ta. Nim xkuyum li Yos eerik'in; ink'a' naraj naq taasachq junaq, naraj b'an naq chixjunileb' te'yot'e'q xch'ool ut te'xjal xk'a'uxl.

Li Santil hu

⁹ Cuan li nequeꞌxye nak li Ka̱cuaꞌ Jesucristo xbay chak chi cha̱lc. Incꞌaꞌ ajcuiꞌ xcꞌulun joꞌ quixye, chanqueb. Abanan incꞌaꞌ yo̱ chak chi ba̱yc. Toj ma̱jiꞌ nacꞌulun xban nak nim lix cuyum e̱riqꞌuin la̱ex. Incꞌaꞌ naraj nak ta̱sachk junak. Naraj ban nak teꞌyotꞌekꞌ xchꞌo̱l ut teꞌxjal xcꞌaꞌux.

2 Pedro 3:9 ပူးပေါင်းရင်းမြစ်များ

1 Timoteo 2:4

A'an naraj naq chixjunileb' te'kole'q ut toxe'xtaw ru k'aru li yaal.

Romanos 2:4

Malaj ut nakatz'eqtaana li xchamal xsasal li rusilal li Yos, li xnimal xkuyum ut li xq'unal xch'ool? Ma ink'a' nakanaw naq li rusilal li Yos a'in natoch'ok aawe chi xyot'b'al laach'ool ut chi xjalb'al laak'a'uxl?

Habacuc 2:3

Toj maji' nawulak xq'ehil naq li moy u a'in taatz'aqloq ru, ab'an ak xaqxo xkutankil naq taak'ulmanq. Us ta taab'ayq kach'inaq, oyb'eni laa'at xb'aan naq relik chi yaal naq taatz'aqloq ru chixjunil.

Salmos 86:15

Ab'an laa'at, at Qaawa', laa'at jun Yos aj uxtaan ut chaab'ilat, ink'a' nakatjosq'o'k sa' junpaat, numtajenaq b'an laarahom ut li xtiikilal laach'ool:

Isaías 30:18

Ab'an li Qaawa' yo royb'eninkil li honal re rusilankil eeru. Taawakliiq chaq chi xtoq'ob'ankil eeru, xb'aan naq tiik xch'ool li Qaawa'. Us xaq reheb' li k'ojk'o xch'ooleb' rik'in!

Apocalipsis 2:21

Xinxaqab' xkutankil chiru re raj tixyot' xch'ool tixjal xk'a'uxl, ab'anan ink'a' naraj xjalb'al xk'a'uxl chirix li muxuk ib'.

2 Pedro 3:15

Chek'oxla naq li xnimal xkuyum li Qaawa' a'an leekolb'al. A'an ajwi' kixtz'iib'a eerik'in laj Pablo, li qech aj paab'anelil raaro qab'aan, jo' chanru li na'leb' k'eeb'il chaq re xb'aan li Yos.

1 Timoteo 1:16

Ut a'in xyaalal naq li Yos kiruxtaana wu: re naq li Jesukriist xb'enwa wik'in tixk'utb'esi chixjunil li xnimal xkuyum, jo'wi' re xk'amb'al xb'e chixjunileb' li te'paab'anq re naq te'reechani li junelik yu'am.

Hebreos 10:37

Xb'aan naq naxye li Santil Hu: “Toj kach'in chik, yal ink'a' chik k'iila kutan, ut li chalk re taachalq, ink'a' taab'ayq chaq.

Éxodo 34:6

Li Qaawa' kinume'k chiru, yo chi xyeeb'al: “Laa'in li Qaawa', li Qaawa', Yos aj uxtaan ut tuulan, li nab'ayk chi josq'o'k ut makach'in li xrahom ut li xtiikilal xch'ool!

Romanos 9:22

Li Yos q'axal kixkuy eb' li xk'ulub'eb' raj li tojb'amaak ut li sachk. Rik'in a'an kiraj xk'utb'al li xtiikilal xch'ool ut li xwankil.

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

Éxodo 18:23

Wi taab'aanu a'in ut li Yos tixk'ut chawu laataqlankil, laa'at taakuy chik laak'anjel, ut chixjunil li tenamit a'in te'sutq'iiq sa' xna'ajeb' chi saheb' sa' xch'ool”.

1 Pedro 3:20

Eb' a'an najter q'e kutan ink'a' ke'paab'ank naq ke'oyb'eniik xb'aan li xnimal xkuyum li Yos, sa'eb' li kutan naq laj Noé yo chaq chi xyiib'ankil li jukub' kab'l. Chisa' a'an ink'a' k'iheb' li ke'kole'k xb'aan li ha': yal waqxaqib'eb' ajwi'.

Éxodo 32:32

Ab'anan, us raj taakuyeb' xmaak. Wi ut ink'a', sach ink'ab'a' sa' li hu tz'iib'anb'il aab'aan”.

Éxodo 33:11

Li Qaawa' na'aatinak tz'aqal chiru laj Moisés jo' na'aatinak junaq winq rik'in li ramiiw. Chirix chik a'an laj Moisés nasutq'iik sa' rochocheb' laj Israel; ab'an laj tenq' re, a' li xsaaj alal laj Nun, aj Josué xk'ab'a', toj nakanaak sa' li Muheb'aal.

Salmos 77:8

“Ma chi junajwa xoxtz'eqtaana li Qaawa'? Ma tik ink'a' chik tuloorusilaatina?

Eclesiastés 8:11

Naq ink'a' naraqmank aatin sa' junpaat sa' xb'een li yib'ru xna'leb', eb' li tenamit neke'xik wi' chik xch'ooleb' chi xb'aanunkil li maa'usilal.

Ezequiel 33:11

Ab'anan, sa' xk'ab'a' linloq'al, laa'in li Qaawa' ninye li waatin naq ink'a' nawaj li xkamik laj maak, nawaj b'an naq tixyot' xch'ool tixjal xk'a'uxl ut wanq xyu'am. Ex aj Israel, jalomaq leek'a'uxl, kanab'omaq xb'aanunkil li maa'usilal. K'aru aj e naq texkamq?

Daniel 4:29

Jun chihab'aq chik a'an, naq yo chi b'eek li awab'ej sa' xka' k'ojar li rochoch aran Babilonia,

Romanos 13:11

Chiqab'aanu chixjunil a'in xb'aan naq naqanaw chi us k'a' chi honalil wanko wi': ak xq'ehil naq tex'ajq sa' leewara xb'aan naq li qakolb'al anaqwan nach' chik wank chiru naq xoo'ok chi paab'ank.

Romanos 13:12

Li q'oqyink ak yo chi nume'k ut li kutan we' chaq. Qatz'eqaq b'i' xk'anjel li aak'ab' ut qatiqib'aq qib' rik'ineb' xk'anjelob'aal li kutan saqenk.

2 Pedro 1:4

Sa' xk'ab'a'eb' a'an xqamaatani chixjunil li kiyeechi'iik chaq chi junxilaj, a'an li q'axal nim ut loq', re naq chi jo'kan tex'eleliq chiru li maa'usilal li wank sa' ruuchich'och' xb'aan li yib' aj k'a'uxl, jo' ajwi' re textz'aqonq sa' li xyu'am li Yos.