2 Pedro 3:4 - Q'eqchi Bible

⁴ “K'aru xkanaak wi' li xk'ulunik li Qaawa' yeechi'inb'il chaq eere? Chalen chaq xkamikeb' li qana' qayuwa' xna'ajkil ajwi' chixjunil, kama' chaq sa' xtiklajik li ruuchich'och'”, cha'qeb'.

Li Santil hu

⁴ Eb aꞌan teꞌxye: Li Jesucristo quixye nak ta̱cha̱lk. ¿Bar ta cuan? ¿Ma ac xcꞌulun ta? Chalen chak xcamiqueb li kaxeꞌ kato̱n chixjunil li cꞌaꞌak re ru cuan ajcuiꞌ anakcuan joꞌ nak quicuan chak chalen chak saꞌ xticlajic li ruchichꞌochꞌ, chaꞌkeb.

2 Pedro 3:4 ပူးပေါင်းရင်းမြစ်များ

Jeremías 17:15

Chak'e reetal naq eb' li poyanam neke'xye we: “B'ar xkoho li raatin li Qaawa'? Chitz'aqloq ajwi' ru anaqwan”, chankeb'.

Malaquías 2:17

Li Qaawa' xch'i'taak xb'aaneb' li aatin nekeye. Ut toj nekexpatz'ok wi' chik: “K'aru xch'i'taak wi' li Qaawa' qab'aan?”, chankex. Xch'i'taak eeb'aan, xb'aan naq nekeye: “Li Qaawa' maak'a' naxye re li nab'aanunk maa'usilal ut sa sa' xch'ool rik'in”. Malaj ut nekeye: “B'ar wank li Yos tiik xch'ool?”, chankex.

San Lucas 12:45

Ab'anan, wi li moosej a'an tixye sa' xch'ool: «Laj eechal we xb'ay chaq», ut taa'ok chi xsak'b'aleb' li rech moosil winq ut ixq, taa'ok chi wa'ak, chi uk'ak ut chi kalaak,

Eclesiastés 8:11

Naq ink'a' naraqmank aatin sa' junpaat sa' xb'een li yib'ru xna'leb', eb' li tenamit neke'xik wi' chik xch'ooleb' chi xb'aanunkil li maa'usilal.

San Mateo 24:48

Ab'anan, wi li moosej ink'a' us xna'leb' tixye sa' xch'ool: «Laj eechal we xb'ay chaq»,

1 Ts 2:19

B'ar pe' wank li qoyb'enihom, li qasahilal, li qaloq'al li tqanima wi' qib' chiru li Qaawa' Jesus sa' li xk'ulunik? Ma ink'a' tab'i' laa'ex?

Génesis 19:14

Ki'elk ut laj Lot ut koxye chaq reheb' li te'k'amoq reheb' li xrab'in: “Waklinqex, elenqex sa' li na'ajej a'in xb'aan naq li Qaawa' ok re chi xsachb'al li tenamit”. A'ut eb' li hi'b'ej ke'xk'oxla naq yal b'atz'unk re.

San Marcos 13:19

Xb'aan naq k'ajo'aq xnimal li xrahilaleb' li kutan a'an: maajun wa wanjenaq jo' a'an, chalen chaq sa' xtiklajik li ruuchich'och' li kiyiib'aak xb'aan li Yos, toj anaqwan; chi moko taak'ulmanq chik.

Eclesiastés 1:9

Li k'aru xk'ulmank junxil, taak'ulmanq wi' chik; li k'aru xb'aanumank najter, taa'uxq wi' chik. Maak'a' k'aru toj ak' sa' ruuchich'och'!

Apocalipsis 3:14

“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.

Ezequiel 11:3

Eb' a'an neke'xye: «Moko q'axal aajel ta ru naq tookab'laq. Sa' li tenamit a'in taaqakol qib', kama' li tib' sa nareek'a sa' li uk'al».

San Marcos 10:6

Ab'an chalen chaq sa' xtiklajik li ruuchich'och' «teelom ut ixq naq ke'yoob'tesiik xb'aan li Yos».

San Mateo 24:28

B'ar wanq li kamenaq, aran te'xch'utub' rib' eb' li so'sol.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

San Mateo 16:28

Relik chi yaal ninye eere naq wankeb' sa' eeyanq li ink'a' te'kamq toj reetal te'ril li K'ajolb'ej yooq chaq chi chalk sa' li xnimajwal wankilal.

Hechos 7:60

Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

2 Pedro 3:12

tento naq teeroyb'eni ut teeseeb'a xchalik li xkutankil li Yos naq taa'oso'q li choxa sa' xam, ut chixjunil li wank chisa' taak'atq ut taaha'lesiiq.