2 Pedro 2:4 - Q'eqchi Bible

⁴ K'ehomaq reetal. Li Yos ink'a' kixkuy xmaakeb' li ánjel ke'maakob'k, kixkuteb' b'an sa' xb'alb'a ut kixq'axtesiheb' sa' xchamal li aak'ab' re naq k'aak'alenb'ilaqeb' toj sa' xkutankil li raqb'a aatin.

Li Santil hu

⁴ Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

2 Pedro 2:4 ပူးပေါင်းရင်းမြစ်များ

San Judas 1:6

Ninjultika ajwi' cheru naq eb' li ánjel li ink'a' ke'xk'uula li loq'al k'eeb'il reheb' ut ke'xkanab' li xna'ajeb', tz'aptz'ookeb' anaqwan xb'aan li Qaawa' rub'el xwankil li aak'ab' rik'in kareen chi junelik, cho'q re li raqb'a aatin taawanq sa' li xnimal ru kutan.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

Romanos 8:32

Li Yos ink'a' kiril xtoq'ob'aal ru li Ralal, kixq'axtesi b'an sa' qak'ab'a' chiqajunilo. Jo'kan wi kixk'e li Ralal, k'a' ta naq ink'a' tixsi ajwi' qe chixjunil?

Isaías 14:12

“Chanru naq xatt'ane'k chaq sa' choxa, at xkaq chahimal li hik'e'k? Laa'at li xatnumtaak sa' xb'eeneb' li tenamit xatjilib'aak chik chiru ch'och'.

Apocalipsis 20:10

Ut laj tza, li nab'alaq'ink reheb', kikute'k sa' li palaw xam ut asuupr, b'ar wankeb' ajwi' li josq' aj xul ut li propeet aj b'alaq': aran te'rahob'tesiiq chi q'eq ut chi kutan chi junelik q'e kutan.

Ezequiel 7:4

Ink'a' twil xtoq'ob'aal aawu chi moko tinkuy laamaak, tatink'e b'an chi xtojb'al rix laamaa'usilal; tinjultika chawu laajo'maajo'il b'aanuhom, ut aran teenaw naq laa'in li Qaawa'.

San Lucas 10:18

Kixye li Jesus reheb': —Xwil laj tza chi t'ane'k chaq toj sa' choxa chanchan li raq'kaaq.

Ezequiel 5:11

“Laa'in li Qaawa', li yo'yookil Yos, ninxaqab' xwankil li waatin naq laa'ex xesach xloq'al linsantil ochoch rik'in leetz'i'b'eetalil yos ut rik'in leeyib' aj b'aanuhom; jo'kan naq tinsach eeru chi maajun tintoq'ob'a ru sa' eeyanq chi moko tinkuy xmaak.

Li xHu LAJ JOB 4:18

Li Yos ink'a' naxk'ojob' xch'ool chirixeb' laj k'anjel chiru wankeb' sa' choxa, ut a'atqeb' ajwi' li x'ánjel naxtaw xmaakeb'.

1 Juan 3:8

Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.

2 Pedro 2:11

a' wi' chik eb' li ánjel li neke'xq'ax ruheb' rik'ineb' xmetz'ew ut xwankil, ink'a' neke'raqok aatin sa' xb'eeneb' rik'in majewank chiru li Qaawa'.

2 Pedro 2:5

Jo'kan ajwi', us ta kixkol laj Noé, laj yehol resil li tiikilal, jo'wi' wuqub' chik rochb'eeneb', ab'an ink'a' kixkuy xmaak li ruuchich'och' kiwank najter; kixtaqla b'an li b'ut'iha' sa' xb'een li ruuchich'och' nujenaqeb' chi aj maak.

San Lucas 8:31

Eb' laj tza ke'relaji ru li Jesus naq ink'a' te'taqlaaq sa' xb'alb'a.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

San Marcos 5:7

ut kixjap re chi xyeeb'al chi kaw xyaab' xkux: —K'aru wank we aawik'in, at Jesus, Ralalat li Nimajwal Yos! Nintz'aama nawelaji chawu sa' xk'ab'a' li Qaawa', minaarahob'tesi.

San Mateo 8:29

Tikto ke'xjap reheb' chi xyeeb'al: —K'aru wank qe aawik'in, at Ralal li Yos? Ma xatchalk arin re qarahob'tesinkil chi toj maji' xq'ehil?

San Judas 1:13

kama'eb' li xkaw oq li palaw, neke'risi chaq li xwoqxil li xxutaaneb', jo'keb' li chahim li yal neke'xb'eeni rib'eb', ut ak kawresinb'il cho'q reheb' xchamal li aak'ab' chi junelik.

2 Pedro 2:9

Jo'kan utan, chixjunil a'in a'an reetalil naq li Yos naxnaw xkolb'aleb' laj paab'anel chiru li aaleek; a'ut eb' li ink'a' neke'paab'ank, naxk'uulaheb' cho'q re xkutankil li raqb'a aatin naq te'rahob'tesiiq:

Ezequiel 7:9

Ink'a' twil xtoq'ob'aal aawu chi moko tinkuy laamaak, tatink'e b'an chi xtojb'al rix laamaa'usilal; tinjultika chawu laajo'maajo'il b'aanuhom, ut aran teenaw naq laa'in li Qaawa', li yookin chi rahob'tesink eere.

Li xHu LAJ JOB 21:30

“Sa' xkutankil li raaxiik', nakole'k li ink'a' us xna'leb'; naq li Yos najosq'o'k, maak'a' naxk'ul laj maak”?

Deuteronomio 29:20

Li Qaawa' moko taaraj ta xkuyb'al li xmaak, taajosq'o'q b'an ut taaraho'q xch'ool chirix li winq a'an; chixjunil li rahilal tz'iib'anb'il sa' li hu a'in taanaq sa' xb'een li winq a'an ut li Qaawa' tixsach li xk'ab'a' chi junajwa yalaq b'ar sa' ruuchich'och'.

Romanos 11:21

Wi li Yos ink'a' kixkuyeb' xmaak li tz'aqal ruq' li che', mare anchal ink'a' ajwi' tixkuy aamaak laa'at.

Salmos 78:50

Kixk'ut chi tz'aqal li xjosq'il chiruheb', ink'a' kixkol li xyu'ameb' chiru li kamk, kixk'e b'an rub'el xwankil li raxkamk.