2 Pedro 1:5 - Q'eqchi Bible

⁵ Sa' xk'ab'a' ajwi' a'an, yalomaq eeq'e chi xtz'aqob'resinkil leepaab'aal rik'in xchaab'ilal leeyu'am; chetz'aqob'resi leechaab'ilal rik'in li loq'laj na'leb'ak,

Li Santil hu

⁵ Abanan incꞌaꞌ tzꞌakal cui caꞌaj cuiꞌ nocopa̱ban. Chikayalak ban kakꞌe chixba̱nunquil li cha̱bilal. Ut chikatzolak kib riqꞌuin li Dios re nak cha̱bilak li kanaꞌleb.

2 Pedro 1:5 ပူးပေါင်းရင်းမြစ်များ

Filipenses 4:8

Sa' xraqik, ex was wiitz'in, chixjunil li yaal, li k'ulub'ej, li tiik, li maak'a' reek', ka'loq' oxloq', chixjunil li chaab'il ut xk'ulub' nimaak ru, a'an chiwanq sa' eech'ool.

Proverbios 4:23

Xb'een xb'een chab'eresi laak'a'uxl, xb'aan naq rik'in a'an natiklaak li yu'am.

2 Pedro 3:18

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

2 Pedro 1:10

Jo'kan utan, ex was wiitz'in, q'axal k'ehomaq eech'ool chi xkawub'resinkil leeb'oqb'al ut li xsik'b'al eeru xb'aan li Yos. Wi jo'kan nekeb'aanu, maajaruj text'ane'q.

Hebreos 6:11

Ab'anan naqaj naq li junjunq sa' eeyanq chixyalaq ajwi' xq'e toj sa' roso'jik, toj reetal taatz'aqloq ru li qoyb'enihom,

Filipenses 1:9

Ut a'an a'in li nintz'aama sa' lintij: naq leerahom chik'iiq chi junelik rik'in xtawb'al eena'leb' jo'wi' xtawb'al xyaalal chixjunil,

2 Pedro 3:14

Jo'kan utan, ex was wiitz'in raarookex inb'aan, naq yookex chi royb'eninkil chixjunil a'in, yalomaq eeq'e re naq tolexxtaw li Qaawa' sa' tuqtuukil usilal rik'in, chi maak'a'aq eemuxul ut eeq'usb'al.

Hebreos 11:6

Ab'anan wi maak'a' qapaab'aal, ink'a' naru naq li Yos taasaho'q xch'ool qik'in, xb'aan naq ani najilok chi xk'atq li Yos tento tixpaab' naq wank li Yos ut a'an naxq'ajkamuheb' li neke'sik'ok re.

Efesios 5:17

Jo'kan naq mexwank chi maak'a' eena'leb', chetawaq b'an ru li naraj li Qaawa'.

Isaías 55:2

K'a'ut naq nekesach eetumin chirix li moko wa ta, ut nekesach leetojb'al chirix li ink'a' nak'ojob'ank ch'oolej? Paab'omaq li ninye ut textzekanq chaab'il tzekemq; taak'ojlaaq leech'ool rik'ineb' li sahil eechej.

Filipenses 2:12

Jo'kan utan, ex was wiitz'in raarookex inb'aan, jo' naq xexpaab'ank chiwu chi junelik, moko ka'aj ta wi' naq wankin chaq eerik'in, jo'kan ajwi' teeb'aanu anaqwan naq maa'anihin sa' eeyanq. Chexk'anjelaq chi kaw chirix leekolb'al chi wanq eexiw ut texsiksotq,

Salmos 119:4

Laa'at xak'e chi nawe'k laachaq'rab' re naq taapaab'aaq chi tz'aqal re ru.

Colosenses 2:3

Rik'in A'an muqmu chixjunil li xchamal xsasal li chaab'il k'a'uxl ut li na'leb'.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

San Lucas 24:21

Sa' qach'ool laa'o naq a'an raj taakoloq re li tenamit Israel. Ut chirix chixjunil a'in, anaqwan ak oxib' kutan chik xk'ulb'al a'an.

Colosenses 1:9

Jo'kan utan, chalen naq xqab'i resil chixjunil a'an, ink'a' nokoohilank chi tijok cherix ut junelik yooko chi xtz'aamankil naq toxeetaw xyaalal li rajom li Yos chi tz'aqal re ru, rik'in chixjunil li na'leb' ut k'a'uxl li naxk'e li Musiq'ej,

1 Pedro 3:7

Jo'kan ajwi' laa'ex b'eelomej, chexwanq sa' xyaalal rik'in leerixaqil, xb'aan naq q'axal q'uneb' chik xch'ool cheru laa'ex. Cheroxloq'iheb' xb'aan naq te'xmaatani li Yu'am, kama' ajwi' teereechani laa'ex. Wi teeb'aanu a'in, maak'a' k'aru taat'iloq eere sa' leetij.

Hebreos 12:15

Yo'oon wanqex re naq maa'ani tixnajtob'resi rib' rik'in li rusilal li Yos. Chek'ehaq reetal naq maajun xtoonal li k'ahil pim chik'iiq sa' eeyanq: mare anchal tixpo' eech'ool ut tixb'on chixjunil li komonil.

1 Corintios 14:20

Ex was wiitz'in, meek'uula'ali eerib' rik'in leena'leb'; k'uula'alaqex b'an chiru li maa'usilal, ut cheekel winqaqex rik'in leena'leb'.

San Lucas 16:26

Wank ajwi' jun nimla uul b'ekb'il sa' qayanq, re naq ani qe laa'o taaraj raj q'axonk wankex wi' ink'a' truuq, chi moko li wankex aran texruuq chi q'axonk chaq qik'in».

Zacarías 6:15

Te'chalq li wankeb' chaq chi najt, ut tole'okenq chi xyiib'ankil wi' chik li rochoch li Qaawa'. Toja' naq te'xnaw naq a' li Nimajwal Yos xtaqlank chaq we eerik'in. Jo'ka'an taak'ulmanq wi relik chi yaal naq teepaab' li raatin li Qaawa' leeYos”.

2 Pedro 1:11

Chi jo'kan taateliiq cheru li okeb'aal sa' li xnimal ut junelik x'awab'ejihom li Jesukriist, a' li Qaawa' ut aj Kolol qe.

Josué 7:3

Chirix chik a'an, naq ke'sutq'iik chaq, ke'xye re laj Josué: “Moko aajel ta ru naq te'xik chixjunileb' chi yalok rik'ineb' laj Ay. Tz'aqal naq te'xik wiib' malaj oxib' milaq chi winq. Maach'i'ch'i'i chixjunileb' li poyanam rik'in xtaqlankileb' toj aran, xb'aan naq ink'a' k'iheb' laj Ay”, chankeb'.