2 Pedro 1:4 - Q'eqchi Bible

⁴ Sa' xk'ab'a'eb' a'an xqamaatani chixjunil li kiyeechi'iik chaq chi junxilaj, a'an li q'axal nim ut loq', re naq chi jo'kan tex'eleliq chiru li maa'usilal li wank sa' ruuchich'och' xb'aan li yib' aj k'a'uxl, jo' ajwi' re textz'aqonq sa' li xyu'am li Yos.

Li Santil hu

⁴ Saꞌ xcꞌabaꞌ lix nimal xlokꞌal ut xcuanquilal li Dios quixyechiꞌi kama̱tan kꞌaxal lokꞌ ut nim xcuanquil. Li Dios quixyechiꞌi ke lix cuanquilal re toe̱lk saꞌ li ma̱usilal li cuan saꞌ ruchichꞌochꞌ ut quixyechiꞌi ajcuiꞌ ke lix cuanquilal re nak takacanab xrahinquil ru li ma̱c, ut re ajcuiꞌ nak totzꞌako̱nk riqꞌuin lix ti̱quilal li Dios.

2 Pedro 1:4 ပူးပေါင်းရင်းမြစ်များ

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

Colosenses 3:10

ut xetiqib' eerib' rik'in li ak' yu'am: ak' winqex chik, ut li Yos junelik na'ak'ob'resink eere toj reetal toxeetaw eena'leb' chi tz'aqal re ru, jo' xjalam u Li kiyoob'tesink eere.

Hebreos 12:10

Ut eb' a'an koohe'xtij jo' chanru ke'wulak chiru ut yal jun ch'ina k'amok ajwi'; a'ut li Yos nokooxtij re qusilankil, re naq tootz'aqonq rik'in li xsantilal.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

Gálatas 6:8

Ani na'awk cho'q re li xtz'ejwal, a' li q'aak tixq'ol rik'in li tz'ejwalej; ani na'awk cho'q re li musiq'ej, rik'in li Musiq'ej tixq'ol li junelik yu'am.

1 Juan 2:25

A'an a'in li kixyeechi'i qe li Kriist, a' li junelik yu'am.

2 Pedro 1:1

Laa'in laj Simón Pedro, xmoos ut x'apóstol li Jesukriist, nintz'iib'ak rik'ineb' li xe'xmaatani li qaloq'laj paab'aal sa' xk'ab'a' li xtiikilal xch'ool li Jesukriist, a'an li qaYos ut aj Kolol qe.

Hebreos 9:15

A'in aj e naq li Kriist na'okenk chirix jun li ak' Sumwank. Rik'in li xkamik naxsacheb' li maak uxb'ileb' naq toj wan chaq li xb'een Sumwank, ut eb' li sik'b'ileb' ru xb'aan li Yos neke'xk'ul li ereens li ink'a' nalajk na'oso'k, a' li kiyeechi'iik chaq reheb'.

2 Corintios 1:20

Chixjunil li kixyeechi'i li Yos, kitz'aqlok ru rik'in li Kriist; jo'kan naq sa' xk'ab'a' A'an naqaye “Amén” re xloq'oninkil ru li Yos.

Gálatas 3:16

Jo'kan utan, a' laj Abrahán kiyehe'k wi' li yeechi'om a'in ut re ajwi' li riyajil. Ink'a' naxye: “ut reheb' laawalal aak'ajol” chanchan tawi' li naab'aleb', yo b'an chi aatinak chirix jun ajwi': “ut re laawiyajil”, naraj naxye, a' li Kriist.

Romanos 9:4

A'aneb' laj Israel. Li Yos kixsik'eb' ru cho'q ralal xk'ajol ut kixk'ut li xnimal xloq'al, kixk'ojob' li Sumwank rik'ineb', kixk'e reheb' li Chaq'rab' jo'wi' li xloq'laj yeechi'om, ut kixtzoleb' chirix li loq'onink.

Efesios 4:13

toj reetal taaqeechani li junajil chiqajunilo; junajaq li qapaab'aal ut junajaq ru li xnawb'al ru li Ralal li Yos, toj reetal naq laa'aqo li Winq tz'aqal re ru, tz'aqalaq qe qu jo' naq tz'aqal re ru li Kriist.

Santiago 1:27

Li tz'aqal paab'ank li maak'a' reek' ut loq' chiru li Yos Yuwa'b'ej, a'an a'in: xtenq'ankileb' li maak'a'eb' chik xna' xyuwa' ut eb' li xmalka'an li wankeb' sa' rahilal, jo' ajwi' xkolb'al qib' chiru li xmaa'usilal li ruuchich'och' chi maak'a'aq qamuxul.

2 Pedro 3:9

Li Qaawa' ink'a' nab'ayk chi xk'eeb'al li b'arwan kixyeechi'i. Wankeb' neke'k'oxlank re naq yo chi b'ayk, ab'an moko yaal ta. Nim xkuyum li Yos eerik'in; ink'a' naraj naq taasachq junaq, naraj b'an naq chixjunileb' te'yot'e'q xch'ool ut te'xjal xk'a'uxl.

2 Pedro 3:13

Ab'anan laa'o yooko chi royb'eninkil ak' choxa ut ak' ch'och', b'arwi' taawanq li tiikilal, jo' chanru kixyeechi'i li Yos.