2 Juan 1:8 - Q'eqchi Bible

⁸ K'ehomaq reetal, meek'e chi sachk ru leek'anjel, wi tz'aqalaq re ru xq'ajkamunkil leek'anjel teeraj xk'ulb'al.

Li Santil hu

⁸ Cheqꞌuehak retal che̱ribil e̱rib re nak incꞌaꞌ ta̱cana̱k chi ma̱cꞌaꞌ rajbal le̱ cꞌanjel chiru li Dios. Tzꞌakalak ban re ru xkꞌajca̱munquil le̱ cꞌanjel te̱cꞌul riqꞌuin li Dios.

2 Juan 1:8 ပူးပေါင်းရင်းမြစ်များ

Hebreos 10:35

Anaqwan b'i', kawaq taxaq eech'ool sa' leepaab'aal xb'aan naq chi jo'kan teek'ul xnimal eeq'ajkamunkil.

Apocalipsis 3:11

Tinchalq chi seeb'. Li k'aru wank aawe, kaw chapchooq aab'aan re naq maa'ani taamaq'oq chawu laaq'ajkamunkil.

1 Corintios 3:14

Wi laak'anjel laa'at tkanaaq sa' xna'aj, taak'ul aaq'ajkamunkil;

1 Corintios 3:8

Li na'awok ut li nat'aqresink juntaq'eeteb' xloq'al, ab'an li junjunq toxk'ul xq'ajkamunkil a' yaal chanru xk'anjelak.

Hebreos 12:15

Yo'oon wanqex re naq maa'ani tixnajtob'resi rib' rik'in li rusilal li Yos. Chek'ehaq reetal naq maajun xtoonal li k'ahil pim chik'iiq sa' eeyanq: mare anchal tixpo' eech'ool ut tixb'on chixjunil li komonil.

San Marcos 13:9

“A'ut laa'ex cherilaq eerib'. Texq'axtesiiq sa' ruq'eb' li xninqaleb' ru aj raqol aatin jo'wi' sa' ruq'eb' laj jolominel reheb' li ch'utleb'aal kab'l; texsak'e'q ut texxaqab'aaq chiruheb' li ninqeb' xwankil ut eb' li awab'ej sa' ink'ab'a', re xch'olob'ankil li yaal chiruheb'.

Gálatas 3:4

Maak'a' aj e naq xek'ul chixjunil a'an! Ab'anan moko yaal ta naq maak'a' aj e.

San Juan 4:36

Laj q'olonel naxk'ul li xtojb'al ut naxxok ru li awimq re li junelik yu'am; jo'kan naq laj awinel ut laj q'olonel neke'saho'k sa' xch'ool chi xkab'ichaleb'.

Gálatas 4:11

Nachalk ink'a'uxl eeb'aan: mare anchal maak'a' aj e naq xintawasi wib' chi k'anjelak sa' eek'ab'a'.

San Lucas 21:8

Kichaq'ok li Jesus ut kixye reheb': “Chek'ehaq reetal, meek'e eerib' chi b'alaq'iik. Xb'aan naq naab'aleb' te'chalq ut te'roksi link'ab'a': «Laa'inin», cha'qeb'; jo'kan ajwi': «Li xq'ehil ak nach' wank», cha'qeb'. Mexxik chirixeb'.

Hebreos 10:32

Chiwanq sa' eech'ool li kutan xe'numje'k chaq naq xek'ul chaq leekutanob'resinkil, ut chirix a'an xekuy naab'al li rahilal sa' jun nimla yaleek ix.

Filipenses 3:16

Ab'anan toj b'arwi' xoowulak, xikaqo chi tiik chi uub'ej.

San Marcos 13:23

A'ut laa'ex yo'oon wanqex; ak junxilaj xinye resil eere chixjunil.

San Mateo 24:4

Kichaq'ok li Jesus ut kixye reheb': —Chek'ehaq reetal re naq maa'ani chib'alaq'inq eere.

Daniel 12:3

Eb' li wankeb' xna'leb', li ke'k'utuk re li tiikil ch'oolej chiruheb' li k'iila tenamit, te'lemtz'uno'q jo' li saqenk sa' choxa ut jo'kaqeb' li chahim chi junelik.

1 Corintios 15:8

Sa' roso'jik kixk'ut ajwi' rib' chiwu, li jo'kin jun k'uula'al maji' xq'ehil chi yo'laak.

San Lucas 19:19

A'an ajwi' kiyehe'k re: «Laa'at ajwi' chiwanq aawankil sa' xb'een oob' chi tenamit».