2 Juan 1:6 - Q'eqchi Bible

⁶ A'an a'in li rahok: naq choowanq jo' chanru naxye li xchaq'rab' li Yos. A'an a'in li chaq'rab' (jo' chanru eerab'ihom chalen chaq sa' xtiklajik), naq chexb'eeq sa' li rahok.

Li Santil hu

⁶ Cui nakara kib chi kibil kib, nakapa̱b li kachakꞌrabinquil xban li Dios. Chalen chak saꞌ xticlajic, li Dios quixye ke nak tento takara kib chi kibil kib.

2 Juan 1:6 ပူးပေါင်းရင်းမြစ်များ

1 Juan 5:3

Xb'aan naq a'an a'in li xraab'al li Yos: naq chiqapaab' eb' li xchaq'rab'. Ut eb' li xchaq'rab' moko aaleb' ta,

1 Juan 2:24

Jo'kan naq chiwanq sa' leech'ool li k'aru eerab'ihom chalen chaq sa' xtiklajik. Wi wank sa' leech'ool li eerab'ihom chalen chaq sa' xtiklajik, texwanq ajwi' chi junelik rik'in li K'ajolb'ej ut li Yuwa'b'ej.

1 Juan 2:5

A'ut li naxpaab' li Raatin, relik chi yaal naq li xraab'al li Yos tz'aqlojenaq re ru rik'in. A'an naqanaw wi' naq wanko rik'in.

San Juan 15:10

Wi nekepaab' linchaq'rab', texkanaaq sa' linrahom jo' naq laa'in xinpaab' xchaq'rab' linYuwa' ut ninkanaak sa' li xrahom.

San Juan 14:15

“Wi nikineera, teepaab' linchaq'rab',

San Juan 15:14

Laa'ex li wamiiw wi nekeb'aanu li nekexintaqla wi'.

San Juan 14:21

Ani aj ik'in wankeb' linchaq'rab', wi naxpaab' li neke'xye, a'an li narahok we. Ut li narahok we, taarahe'q xb'aan linYuwa'; ut laa'in ajwi' tinra ut tink'ut wib' chiru”.

1 Juan 5:15

Ut wi ch'olch'o chiqu naq nokoorab'i rik'in chixjunil li tqatz'aama, naqanaw ajwi' naq ak wank qik'in li k'aru xqatz'aama chiru.

2 Juan 1:5

Ut anaqwan nintz'aama chawu, at Qana' (ink'a' yookin chi tz'iib'ak aawik'in chirix jun li ak' chaq'rab', chirix b'an li chaq'rab' li wank qik'in chalen chaq sa' xtiklajik), naq chiqara qib' chiqib'il qib'.

Deuteronomio 13:4

A' li Qaawa' leeYos teetaaqe ut ka'ajwi' A'an teeroxloq'i; teepaab' li xchaq'rab' ut teerab'i li xyaab' xkux, texk'anjelaq chiru ut wanqex rik'in chi junelik.

San Juan 14:23

Kichaq'ok li Jesus ut kixye: —Ani narahok we, tixk'e xch'ool chirix li waatin; linYuwa' taarahoq re, toochalq rik'in ut tqak'ojob' qana'aj rik'in.

1 Juan 2:7

Ex inrahom, ink'a' nintz'iib'a eerik'in jun ak' chaq'rab', jun b'an najteril chaq'rab' li wank eerik'in chalen chaq sa' xtiklajik. Li najteril chaq'rab' a'an li Aatin li xerab'i.