2 Corintios 9:8 - Q'eqchi Bible

⁸ Li Yos wank xwankil chenujob'resinkil rik'in chixjunil li rusilal re naq maajun sut texwanq sa' majelal ut texruuq ajwi' xb'aanunkil chixjunil li chaab'il k'anjel chi yo'oon rik'in li k'aru na'ela'ank cheru,

Li Santil hu

⁸ Nim xcuanquil li Dios. Ut aꞌan tixqꞌue e̱re chixjunil re nak junelic ta̱tzꞌaklok e̱re li cꞌaꞌak re ru nacꞌanjelac e̱re ut re ajcuiꞌ nak ta̱ru̱k textenkꞌa̱nk riqꞌuin chixjunil li cha̱bil cꞌanjel.

2 Corintios 9:8 ပူးပေါင်းရင်းမြစ်များ

Efesios 3:20

Li Yos li wank xwankil re xb'aanunkil chixjunil chi numtajenaq chik chiru li naqatz'aama malaj naqak'oxla, jo' chanru li xkawilal yo wi' chi k'anjelak qik'in,

Proverbios 10:22

Li rosob'tesihom li Qaawa' nab'ihomob'resink ut ink'a' naxk'am chaq rahil ch'oolej.

Malaquías 3:10

K'amomaq chaq li junjunq sa' xlajeetqil chixjunil; k'amomaq chaq chi tz'aqal re ru sa' li xloq'laj k'uuleb'aal, re naq wanq li tzekemq sa' li wochoch. Yalomaq wix chi jo'kan, ut laa'in tinte li choxa re eerosob'tesinkil chi yo'oon.

Hageo 2:8

We li plaat ut li oor, chan li Nimajwal Yos.

Proverbios 28:27

Li naruxtaanaheb' li neb'a', maak'a' taalajq chiru; ab'an li ink'a' naxtenq'aheb', naab'al li majewaak tixk'ul.

Salmos 84:11

Jwal us cho'q we li wank jun kutankaq sa' xneb'aal laamuheb'aal chiru linwanjik sa' li wochoch chiru k'iila chihab'; q'axal ninrahi ru hilank sa' xmu rochoch linYos chiru li wank sa' xmuheb'aaleb' li ink'a' useb' xch'ool.

Proverbios 3:9

Chak'e xloq'al li Qaawa' rik'ineb' laasahil eechej ut rik'inatq li xb'een ru laawawimq.

Tito 3:14

Eb' li qakomon che'xtzolaq rib' chi xq'axtesinkileb' rib' chi xb'aanunkil li chaab'il k'anjel re xtenq'ankil li q'axal wankeb' sa' rajb'al ru; chi jo'kan moko jo'qeb' ta li maak'a' neke'ok wi'.

2 Corintios 8:7

Laa'ex xo'numtaaq eerik'in chixjunil: leepaab'aal, leeraatin, leek'a'uxl, chixjunil li chaab'ilal jo'wi' li rahok li xqak'ut cheru. Jo'kan naq chinumtaaq ajwi' li chaab'il k'anjel a'in eerik'in.

1 Corintios 15:58

Jo'kan b'i', ex was wiitz'in raarookex inb'aan, kaw xaqxooqex, chexwanq chi ink'a' taach'inanq leech'ool, junelik yooqex chi k'iik sa' xk'anjel li Qaawa'. Chenawaq naq li xyalb'al eeq'e moko maak'a' ta aj e sa' xk'ab'a' li Qaawa'.

2 Corintios 9:11

Jo'kan naq b'ihomaqex rik'in chixjunil re naq chexsihinq chi yo'oon. Ut naab'aleb' ajwi' li te'b'anyoxinq chiru li Yos sa' xk'ab'a' li tenq'aal li xetaqla chiqix.

2 Corintios 8:2

us ta q'axal xe'yale'k rix xb'aan li rahilal xe'xk'ul, ab'anan q'axal numtajenaq li xsahilaleb' xch'ool, ut li xnimal xneb'a'ileb' xk'ihank cho'q b'ihomal xb'aan xchaab'ilal xch'ooleb'.

Proverbios 11:24

Wankeb' neke'sihink, ut b'ihomo'k chik neke'xb'aanu; wankeb' ajwi' aj pix neke'k'uulank, ut neb'a'il nokoxe'oso'q wi'.

2 Crónicas 25:9

Kichaq'ok laj Amasías ut kixye re li xtaql li Yos: “K'aru taakanaaq wi' li o'taqk'aal chi tumin xink'e reheb' laj puub' aj Israel?”. Kichaq'ok li xtaql li Yos: “Q'axal naab'al chik chiru a'an tixk'e aawe li Qaawa'”, chan.

Tito 3:8

Tz'aqal yaal li aatin a'in ut nawaj naq taach'olob' chi tz'aqal, re naq eb' li ak neke'xpaab' li Yos te'xk'e xch'ool chi xb'aanunkil li chaab'il k'anjel. A'an us ut nak'anjelak cho'q reheb' chixjunil.

Efesios 2:10

Relik chi yaal naq laa'o xb'aanuhomo li Yos, yoob'tesinb'ilo sa' xk'ab'a' li Kristo Jesus, re naq tqab'aanu li chaab'il k'anjel teneb'anb'il sa' qab'een, jo' chanru kixk'uub' li Yos chi junxilaj.

1 Pedro 4:10

Chek'e chi k'anjelak leemaatan cherib'il eerib', a' yaal k'a' chi maatanil xk'ulum li junjunq, jo'qex li chaab'il aj k'anjelahom re li rusilal li Yos li chi k'iila paay nak'utunk wi'.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

2 Corintios 8:19

A'an xxaqab'aak ajwi' xb'aaneb' li Iklees cho'q qochb'een sa' li chaab'il k'anjel a'in li yooko chi xb'aanunkil re xnimal xloq'al li Qaawa', jo'wi' re xk'utb'al li naqeek'a sa' li qaanm.

Colosenses 1:10

re naq chiwanq taxaq leeyu'am jo' chanru xk'ulub' li Qaawa', tz'aqal jo' nawulak chiru. Cheruuchin chixjunil li chaab'il b'aanuhom ut chexk'iiq chi xnawb'al ru li Yos.

Hechos 9:36

Kiwank aran Jope jun li ixq aj paab'anel, xTabitá xk'ab'a' (chi jalb'il ru naraj naxye: “Ch'ina Yuk”). A'an naxb'aanu naab'al li usilal ut k'ajo' li lemoox naxk'e.

2 Ts 2:17

a'an taxaq chik'ojob'anq eech'ool ut chik'ehoq eekawub' re xb'aanunkil ut xyeeb'al chixjunil li us.

2 Timoteo 3:17

Chi jo'kan laj k'anjel chiru li Yos tz'aqalaq re ru ut kawresinb'ilaq re xb'aanunkil chixjunil li chaab'il k'anjel.

2 Corintios 13:3

Ninnaw naq yookex chi xsik'b'al xyaalal ma na'aatinak li Kriist inb'aan laa'in. Ut li Kriist moko maak'a' ta xwankil eerik'in, q'axal nim b'an xwankil sa' eeyanq.

Filipenses 4:11

Ink'a' ninye a'in sa' xk'ab'a' naq wankin ta sa' rajb'al ru, xb'aan naq xintzol wib' chi wank chi k'ojk'o inch'ool sa' chixjunil li yookin chi xk'ulb'al.

2 Timoteo 2:21

Wi ani naxkol rib' chiru chixjunil a'in, a'anaq jo' li sek' re chaab'il k'anjel, santob'resinb'il ut k'ajo' rusil cho'q re laj eechal re; yo'oon wank cho'q re chixjunil li chaab'il k'anjel.