2 Corintios 9:7 - Q'eqchi Bible

⁷ Li junjunq chixk'ehaq jo'nimal na'alaak sa' xch'ool, ink'a' chi ka'b'rix xch'ool chi moko chi minb'ilaq ru, xb'aan naq li Yos naxra li nasihok chi sa sa' xch'ool.

Li Santil hu

⁷ Li junju̱nk tixqꞌue li joꞌ qꞌuial ta̱ala̱k saꞌ xchꞌo̱l xqꞌuebal. Incꞌaꞌ tixqꞌue chi ra saꞌ xchꞌo̱l, chi moco minbilak ta ru xban nak li Ka̱cuaꞌ naxra li ani naxqꞌue chi sa saꞌ xchꞌo̱l.

2 Corintios 9:7 ပူးပေါင်းရင်းမြစ်များ

2 Corintios 8:12

Xb'aan naq wi wank k'aru na'alaak sa' xch'ool anihaq, a'an k'ulb'il chi chaab'il xb'aan li Yos sa' xk'ab'a' li jo'ch'inal jo'nimal wank re; ink'a' napatz'mank li maak'a' wank re.

Hechos 20:35

Chi yalaq chan re ru xlajink'ut cheru naq tento xtenq'ankileb' li toq'ob'eb' ru rik'in k'anjelak chi jo'ka'in, jo'wi' tento xk'eeb'al sa' qach'ool li xyehom li Qaawa' Jesus: «Q'axal nim li sahil ch'oolejil wank sa' li k'ehok chiru li wank sa' li k'uluk», chan”.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

Éxodo 25:2

“Ye reheb' laj Israel naq te'xyeechi'i xmayejeb' we. Laa'ex teexok cho'q we jo'ch'inal jo'nimal li na'alaak sa' xch'ooleb'.

Proverbios 11:25

Li natenq'ank chi anchal xch'ool, nab'ihomo'k; li ani nasihink, k'uluk ajwi' naxb'aanu.

Proverbios 22:9

Osob'tesinb'ilaq li na'uxtaanank u, xb'aan naq naxwotz li xtzekemq rik'ineb' li neb'a'.

Romanos 12:8

wi wank qamaatan re k'ehok na'leb', chook'ehoq na'leb'. Li nasihink, chisihinq chi anchal xch'ool; li nawank chi xjolomil, chixch'oolani xb'aanunkil; li na'uxtaanank u, chixb'aanuuq chi sa sa' xch'ool.

1 Pedro 4:9

Chexk'ehoq ochochnaal cherib'il eerib' chi maak'a'aq wech'ink.

Éxodo 35:5

Teesik' mayej sa' xyanq li k'aru wank eere ut teeyeechi'i re li Qaawa'. Chixjunil li na'alaak sa' eech'ool teemayeja cho'q re li Qaawa': oor, plaat ut q'anch'iich',

Isaías 32:8

A'ut li chaab'il xch'ool junes li chaab'ilal naxk'oxla, ut kaw xch'ool chi xb'aanunkil li us.

Deuteronomio 15:14

tento b'an naq taak'e xketomq, naab'al li xtriiw ut xb'iin; naraj naxye taawotz li k'aru xatrosob'tesi wi' li Qaawa' laaYos.

Santiago 5:9

Ex was wiitz'in, meewech' eerix cherib'il eerib' re naq ink'a' chiraqmanq aatin sa' eeb'een. K'ehomaq reetal naq laj Raqol aatin ak wank chire kab'l.

Isaías 32:5

Ink'a' chik taayehe'q “chaab'il winq” re li maak'a' xna'leb' chi moko taak'ehe'q xloq'al li eet aj winq.

1 Crónicas 29:9

K'ajo' naq ke'saho'k eb' li tenamit rik'in a'in, xb'aan naq chi anchaleb' xch'ool ke'xk'e re li Qaawa' jo'ch'inal jo'nimal x'alaak sa' xch'ooleb'. Jo'kan ajwi' li awab'ej David kisaho'k xch'ool.

Filemón 1:14

ab'anan maak'a' xwaj xb'aanunkil chi ink'a' xb'enwa xwab'i k'aru nakak'oxla chirix, re naq ink'a' minb'ilaq aawu chi xb'aanunkil li usilal a'in, chi anchalaq b'an aach'ool.