2 Corintios 9:6 - Q'eqchi Bible

⁶ K'ehomaq reetal: li ani b'a'b'ay ajwi' naraw, b'a'b'ay ajwi' tixq'ol; ut ani na'awk chi yo'oon, yo'oon ajwi' tixq'ol.

Li Santil hu

⁶ Cheqꞌuehak retal li naꞌleb aꞌin: li ani caꞌchꞌin narau, caꞌchꞌin ajcuiꞌ li tixkꞌol. Ut li ani nabal narau, nabal ajcuiꞌ tixkꞌol.

2 Corintios 9:6 ပူးပေါင်းရင်းမြစ်များ

San Lucas 6:38

Chexk'ehoq, ut taak'eemanq eere: jun chaab'il b'isok, tz'ajtz'otq, chiq'b'ilaq, b'uyb'utq taak'ehe'q eere. Xb'aan naq rik'in li b'isleb' nekexb'isok wi', texb'ise'q ajwi' laa'ex”.

Proverbios 22:9

Osob'tesinb'ilaq li na'uxtaanank u, xb'aan naq naxwotz li xtzekemq rik'ineb' li neb'a'.

Proverbios 19:17

Li naruxtaana ru li neb'a', chanchan ajwi' re li Yos yo chi xb'aanunkil, ut li Qaawa' taak'ehoq reeqaj re.

2 Corintios 9:10

Li nak'ehok iyaj re laj awinel jo'wi' li wa re tzekaak, tixk'e ajwi' eeriyaj ut tixtamb'resi; tixk'ihob'resi li naruuchin li xchaab'ilal leech'ool.

Hebreos 6:10

Xb'aan naq tiik xch'ool li Yos, moko hoon ta nasachk sa' xch'ool leechaab'il k'anjel ut chanru xetenq'aheb' chaq laj santil paab'anel, ut toj yookex chi xtenq'ankileb' anaqwan, sa' xk'ab'a' li Qaawa'.

Eclesiastés 11:6

Aw laawiyaj eq'la, ut aw wi' chik ewu, xb'aan naq ink'a' nakanaw b'arwan li taa'elq chi us, ma li xawaw xb'enwa malaj li moqon, malaj us taa'elq xkab'ichal.

Proverbios 11:18

Li yib'ru xna'leb' moko ch'olch'o ta li xq'ajkamunkil; a'ut li naxb'aanu li tiikilal, a'an ch'olch'o li xtojb'al.

Eclesiastés 11:1

Chatsihinq chi anchal aach'ool, ut sa' junaq kutan taak'ul reeqaj.

Gálatas 5:16

Chineerab'i: chexb'eeq rub'el xwankil li Musiq'ej, ut chi jo'kan ink'a' teeb'aanu li naxrahi ru li tz'ejwalej.

Gálatas 3:17

A'in laa'in ninye: li testameent k'uub'k'u chi chaab'il xb'aan li Yos ink'a' naru taasache'q xwankil xb'aan li Chaq'rab' k'eeb'il lajeeb' xka'k'aal xkab' o'q'ob' (430) chihab' moqon; ut ink'a' naru taakanaaq chi maak'a' rajb'al li xyeechi'om li Yos.

1 Corintios 15:20

Ab'anan ink'a'! Li Kriist kiwakliik chi yo'yo sa' xyanqeb' li kamenaq jo' xb'een mayej sa' xyanqeb' li xe'xk'uula rib'.

Efesios 4:17

A'in ninye ut nintz'aama cheru sa' xk'ab'a' li Qaawa': naq ink'a' chik texwanq jo'eb' li maak'a'eb' xpaab'aal, sa' xmajelal xna'leb'eb',

1 Corintios 7:29

A'in li ninye eere, ex was wiitz'in: ak yo chi nume'k li honal. Jo'kan utan, eb' li wankeb' rixaqil che'wanq jo' maak'a' rixaqileb'.

Colosenses 2:4

Ninye a'in eere re naq maa'ani chib'alaq'inq eere rik'in xchaq'alil ru aatin.

1 Corintios 1:12

Nawaj xyeeb'al naq wankeb' sa' eeyanq li neke'xye: “Laa'in rehin laj Pablo”; ut wank neke'xye: “Laa'in rehin laj Apolo”. Wankeb' ajwi' neke'yehok: “Laa'in rehin laj Sefas” malaj “Laa'in rehin li Kriist”.

2 Corintios 9:5

Jo'kan utan, xink'oxla naq tento xtz'aamankil chiruheb' li qiitz'in a'an naq che'xikaq eerik'in xb'enwa, toj moqon tinxik laa'in, re xkawresinkil leekub'siil ak yeechi'inb'il eeb'aan. Chi jo'kan yo'oon wanq jo' tz'aqal mayej ut ink'a' jo' yal k'eeb'il xb'aan xpixil eech'ool.