2 Corintios 9:2 - Q'eqchi Bible

² xb'aan naq ak ninnaw naq chi anchal eech'ool nekeraj xtenq'ankileb'. A'an a'in li ninnima wi' wib' chiruheb' laj Macedonia. Xinye reheb' naq ak laa'ex aj Akaya chalen junhab'er ak kawresinb'ilex chi xtenq'ankileb' laj santil paab'anel. Ut naab'aleb' aj Macedonia xe'eek'asiik xch'ool xb'aan leerahom.

Li Santil hu

² Ninnau nak chi anchal e̱chꞌo̱l nequeraj xtenkꞌanquileb. Ut xinye e̱resilal reheb laj Macedonia. Xinye chi joꞌcaꞌin: Laj pa̱banel li cuanqueb Acaya chalen jun haber qui-ala saꞌ xchꞌo̱leb xtenkꞌanquileb li rech aj pa̱banelil, chanquin reheb. Ut xban nak la̱ex yo̱quex chixqꞌuebal e̱chꞌo̱l chi tenkꞌa̱nc eb aꞌan teꞌraj ajcuiꞌ tenkꞌa̱nc.

2 Corintios 9:2 ပူးပေါင်းရင်းမြစ်များ

2 Corintios 8:10

Chekuy inmaak, nawaj xk'eeb'al eena'leb' chirix a'in re eerusilankil. Chalen chaq junhab'er laa'ex li xb'enwa xetikib' li kub'sink, ut xeb'aanu ajwi' chi anchal eech'ool.

2 Corintios 8:8

Ink'a' xinye a'in re eetaqlankil; ka'aj b'an wi' nawaj teenaw xchaab'ilaleb' xch'ool li junch'ol, re naq teek'ut naq laa'ex nekexrahok chi anchal eech'ool.

2 Corintios 8:24

Chek'utaq b'i' chiruheb' leerahom ut chek'utaq ajwi' xyaalalil li k'aru naqanima wi' qib' cherix chiruheb' li Iklees.

Hebreos 10:24

Chiqilaq qib' chiqib'il qib' re xk'eeb'al xkawub' qach'ool chi rahok jo'wi' chi xb'aanunkil li chaab'il k'anjel.

1 Corintios 16:15

Nekenaw chi us naq li xjunkab'al laj Estéfanas a'aneb' xb'een chi paab'ank sa' xsutam Akaya ut xe'xq'axtesi rib' chi k'anjelak chiruheb' laj santil paab'anel.

1 Ts 1:7

Chi jo'kan xexkanaak cho'q aj k'utul chaab'il b'e chiruheb' chixjunil laj paab'anel wankatqeb' Macedonia ut Akaya.

2 Corintios 8:19

A'an xxaqab'aak ajwi' xb'aaneb' li Iklees cho'q qochb'een sa' li chaab'il k'anjel a'in li yooko chi xb'aanunkil re xnimal xloq'al li Qaawa', jo'wi' re xk'utb'al li naqeek'a sa' li qaanm.

2 Corintios 7:4

Ninye eere li yaal ut q'axal ninnima wu sa' eek'ab'a' laa'ex. K'ojk'o inch'ool ut numtajenaq xsahil li waanm sa' chixjunil li rahilal.

2 Corintios 1:1

Laa'in laj Pablo, x'apóstol li Jesukriist jo' x'alaak sa' xch'ool li Yos, nintz'iib'ak, wochb'een laj Timoteo li wiitz'in, rik'in li x'Iklees li Yos li wank Korinto jo'wi' rik'ineb' chixjunil laj santil paab'anel li wankeb' sa' xsutam Akaya.

Hechos 18:12

Naq laj Galión wank chi taqlank aran Akaya, eb' laj Judiiy sa' komonil ke'xkut rib' sa' xb'een laj Pablo, ke'xk'am sa' li raqleb'aal aatin

Hechos 24:17

“Chirix k'iila chihab', xinchalk chi k'amok lemoox cho'q re lintenamit ut chi mayejak.

Romanos 15:26

xb'aan naq eb' laj Macedonia ut laj Akaya xe'xk'uub' kub'sink cho'q reheb' li neb'a' wankeb' sa' xyanqeb' laj santil paab'anel aran Jerusalén.

2 Corintios 7:14

Ut wi wank k'aru xinnima wi' wu eeb'aan laa'ex chiru laj Tito, ink'a' xinkanaak sa' xutaan. Jo' naq yaal chixjunil li xqaye eere, jo'kan ajwi' tz'aqal yaal chixjunil li xqaye re laj Tito: naq laa'ex li xk'ojob'ankil qach'ool.

2 Corintios 8:11

Choyomaq b'i' xb'aanunkil li na'leb' a'in anaqwan re naq, kama' xeyoob' a'in chi anchal eech'ool, jo'kan ajwi' naq teechoy xb'aanunkil, a' yaal chanru naxk'e rib' cheru.