2 Corintios 8:8 - Q'eqchi Bible

⁸ Ink'a' xinye a'in re eetaqlankil; ka'aj b'an wi' nawaj teenaw xchaab'ilaleb' xch'ool li junch'ol, re naq teek'ut naq laa'ex nekexrahok chi anchal eech'ool.

Li Santil hu

⁸ La̱in incꞌaꞌ yo̱quin xminbal e̱ru. Yo̱quin ban chixyebal e̱re chanru nak eb laj Macedonia nequeꞌxqꞌue xmayej chi anchaleb xchꞌo̱l ut nacuaj ajcuiꞌ xnaubal ma chi anchal e̱chꞌo̱l nequexrahoc la̱ex.

2 Corintios 8:8 ပူးပေါင်းရင်းမြစ်များ

1 Corintios 7:6

Ninye a'in re eerusilankil, moko re ta eetaqlankil.

Hebreos 10:24

Chiqilaq qib' chiqib'il qib' re xk'eeb'al xkawub' qach'ool chi rahok jo'wi' chi xb'aanunkil li chaab'il k'anjel.

2 Corintios 9:7

Li junjunq chixk'ehaq jo'nimal na'alaak sa' xch'ool, ink'a' chi ka'b'rix xch'ool chi moko chi minb'ilaq ru, xb'aan naq li Yos naxra li nasihok chi sa sa' xch'ool.

2 Corintios 6:6

Naqak'ut ajwi' a'an rik'in xsaqal ru li qach'ool, rik'in qachaab'il k'a'uxl, xnimal qakuyum, usilal, rik'in Santil Musiq'ej ut rik'in tz'aqal rahok,

1 Pedro 1:22

Eech'ajob'resihom leeraanm rik'in xpaab'ankil li yaal, re naq teera eerib' jo' eeras eeriitz'in eerib', chi ink'a' yal pak'b'il. Q'axal b'i' naq cherahaq eerib' chi saqaq ru leech'ool,

Efesios 6:24

Chiwanq taxaq li rusilal li Yos rik'ineb' chixjunil li neke'rahok re li Qaawa' Jesukriist chi junelik.

Efesios 4:15

tqak'anjela b'an li yaal rik'in li rahok, ut chi jo'kan took'iiq sa' chixjunil toj reetal toowulaq rik'in li jolomej, a'an li Kriist.

2 Corintios 9:2

xb'aan naq ak ninnaw naq chi anchal eech'ool nekeraj xtenq'ankileb'. A'an a'in li ninnima wi' wib' chiruheb' laj Macedonia. Xinye reheb' naq ak laa'ex aj Akaya chalen junhab'er ak kawresinb'ilex chi xtenq'ankileb' laj santil paab'anel. Ut naab'aleb' aj Macedonia xe'eek'asiik xch'ool xb'aan leerahom.

2 Corintios 8:24

Chek'utaq b'i' chiruheb' leerahom ut chek'utaq ajwi' xyaalalil li k'aru naqanima wi' qib' cherix chiruheb' li Iklees.

2 Corintios 8:10

Chekuy inmaak, nawaj xk'eeb'al eena'leb' chirix a'in re eerusilankil. Chalen chaq junhab'er laa'ex li xb'enwa xetikib' li kub'sink, ut xeb'aanu ajwi' chi anchal eech'ool.

1 Corintios 7:25

Chirixeb' li ink'a' sumsuukeb' maak'a' inchaq'rab'inkil xb'aan li Qaawa', ab'anan ninye li nink'oxla jo' winq aj paab'ajel sa' xk'ab'a' xnimal ruxtaan li Qaawa'.

1 Corintios 7:12

Reheb' li junch'ol ninye a'in (maawa' xyehom li Qaawa', inyehom b'an laa'in): wi junaq aj paab'anel wank rixaqil maak'a' xpaab'aal ut a'in naxk'ul ru wank rik'in, mixkanab' li rixaqil.

Romanos 12:9

Mexrahok yal chi pak'b'il, chetz'eqtaana li ink'a' us, chapchooqex chi kaw rik'in li us.

Ezequiel 33:31

Ut chi jo'kan lintenamit neke'chalk ut neke'k'ojlaak chawu, jo' k'aynaqeb' chi xb'aanunkil, re rab'inkil laawaatin. Ab'anan ink'a' neke'xyu'ami. «Ch'ina'us li aatin a'in!», chankeb', ab'an yal chi xtz'uumal reheb' neke'xk'ulub'a, xb'aan naq li xch'ooleb' naxik ka'ajwi' chirix li tumin.

Josué 24:14

“Jo'kan utan chexiwa ru li Qaawa' ut chexk'anjelaq chiru chi chaab'il ut chi tiik ru leech'ool. Chekanab'eb' li yos li ke'xloq'oni leexe'toonil yuwa' chire li nima' Éwfrates ut aran Ejiipt, ut chexk'anjelaq chiru li Qaawa'.