2 Corintios 7:6 - Q'eqchi Bible

⁶ Ab'anan li Yos, aj k'ojob'anel xch'ooleb' li toq'ob'eb' ru, xk'ojob' qach'ool rik'in xk'ulunik laj Tito;

Li Santil hu

⁶ Abanan li Dios naxcꞌojob xchꞌo̱leb li raheb saꞌ xchꞌo̱l. Ut aꞌan quixqꞌue xcacuilal kachꞌo̱l riqꞌuin lix cꞌulunic laj Tito.

2 Corintios 7:6 ပူးပေါင်းရင်းမြစ်များ

2 Corintios 7:13

A'an a'in li xk'ojob'ank qach'ool. Ut q'axal wi' chik xsaho'k sa' li qaanm rik'in xsahil xch'ool laj Tito, xb'aan naq xk'ojlaak xch'ool eeb'aan chejunilex.

Jeremías 31:13

Toja' naq eb' li tuq'ixq te'xajoq xb'aan xnimal xsahilaleb' xch'ool; jo'kanaqeb' ajwi' li saaj al ut eb' li cheekel winq. Tinsutq'isi li xrahilaleb' cho'q sahilal, tink'ojob'eb' xch'ool ut twisi chixjunil li ch'a'ajkilal sa' xyanqeb'.

1 Ts 3:2

ut xqataqla eerik'in laj Timoteo, li qiitz'in ut aj k'anjel chiru li Yos sa' li xChaab'il Esil li Kriist. A'an a'in li qajom: xk'eeb'al eena'leb' ut xkawub' eech'ool sa' leepaab'aal

Isaías 57:18

Ak xwil li xb'aanuhom, ab'an tink'irtasi, tinb'eresi ut tink'ojob' xch'ool a'an jo'wi' li neke'yaab'ak chirix;

Filipenses 2:1

K'ojk'o linch'ool naq li Kriist xb'oqok eere chi waklesink ch'oolej ut li xrahom nekextaqla chi xk'ojob'ankil xch'ooleb' leeras eeriitz'in; wotz nekextz'aqonk rik'in jun chi Musiq'ej, aj uxtaanex ut chaab'il leeraanm.

Romanos 15:5

A' taxaq li Yos li nachalk wi' xkawub' qach'ool ut xk'ojob'ankil li qaanm chik'ehoq eere naq texwanq sa' aatin cherib'il eerib', jo' naraj li Kristo Jesus,

San Mateo 5:4

Us xaq reheb' li neke'yaab'ak, xb'aan naq li Yos taak'ojob'anq xch'ooleb'.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

San Juan 14:16

ut laa'in tintz'aamanq tin'elajinq chiru li Yuwa'b'ej, ut a'an tixtaqla chaq jun chik aj K'ojob'anel ch'ool re naq twanq eerik'in chi junelik:

2 Corintios 7:7

ut moko ka'aj ta wi' rik'in li xk'ulunik, rik'in aj b'an wi' xk'ojlajik xch'ool eerik'in laa'ex. Laa'ex nikineek'oxla, q'axal nikineera, ra nekereek'a chirix li xk'ulmank: a'an a'in li xseeraq'i we laj Tito, jo'kan naq q'axal chik xsaho'k linch'ool.

2 Corintios 7:14

Ut wi wank k'aru xinnima wi' wu eeb'aan laa'ex chiru laj Tito, ink'a' xinkanaak sa' xutaan. Jo' naq yaal chixjunil li xqaye eere, jo'kan ajwi' tz'aqal yaal chixjunil li xqaye re laj Tito: naq laa'ex li xk'ojob'ankil qach'ool.