2 Corintios 7:10 - Q'eqchi Bible

¹⁰ Li rahil ch'oolej jo' naraj li Yos naxyoob' chi junajwa li yot'b'ach'oolej jalb'ak'a'uxl ut naxk'am chaq li kolb'a ib'; ab'an li rahil ch'oolej jo' chanru naraj li ruuchich'och', a'an naxyoob' li kamk.

Li Santil hu

¹⁰ Cui junak narahoꞌ xchꞌo̱l xban li incꞌaꞌ us naxba̱nu, li jun aꞌan naxtau lix colbal xban nak nayotꞌeꞌ xchꞌo̱l ut naxjal xcꞌaꞌux joꞌ naraj li Dios. Ut ma̱ ani narahoꞌ xchꞌo̱l xban li colba-ib. Abanan cui junak narahoꞌ xchꞌo̱l xban li incꞌaꞌ us naxba̱nu ut incꞌaꞌ nayotꞌeꞌ xchꞌo̱l, li jun aꞌan incꞌaꞌ naxtau li colba-ib.

2 Corintios 7:10 ပူးပေါင်းရင်းမြစ်များ

Hechos 3:19

Yot'omaq b'i' eech'ool ut jalomaq eek'a'uxl re naq te'kuymanq te'sachmanq leemaak.

Hechos 11:18

Naq ke'rab'i a'in, eb' laj paab'anel aj Jerusalén ke'k'ojlaak xch'ool ut ke'xnima ru li Yos: —A'in naraj naxye naq li Yos xk'e ajwi' reheb' li maawa'eb' aj Judiiy naq te'xyot' xch'ool te'xjal xk'a'uxl ut te'ok sa' li yu'am, chankeb'.

2 Samuel 12:13

Kichaq'ok laj David ut kixye: “Xinmaakob'k chiru li Qaawa'”. Ut laj Natán kixye re: “Li Qaawa' ak xkuy aamaak; ink'a' tatkamq.

San Lucas 18:13

“Ut laj titz'ol toj najt kixk'e chaq rib'; chi moko kiraj xtaqsinkil li rilob'aal sa' choxa, naxtenyan li re xch'ool: «At inYos, laa'in aj maak. Chawuxtaana taxaq wu!», chan.

San Lucas 15:10

“Ninye eere naq kama'an ajwi' li sahil ch'oolej nawank sa' xyanqeb' li x'ánjel li Yos naq junaq aj maak tixyot' xch'ool tixjal xk'a'uxl”.

Jonás 3:10

Naq li Yos kiril li yookeb' chi xb'aanunkil eb' li tenamit, naq yookatqeb' chi xkanab'ankil li xmaa'usilaleb', kixjal li xk'a'uxl ut ink'a' chik kixk'eheb' sa' tojb'amaak, jo' chanru kixye reheb' xb'enwa.

Hebreos 12:17

Ak nekenaw chanru naq moqon kiraj raj reechaninkil li rosob'tesinkil, ab'an kitz'eqtaanaak ut ink'a' chik kiruhank chi xjalb'al li aatin yeeb'il, us ta kaw kiyaab'ak chi xtz'aamankil.

Proverbios 17:22

Li sahil ch'oolej a'an chanchan li b'an nak'ehok kawilal; ab'an li rahil ch'oolej na'oksink yajel.

Jonás 4:9

Toja' naq li Yos kixpatz' re laj Jonás: “Ma us naq nakatjosq'o'k sa' xk'ab'a' naq xchaqik li jun toon chi che'kenq'?”, chan re. Kichaq'ok laj Jonás ut kixye: “Us ninb'aanu naq ninjosq'o'k. Wank xyaalal naq ninpo'k toj reetal nawaj raj kamk!”.

1 Samuel 30:6

K'ajo' li xk'a'uxl laj David xb'aan naq eb' li wankeb' rochb'een yookeb' chi xk'oxlankil xteninkil chi pek: jwal raheb' sa' xch'ool li tenamit, li junjunq chirixeb' li xkok'al. Ab'an laj David kixtaw xkawub' li xch'ool rik'in li Qaawa' li xYos

2 Corintios 12:21

Ninxiwak naq, sa' linwulajik, linYos tixkub'si wi' chik inwankil sa' eeyanq: mare tinyaab'aq chirixeb' naab'al li xe'maakob'k junxil ut ink'a' xe'xjal xk'a'uxl chirix li maa'usilal xe'xb'aanu, jo'wi' chirix li ko'b'eetak yumb'eetak ut tz'i'b'eetalil.

San Mateo 26:75

Ut laj Pedro kinaqk sa' xch'ool li kiyehe'k re xb'aan li Jesus: “Toj maji'aq nayaab'ak li tzo' kaxlan, akaq ox sut xaye naq ink'a' nakanaw wu”. Ki'elk chirix kab'l ut k'ajo' naq kiyot'e'k chi yaab'ak.

Jonás 3:8

“Tiqib'omaq eerib' rik'in q'es ruhil t'ikr jo' reetalil li rahil ch'oolejil; tiqib'omaq ajwi' eb' li xul chi jo'kan. Ut kaw tz'aamanqex chiru li Yos. Li junjunq xkanab'aq xb'aanunkil li xmaa'usilal ut li raaxiik' naxb'aanu toj anaqwan.

Ezequiel 7:16

Eb' li te'ruhanq chi elelik, te'xb'eeni rib' sa'atqeb' li k'iche', tz'uyuynaqeb' xb'aan li xmaakeb', jo'qeb' li mukuy xib'esinb'ileb'.

Jeremías 31:9

Yooqeb' chaq chi tijok ut chi yaab'ak naq te'chalq. Teb'ink'am chireheb' li nima', sa' li b'e tiik ru, re naq ink'a' te'xtich li roqeb'. Xb'aan naq laa'in li xyuwa' laj Israel, ut laj Efraín a'an li xb'een li walal.

Proverbios 18:14

Li xkawilal qach'ool, nokooxwaklesi sa' li yajel; ab'an wi ra li qach'ool, ani taawaklesinq qe?

Proverbios 15:15

Li ra sa' xch'ool chixjunil li kutan ink'a' us cho'q re; a'ut cho'q re li sa sa' xch'ool, chanchan junelik ninq'e.

Proverbios 15:13

Li sahil ch'oolej ut li rahil ch'oolej nak'utunk chi xnaq' uhej.

1 Reyes 21:4

K'ajo' xrahil xch'ool laj Ajab naq koho sa' rochoch, yo xjosq'il xb'aan naq laj Nabot aj Jisrehel kixye re naq ink'a' tixk'e li na'ajej kireechani rik'in li xyuwa'. Kixsotob' rib' sa' li xch'aat, kixb'alq'usi rib' chiru li tz'ak ut maak'a' kiraj xtzekankil.

2 Samuel 17:23

Naq laj Ajitófel kixk'e reetal naq laj Absalón ink'a' kixk'ulub'an li xyehom, kixyiib' rix li xb'uur ut koho sa' rochoch sa' li xtenamit. Aran kixchaq'rab'i li xjunkab'al ut kixyatz' rib'. Jo'ka'in naq kikamk, ut ke'xmuq sa' li na'ajej kimuqe'k wi' li xyuwa'.

2 Samuel 13:4

ut sa' jun kutan kixye: “K'aru xak'ul, ralalat li awab'ej? K'a'ut naq yookat chi b'aqo'k? Ma ink'a' taaye we?”. Kichaq'ok laj Amnón: “Xikenaq linch'ool chirix lix Tamar, ranab' laj Absalón li was”, chan.

Génesis 30:1

Naq lix Rakel kixk'e reetal naq maajun xk'uula'al kiwank rik'in laj Jakob, kixkaqali li xchaq'na' ut kixye re li xb'eelom: “K'ehin chi alank malaj tinkamq”.

Salmos 38:18

A'ut anaqwan kach'in chik maa nint'ane'k, li rahilal wankin wi' tik ink'a' nikinxkanab'.

Eclesiastés 7:3

Q'axal us li yaab'ak chiru li se'ek, xb'aan naq li rahil ch'oolej nokooxtenq'a chi xtawb'al qana'leb'.

2 Corintios 7:9

ink'a' rik'in naq xrahob'tesiik eech'ool, rik'in b'an naq xyot'e'k eech'ool xejal eek'a'uxl. Xekuy li rahilal a'an jo' naraj li Yos ut anaqwan neketaw ru naq maajun rahilal xek'ul qab'aan laa'o.