2 Corintios 6:9 - Q'eqchi Bible

⁹ jo'ko li ink'a' nanawe' qu, ab'an nawb'il qu chi us; jo'ko li yooko chi kamk, ab'an yo'yooko. Rahob'tesinb'ilo, ab'an ink'a' kamsinb'ilo;

Li Santil hu

⁹ Cuan li nequeꞌxba̱nu joꞌ li incꞌaꞌ nequeꞌxnau ku, abanan chixjunileb nequeꞌxnau ku. Caꞌchꞌin chic ma̱ xocam, abanan toj yoꞌyo̱co. Kꞌaxal ra xkacꞌul abanan li Dios incꞌaꞌ nocoxcanab chi camsi̱c.

2 Corintios 6:9 ပူးပေါင်းရင်းမြစ်များ

Romanos 8:36

Tz'iib'anb'il sa' li Santil Hu: “Sa' aak'ab'a' laa'at nokook'ehe'k chi kamk rajlal kutan, chanchano eb' li karneer re kamsiik”.

2 Corintios 11:6

Us ta ink'a' ninnaw aatinak chi chaab'il, ab'an moko jo'kanin ta rik'in linna'leb'; ut a'in junelik xqak'ut cheru rik'in chixjunil ut sa' xyanqeb' chixjunil.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

1 Corintios 4:9

Xb'aan naq nink'oxla naq li Yos xooxkanab' laa'o li apóstol toj sa' xmaril, kama' wi' naq teneb'anb'il kamk sa' qab'een; k'eeb'ilo chi ka'yaak xb'aan chixjunil li ruuchich'och', jo'eb' li ánjel jo'eb' li tenamit.

2 Corintios 5:11

Laa'o naqanaw naq tento roxloq'inkil li Qaawa'. Jo'kan naq naqayal qaq'e chi xq'unb'esinkil xch'ooleb' li tenamit. Li Yos naxnaq k'aru wank sa' qach'ool, ut nawoyb'eni naq laa'ex ajwi' teenaw qu chi us.

1 Corintios 15:31

Rajlal kutan yookin chi kamk! Tz'aqal yaal a'in, ex was wiitz'in, jo' naq tz'aqal yaal naq ninnima wu sa' eek'ab'a' laa'ex, xb'aan li Kristo Jesus, li Qaawa'.

1 Corintios 11:32

Ut naq naraqmank aatin sa' qab'een xb'aan li Qaawa', nokootije'k xb'aan, re naq ink'a' took'ehe'q sa' tojb'amaak qochb'een li ruuchich'och'.

Romanos 15:19

rik'in xninqal ru eetalil ut sachb'ach'oolej ut rik'in xnimal xwankil li xMusiq' li Yos. Xinraqe'k xpuktesinkil li xChaab'il Esil li Kriist: xintikib' chaq Jerusalén, xinsuti chixjunil li na'ajej toj reetal xinwulak Iliria.

Hechos 25:26

Ut chirix a'an ink'a' tz'aqal ninnaw k'a' ta wi' ru tintz'iib'a rik'in li awab'ej; jo'kan naq xink'am chaq cheru laa'ex ut xb'een xb'een chawu laa'at, at qaawa' Agripa, re naq wanq k'aru tintz'iib'a chi akaq xqatz'il rix chixjunil.

Hechos 25:19

Ka'ajwi' xe'xjit chirix li xpaab'aaleb' ut chirix jun li winq Jesus xk'ab'a', ak kamenaq, ab'an laj Pablo naxye naq toj yo'yo.

Hechos 19:26

ab'anan yookex chi rilb'al ut chi rab'inkil resil naq moko ka'aj ta wi' arin Éfeso, sa' aj b'an wi' naab'aleb' chi tenamit, kach'in chik maa chixjunil Asia, laj Pablo a'in naxq'unb'esi ut naxpo' xch'ooleb' naab'al chi winq ut ixq, rik'in xyeeb'al naq maawa' yoseb' li neke'yiib'aak rik'in uq'ej.

Hechos 17:18

Wankeb' ajwi' aj nahonel xninqal ru k'a'uxl, xkomoneb' laj Epikuro ut eb' laj Estoiko, ke'ok chi wech'ink rik'in. Wan ke'yehok: —K'a' anchal taaraj xyeeb'al laj b'ayol rib' a'an? Wankeb' wi' chik neke'yehok: —Mare a'an jun li na'aatinak chirixeb' jalanil yos. Ke'xye chi jo'kan xb'aan naq laj Pablo naxye resil li Jesus jo' ajwi' resil li xwaklijik wi' chik chi yo'yo.