2 Corintios 6:7 - Q'eqchi Bible

⁷ rik'in xyeeb'al li yaal, rik'in xwankil li Yos, rik'in xk'anjelob'aal li tiikil ch'oolej chi qanim ut chi qatz'e.

Li Santil hu

⁷ Nakachꞌolob lix ya̱lal che̱ru. Chixjunil li nakaba̱nu, nakaba̱nu riqꞌuin lix cuanquil li Dios. Junak li soldado cuan xchꞌi̱chꞌ re pletic saꞌ lix nim ukꞌ ut cuan xchꞌi̱chꞌ saꞌ lix tzꞌe re xcolbal rib. Ut li kachꞌi̱chꞌ la̱o, aꞌan xti̱quilal li kachꞌo̱l.

2 Corintios 6:7 ပူးပေါင်းရင်းမြစ်များ

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

2 Timoteo 2:15

K'e aach'ool chi wank chi chaab'il chiru li Yos jo' li winq yalb'il rix, jo' laj k'anjel li maak'a' k'aru taaxutaanaq wi' ut naxk'ut chi us li Aatin re li yaal.

Santiago 1:18

A'an sa' xch'ool x'alaak qayoob'tesinkil rik'in li Aatin re li yaal, re naq laa'ohaq jo' xb'een ru li awimq sa' li xyoob'tesihom.

2 Timoteo 4:7

Xintz'aqonk sa' li xchaq'alil ru yalok u, xinraqe'k chi aanilak, xink'uula linpaab'aal.

1 Ts 5:8

A'ut laa'o li reho li kutan wanqo chi aj'ajaq qu, qatiqib'aq qib' rik'in li koleb' ch'iich' nak'ehe'k xb'aan li paab'aal ut li rahok; ut li qakolb'al li yooko chi royb'eninkil, a'an chik'anjelaq qe jo' ruuchil li punit ch'iich'.

Efesios 3:20

Li Yos li wank xwankil re xb'aanunkil chixjunil chi numtajenaq chik chiru li naqatz'aama malaj naqak'oxla, jo' chanru li xkawilal yo wi' chi k'anjelak qik'in,

2 Corintios 13:4

Yaal ajwi' naq kikamk chiru krus xb'aan xmajelal li xmetz'ew, ab'an yo'yo anaqwan xb'aan li xnimal xwankil li Yos. Jo'kan ajwi' laa'o: yooko chi tz'aqonk sa' xmajelal li xmetz'ew, ab'an yo'yooqo qochb'een a'an sa' xk'ab'a' li xnimal xwankil li Yos re k'anjelak cheru.

Efesios 1:13

Sa' xk'ab'a' A'an laa'ex li xerab'i ut xepaab' li Aatin re li yaal, a' li xChaab'il Esil leekolb'al, xexkaaxtiik ajwi' cho'q reechanihom li Yos, rik'in li Santil Musiq'ej yeechi'inb'il chaq:

2 Corintios 7:14

Ut wi wank k'aru xinnima wi' wu eeb'aan laa'ex chiru laj Tito, ink'a' xinkanaak sa' xutaan. Jo' naq yaal chixjunil li xqaye eere, jo'kan ajwi' tz'aqal yaal chixjunil li xqaye re laj Tito: naq laa'ex li xk'ojob'ankil qach'ool.

Salmos 119:43

Maawisi taxaq chi xtz'uumal we laawaatin li tz'aqal yaal, xb'aan naq kaw linch'ool chi royb'eninkil laak'uub'ahom.

Hebreos 2:4

Ut li Yos kixk'ut naq tz'aqal yaal a'an rik'ineb' eetalil ut sachb'ach'oolej, rik'in k'iila paay chi xninqal ru xb'aanuhom, jo'wi' rik'in xjek'inkil li xsimaatan li Santil Musiq'ej, a' yaal chanru rajom xch'ool.

Colosenses 1:5

sa' xk'ab'a' royb'eninkil li sahil ch'oolej k'uulanb'il cho'q eere sa' choxa. Ak tzolb'ilex chaq chirix a'an xb'aan li Aatin re li yaal, a' li Chaab'il Esilal

Efesios 4:21

wi relik chi yaal naq eerab'ihom aatinak chirix ut wi A'an li tzolb'ilex wi' chaq, jo' chanru li yaal wank rik'in li Jesus.

1 Corintios 1:24

ab'an cho'q reheb' li b'oqb'ileb', jo'eb' laj Judiiy jo'eb' laj Griego, a'an li Kriist, xnimal xwankil ut xna'leb' li Yos.

Hechos 11:21

Li ruq' li Qaawa' wank rik'ineb'; jo'kan naq naab'aleb' ke'ok chi paab'ank ut ke'xq'axtesi rib'eb' re li Qaawa'.

San Marcos 16:20

Ut eb' a'an koheb', ke'xpuktesi li Chaab'il Esilal yalaq b'ar, yo chi k'anjelak li Qaawa' rochb'eeneb' jo'wi' chi xk'eeb'al xwankil li Aatin rik'in li eetalil neke'ochb'eenink re.]

Isaías 59:17

Xk'e li tiikil ch'oolej cho'q koleb' ch'iich', ut li kolb'a ib' cho'q xpunit ch'iich'; xtiqib' rib' rik'in li eeqajunk jo' junaq xjut-aq', ut xk'e li xjosq'il chirix jo' xb'aatal.

Isaías 11:5

Tiqtooq junelik rik'in li yaal ut li tiikil ch'oolej.

Proverbios 3:16

Rik'in li xnim uq' naxyeechi'i aayu'am najt roq, ut rik'in li junchik naxyeechi'i aab'ihomal ut aaloq'al.

Éxodo 14:22

Eb' laj Israel koxe'okaq sa' li palaw chi chaqi ru xb'eheb': chanchan li tz'ak naq kikanaak li ha' chi xka'pak'alil li b'e.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.