2 Corintios 6:4 - Q'eqchi Bible

⁴ Chixjunil li naqab'aanu, naxk'ut naq laa'o aj k'anjelo chiru li Yos: q'axal naqakuy li rahob'tesiik, li raasa, li ch'a'ajkilal,

Li Santil hu

⁴ Chixjunil li nakaba̱nu, aꞌan nacꞌutuc re nak la̱o aj cꞌanjelo chiru li Dios. Nakacuy xnumsinquil chixjunil li raylal, li rahobtesi̱c ut li rahil chꞌo̱lejil li nakacꞌul.

2 Corintios 6:4 ပူးပေါင်းရင်းမြစ်များ

2 Corintios 12:10

Nasaho'k sa' inch'ool sa' xmajelal inmetz'ew, rik'in li hob'e'k, rik'in li wank sa' rajb'al ru, rik'in li rahob'tesiik ut li raaxiik' k'ulb'il sa' xk'ab'a' li Kriist, xb'aan naq jo'q'e maak'a' inmetz'ew, toja' naq q'axal kaw wib'.

2 Corintios 4:8

Rahob'tesinb'ilo rik'in chixjunil, ab'an moko yeq'inb'ilo ta chi junajwa; wanko sa' ch'a'ajkilal, ab'an ink'a' nach'inank qach'ool;

2 Corintios 11:27

Xinlub'je'k ut xintawasi wib' chi k'anjelak; k'iila q'oqyink xinyo'lek, xintz'okaak ut xchaqik we, k'iila wa xinkuyatq intz'okajik, xinkuy li ke ut li t'usam.

2 Corintios 12:12

Li reetalil li tz'aqal apóstol xk'utunk sa' eeyanq: rik'in chixjunil li kuyuk, rik'inatq eetalil, sachb'ach'oolej ut xninqal ru b'aanuhom.

2 Corintios 3:6

a'an xooxkawresi cho'q aj k'anjel chiru jun Ak' Sumwank, maawa' re li tz'iib'anb'il chiru pek, re b'an li Musiq'ej. Xb'aan naq li tz'iib'anb'il nakamsink, ut li Musiq'ej nak'ehok yu'am.

1 Corintios 3:5

Ani laj Apolo? Ani laj Pablo? Yal aj k'anjeleb'. Sa' xk'ab'a'eb' a'an xex'ok chi paab'ank, ut li junjunq xb'aanu li xk'anjel a' yaal chanru xk'ehe'k re xb'aan li Qaawa'.

Joel 2:17

Sa' xyanq li neb'aal rik'in li artal yaab'aqeb' laj tij li neke'k'anjelak chiru li Yos, ut te'xye: “Kuy xmaakeb' laatenamit, at Qaawa', ut maakanab'eb' chi se'eek xb'aaneb' li xik' neke'ilok re. Ink'a' taxaq te'xye eb' li junch'ol chik: «B'ar wank li xYoseb'?»”.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

Apocalipsis 1:9

Laa'in laj Jwan, leeras eeriitz'in ut leerochb'een sa' li raaxiik', sa' li xnimajwal awab'ejihom li Yos ut sa' li kuyuk sa' xk'ab'a' li Jesus, wankin chaq sa' jun li na'ajej sutsu xb'aan li palaw, Patmos xk'ab'a', sa' xk'ab'a' li raatin li Yos ut sa' xk'ab'a' xch'olob'ankil resil li Jesus.

1 Corintios 4:1

Jo'kan utan, che'xnawaq chixjunileb' naq laa'o xmoos li Kriist ut taqlanb'ilo chi k'anjelak chirixeb' li xmuqmuukil k'a'uxl li Yos.

Hebreos 12:1

Numtajenaq xk'ihaleb' laj ch'olob'ahom yaal chirix li qapaab'aal li yookeb' chi qasutb'al! Jo'kan utan, laa'o ajwi' qisihaq chiqix chixjunil li iiq jo'wi' li maak li nokooxluktasi, ut kawaq qach'ool chi aanilak sa' li b'e xaqab'anb'ilo wi'.

2 Timoteo 4:5

A'ut laa'at aj'ajaq aawu rik'in chixjunil, chakuyaq li rahilal, k'e aach'ool cho'q aj puktesinel re li Chaab'il Esilal, chab'aanu laak'anjel chi tz'aqal re ru.

2 Timoteo 2:24

Junaq aj k'anjel chiru li Qaawa' tento naq maawa'aq aj yoob'anel ch'a'ajkilal, chaab'ilaq b'an rik'ineb' chixjunileb', seeb'aq xch'ool chi k'utuk, nimaq xkuyum.

2 Timoteo 1:8

Jo'kan naq matxutaanak chi xyeeb'al li yaal chirix li Qaawa', chi moko tatxutaanaq inb'aan laa'in li wankin sa' tz'alam sa' xk'ab'a' A'an. Chakuyaq ajwi' laa'at li rahilal nak'ulmank sa' xk'ab'a' li Chaab'il Esilal. Chakuy rik'in xwankil li Yos

1 Timoteo 6:11

A'ut laa'at aj raholat re li Yos, maab'aanu a'in; chayal b'an aaq'e chi xsik'b'al li tiikilal ut li roxloq'inkil li Yos; chasik' li paab'ank, li rahok, li kuyuk ut li tuulanil.

1 Timoteo 4:6

Wi laa'at taach'olob' a'in chiruheb' laj paab'anel, laa'ataq aj chaab'il k'anjel chiru li Kristo Jesus, ch'oolaninb'ilaqat rik'in li aatin re li paab'ank jo' ajwi' rik'in li chaab'il k'utum xataaqe chi anchal aach'ool.

1 Timoteo 2:15

Ab'anan taakole'q sa' xk'ab'a' naq na'b'ej, wi junelik kawaq xch'ool sa' li xpaab'aal, sa' li rahok, santilal, ut rik'in q'unil ch'oolej.

1 Ts 5:14

Naqatz'aama ajwi' cheru, ex qas qiitz'in, cheq'usaqeb' li sachsookeb' xna'leb'; chewaklesihaqeb' li neke'ch'inank xch'ool, chetenq'aheb' li ink'a' kaweb' xch'ool sa' xpaab'aaleb' ut chiwanq eekuyum rik'ineb' chixjunil.

1 Ts 3:7

Jo'kan utan, ex qas qiitz'in, sa' chixjunil li raaxiik' ut li qarahilal, xqak'ul xk'ojob'ankil qach'ool eeb'aan sa' xk'ab'a' leepaab'aal.

Colosenses 1:24

Anaqwan nasaho'k sa' inch'ool rik'in li nalajinkuy sa' eek'ab'a' laa'ex, ut nintz'aqob'resi sa' linch'och'el sululel li xrahilal li Kriist li toj na'ajmank ru, cho'q re li xtz'ejwal, a'an li Iklees.

Colosenses 1:11

Chikawub'resiiq chi tz'aqal leech'ool xb'aan li xwankil li xloq'al li Yos, re naq teekuy chixjunil li ch'a'ajkilal chi ink'a' taach'inanq leech'ool;

2 Corintios 11:23

Ma aj k'anjeleb' chiru li Kriist? Us, tin'aatinaq jo' junaq kaan ru: q'axalin wi' chik chiruheb' a'an. Q'axal chik xintawasi wib' chi k'anjelak; numtejenaq chik chiruheb' xinwank sa' tz'alam ut xinrape'k chi tz'uum, k'iila sut x'aje'k inkamsinkil.

2 Corintios 11:9

Ut naq xinwank chaq sa' eeyanq ut xinkanaak sa' rajb'al ru, maa'ani xinch'i'ch'i'i. A'eb' li was wiitz'in li xe'chalk Macedonia xe'k'ehok we li namajelo'k chiwu. Rik'in chixjunil ink'a' xwaj eech'i'ch'i'inkil, ut ink'a' ajwi' texinch'i'ch'i'i.

2 Corintios 7:11

Chek'e reetal k'aru xyoob' sa' eeyanq li xrahil eech'ool jo' naraj li Yos: k'ajo' k'oxlak chiwix! Ut moko ka'aj ta wi' a'an. K'ajo' xpatz'b'al xkuyb'al eemaak, k'ajo' eejosq'il chirix li ink'a' us, k'ajo' eexiw, k'ajo' eek'a'uxl, k'ajo' leerahom, k'ajo' li xrahob'tesinkil laj maak! Laa'ex xek'ut naq tik maak'a' eemaak sa' chixjunil li na'leb' a'in.

2 Corintios 4:17

Li rahilal naqak'ul, a'an junpaat ajwi' ut moko aal ta riiqankil; ut a'an k'ajo' xnimal li junelik loq'al yo xkawresinkil cho'q qe laa'o,

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

1 Corintios 9:11

Wi laa'o xoo'awok re xchaab'ilal li Santil Musiq'ej eerik'in, ma ch'a'aj cho'q eere wi tqak'ul sa' eeruq' xchaab'ilal li ruuchich'och'?

Romanos 16:10

Chek'e xsahil xch'ool laj Apeles, li tz'aqal xk'ut rib' cho'q aj paab'anel sa' xk'ab'a' li Kriist. Chek'e xsahilaleb' xch'ool li wankeb' sa' rochoch laj Aristóbulo.

Romanos 14:18

Ka'ajwi' li napaab'ank chi jo'ka'in chiru li Kriist, k'ulub'anb'il xb'aan li Yos ut nak'ehe'k xloq'al xb'aaneb' li tenamit.

Romanos 5:8

A'ut li Yos naxk'ut qaraab'al rik'in naq li Kriist kikamk sa' qak'ab'a' naq toj wanko chaq sa' li qamaak.

Hechos 20:34

Laa'ex nekenaw naq eb' li wuq' a'in xe'k'anjelak naq xinwank sa' rajb'al ru jo'wi' xe'k'anjelak cho'q reheb' li wochb'een.

Hechos 9:16

Ut laa'in tink'ut chiru jo'ch'inal jo'nimal tento tixkuy sa' ink'ab'a'”.

Hechos 2:22

“Ex aj Israel, ab'ihomaq li aatin a'in: Li Jesus aj Nazaret a'an jun li winq xaqab'anb'il xwankil xb'aan li Yos sa' eeyanq rik'in sachb'ach'oolej, xninqal ru b'aanuhom ut eetalil li kixb'aanu li Yos sa' eeyanq sa' xk'ab'a' a'an, jo' nekenaw ajwi' laa'ex.

San Lucas 21:19

Rik'in xkawub' eech'ool teekol leeyu'am.

Joel 1:9

Maak'a' chik li mayejak triiw ut b'iin sa' rochoch li Qaawa' Yos; jo'kan naq ra wankeb' laj tij, eb' laj k'anjel chiru li Qaawa'.

Isaías 61:6

Ut laa'ex teek'ab'a'in: “aj tij chiru li Qaawa'”; “aj k'anjeleb' chiru li qaYos” taayeemanq eere. Teetzeka li xsahil eechej eb' laj ab'l tenamit ut teereechani li xb'ihomaleb'.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

Romanos 3:5

Ab'anan wi li qamaa'usilal naterq'usink re xtiikilal xch'ool li Yos, k'aru tqaye? Ma tqaye naq ink'a' tiik xch'ool li Yos xb'aan naq nak'ehok chi tojok maak? (Yookin chi aatinak jo' neke'aatinak eb' li winq).