2 Corintios 5:9 - Q'eqchi Bible

⁹ Jo'kan utan, us ta wanko sa' li qajunxaqalil, us ta najt wanko rik'in, ab'anan naqayal qaq'e chi xsahob'resinkil xch'ool li Qaawa'.

Li Santil hu

⁹ Joꞌcan nak junelic nakaqꞌue kachꞌo̱l chixba̱nunquil li cꞌaꞌru naraj li Ka̱cuaꞌ usta cuanco arin saꞌ ruchichꞌochꞌ malaj saꞌ li Santil Choxa.

2 Corintios 5:9 ပူးပေါင်းရင်းမြစ်များ

Colosenses 1:10

re naq chiwanq taxaq leeyu'am jo' chanru xk'ulub' li Qaawa', tz'aqal jo' nawulak chiru. Cheruuchin chixjunil li chaab'il b'aanuhom ut chexk'iiq chi xnawb'al ru li Yos.

Romanos 14:18

Ka'ajwi' li napaab'ank chi jo'ka'in chiru li Kriist, k'ulub'anb'il xb'aan li Yos ut nak'ehe'k xloq'al xb'aaneb' li tenamit.

2 Pedro 3:14

Jo'kan utan, ex was wiitz'in raarookex inb'aan, naq yookex chi royb'eninkil chixjunil a'in, yalomaq eeq'e re naq tolexxtaw li Qaawa' sa' tuqtuukil usilal rik'in, chi maak'a'aq eemuxul ut eeq'usb'al.

1 Timoteo 4:10

A'in aj e naq yooko chi xtawasinkil qib' chi yalyo qaq'e, xb'aan naq wank qasahil oyb'enihom rik'in li yo'yookil Yos, a'an laj Kolol re chixjunileb' ut xb'een xb'een reheb' laj paab'anel.

1 Ts 4:11

Yalyooq eeq'e chi wank sa' li tuqtuukilal; cheb'aanu li k'aru tento xb'aanunkil ut chexk'anjelaq rik'in eeruq' jo' chanru chaq'rab'inb'ilex qab'aan,

Génesis 4:7

Wi ta us li nakab'aanu, ma ink'a' tab'i' tento raj naq taataqsi laawilob'aal? Ab'an wi ink'a' us li nakab'aanu, chire li kab'l wank li maak, naxaaqank chanchan josq' aj xul, yo chawatawankil. A'ut laa'at tatruuq chi xq'axb'al ru”.

1 Ts 4:1

Chirix chik a'in, ex qas qiitz'in, naqatz'aama naqelaji cheru sa' xk'ab'a' li Qaawa' Jesus naq chexwanq jo' nawulak chiru li Yos, jo' chanru tzolb'ilex wi' qab'aan. Ak yookex xb'aanunkil chi jo'kan, ab'anan q'axal wi' chik cheb'aanu.

1 Corintios 15:58

Jo'kan b'i', ex was wiitz'in raarookex inb'aan, kaw xaqxooqex, chexwanq chi ink'a' taach'inanq leech'ool, junelik yooqex chi k'iik sa' xk'anjel li Qaawa'. Chenawaq naq li xyalb'al eeq'e moko maak'a' ta aj e sa' xk'ab'a' li Qaawa'.

Romanos 15:20

Junelik xinyal inq'e chi xpuktesinkil li Chaab'il Esilal b'arwi' toj maji' yeeb'il resil li Kriist; a'an xwaj naq ink'a' xinkab'lak sa' xb'een li ub'elanb'il xb'aaneb' jalan chik,

Romanos 14:8

Wi yo'yooko, re li Qaawa' naq yo'yooko; ut wi tookamq, re li Qaawa' naq tookamq. Jo'kan naq sa' qayu'am sa' qakamik reho li Qaawa'.

Hechos 10:35

ut sa naxk'ul chixjunileb' li neke'paab'ank re ut neke'xb'aanu li tiikilal, a' yaal k'a' chi tenamitul yo'lajenaqeb' wi'.

Isaías 56:7

laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

Hebreos 12:28

Jo'kan utan, laa'o li yooko chi xmaataninkil li xnimajwal awab'ejihom li Yos li ink'a' naru reek'asinkil, chooyoxinq chiru ut qaloq'oniiq ru rik'in paab'ank ut qaxiw, jo' nawulak chiru,

Hebreos 4:11

Qayalaq b'i' qaq'e re naq too'ok sa' li hilob'aal a'in re naq maa'ani chit'ane'q sa' li q'etb'a aatin a'an.

Colosenses 1:29

A'an aj e naq q'axal ninyal inq'e sa' link'anjel rik'in xnimal xwankil li Kriist, li kaw yo chi k'anjelak wik'in.

2 Corintios 5:8

ab'an kaw li qach'ool ut naqaj raj xkanab'ankil li junxaqalil a'in re naq wanqo rik'in li Qaawa'.

2 Corintios 5:6

Jo'kan utan, junelik kaw qach'ool, us ta naqanaw naq jo' najtil wanko sa' li qajunxaqalil, najt wanko rik'in li Qaawa'.

San Juan 6:27

Chexk'anjelaq moko chirix ta li tzekemq na'oso'k, chirix b'an li tzekemq ink'a' nalajk na'oso'k, a' li naxk'e li junelik yu'am: a'an taak'ehe'q eere xb'aan li K'ajolb'ej, xb'aan naq A'an a'in li xaqab'anb'il xwankil xb'aan li Yuwa'b'ej Yos.

Efesios 1:6

re naq taanimaaq xloq'al li usilal koorusila wi' sa' xk'ab'a' li xraarookil Alal.