2 Corintios 5:4 - Q'eqchi Bible

⁴ Naq toj wanko sa' li muheb'aal a'in, nokootz'uyink chi namaynak li qaanm, xb'aan naq ink'a' naqaj xkanab'ankil li qatz'ejwal, naqaj b'an tootiqib'aaq sa' xb'een li k'aru ak wank chiqix, re naq li k'aru yal re kamk taasache'q xb'aan li yu'am.

Li Santil hu

⁴ Nak cuanco arin saꞌ ruchichꞌochꞌ riqꞌuin li katzꞌejcual aꞌin, noco-ayaynac xban li raylal nakacꞌul. Incꞌaꞌ raj chic nakaj li katzꞌejcual li na-osoꞌ. Ma̱cuaꞌ xban nak nakaj ca̱mc. Xban nak nakaj ta ac xkatau li katzꞌejcual saꞌ choxa li ta̱cua̱nk chi junelic.

2 Corintios 5:4 ပူးပေါင်းရင်းမြစ်များ

2 Corintios 5:2

Arin nokootz'uyink, q'axal naqarahi naq tootiqib'aaq rik'in li qachoxahil muheb'aal,

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

2 Pedro 1:13

A' yaal jo' najtil wanqin sa' li muheb'aal a'in, nink'oxla naq tento sa' inb'een rajsinkil ru leek'a'uxl rik'in xjultikankil cheru eb' li aatin a'in.

Isaías 38:12

Juk'b'il linmuheb'aal ut maq'b'il chiwu jo' xmuheb'aaleb' laj ilol ketomq. Xinb'ot linyu'am jo' naxb'aanu laj kemonel, ut laa'at xaset xnoq'al linkemom. Chi q'eq ut chi kutan yookat chinsachb'al,

Romanos 8:23

Laa'o ajwi' li qak'ulum li xb'een ru li Musiq'ej nokoo'ayaynak sa' li qach'ool, naq yooko chi xyo'oninkil naq li Yos tooxk'ul jo' tz'aqal ralal xk'ajol ut taakole'q li qach'och'el qasululel.

1 Corintios 15:51

K'ehomaq reetal! Ninye eere jun muqmuukil na'leb': moko chiqajunilo ta tookamq, ab'an chiqajunilo toojalano'q.

2 Corintios 5:3

wi relik chi yaal tiqtooqo ut ink'a' tolootawe'q chi t'ust'u.