2 Corintios 5:18 - Q'eqchi Bible

¹⁸ Ut chixjunil a'in nachalk rik'in li Yos, li kooxk'am wi' chik sa' usilal rik'in sa' xk'ab'a' li Kriist ut kixq'axtesi qe li k'anjel re li k'amok ib' sa' usilal rik'in.

Li Santil hu

¹⁸ Chixjunil aꞌin xkama̱tani riqꞌuin li Dios ut aꞌan ajcuiꞌ li quicꞌamoc ke saꞌ usilal riqꞌuin saꞌ xcꞌabaꞌ li Jesucristo. Ut aꞌan ajcuiꞌ li quixakaban ke chixchꞌolobanquil xya̱lal li colba-ib re nak cuan li teꞌpa̱ba̱nk ut teꞌcua̱nk saꞌ usilal riqꞌuin li Dios.

2 Corintios 5:18 ပူးပေါင်းရင်းမြစ်များ

1 Juan 4:10

Rik'in a'in nawank li rahok: moko rik'in ta naq laa'o xoorahok re li Yos, rik'in b'an naq A'an kirahok qe ut kixtaqla chaq li Ralal cho'q kames-mayej chirix li qamaak.

Romanos 5:1

Jo'kan utan, tiikob'resinb'il chik li qach'ool xb'aan li paab'aal, ut wanko sa' tuqtuukil usilal rik'in li Yos sa' xk'ab'a' li Qaawa' Jesukriist.

Romanos 11:36

Xb'aan naq chixjunil nachalk rik'in li Yos ut nawank sa' xk'ab'a' A'an ut cho'q re A'an. Rehaq taxaq li loq'al chi junelik q'e kutan! Jo'kan taxaq.

1 Juan 2:2

A'an li kames-mayej chirix li qamaak, ut moko ka'aj ta wi' chirix li qamaak, chirix aj b'an wi' xmaakeb' chixjunil li ruuchich'och'.

1 Corintios 8:6

ab'an chiqu laa'o jun ajwi' chi Yos wank, a' li Yuwa'b'ej, li nachalk wi' chixjunil li k'a'aq re ru; cho'q re a'an naq yo'yooko. Jo'kan ajwi' chiqu laa'o wank jun ajwi' chi Qaawa', a' li Jesukriist: sa' xk'ab'a' a'an wank chixjunil, ut laa'o yo'yooko sa' xk'ab'a' a'an.

San Juan 3:16

“Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

Hebreos 2:17

Jo'kan naq tento kixjuntaq'eeta rib' sa' chixjunil rik'ineb' li ras riitz'in re naq a'anaq xyuwa'il aj tij aj uxtaan ut tiik xch'ool chiru li Yos, re xtojb'al rix xmaakeb' li tenamit.

1 Corintios 12:6

Jalan jalanq li qab'aanuhom, ab'an jun ajwi' li Yos li naxb'aanu chixjunil rik'in chixjunileb'.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

San Juan 3:27

Kichaq'ok laj Jwan ut kixye: —Maak'a' truuq taareechani junaq, wi ink'a' ta k'eeb'il chaq re sa' choxa.

Isaías 52:7

K'ajo' xchaq'al ru rilb'al sa' xb'eeneb' li tzuul li roqeb' laj yehol resil li tuqtuukil usilal, li nayehok chaab'il esilal, li napuktesink resil li kolb'a ib' ut naxye re Sión: “Ak yo chi awab'ejink laaYos!”.

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

San Lucas 10:5

Sa' li kab'l toxex'okaq wi', cheye xb'enwa: «Chiwanq taxaq tuqtuukil usilal sa' li kab'l a'in».

Ezequiel 45:15

Taaxokmanq junaq karneer sa' xyanqeb' li lajeetqk'aal ch'oolaninb'ileb' chi us, ut teeq'axtesi we cho'q eek'aj mayej, k'atb'il mayej, eeyeechi'om re k'amok ib' sa' usilal jo' ajwi' chirix li maak -chan li Qaawa'-.

Levítico 6:30

Ab'an ink'a' naru xtzekankil junaq xul li xmayejamank chirix li maak, wi li xkik'el xk'ame'k sa' Loq'laj Muheb'aal re xtz'aamankil xkuyb'al li maak sa' li Santil Na'ajej. Li mayej a'an tento taak'atmanq chixjunil.

Isaías 57:19

ut tink'eheb' chi b'ichank chi saheb' sa' xch'ool: «Chiwanq tuqtuukilal rik'ineb' li wankeb' chaq chi najt ut cho'q reheb' ajwi' li wankeb' chi nach' -cha'aq li Qaawa'-. Laa'in tink'irtasiheb'».

1 Corintios 3:5

Ani laj Apolo? Ani laj Pablo? Yal aj k'anjeleb'. Sa' xk'ab'a'eb' a'an xex'ok chi paab'ank, ut li junjunq xb'aanu li xk'anjel a' yaal chanru xk'ehe'k re xb'aan li Qaawa'.

1 Corintios 11:12

Xb'aan naq wi li ixq nachalk rik'in li winq, li winq nayo'laak rik'in li ixq, ut chixjunil nachalk rik'in li Yos.

Colosenses 1:22

A'ut anaqwan li Yos xexk'am wi' chik sa' rusilal sa' xk'ab'a' li xkamik li xch'och'el sululel li Kriist, re eexaqab'ankil chiru sa' santilal, chi maak'a'aq eemuxul ut eeq'usb'al.