2 Corintios 5:16 - Q'eqchi Bible

¹⁶ Chalen ut anaqwan maa'ani chik naqanaw ru yal rik'in ruuchich'och'il k'a'uxl; ut wi junxil xqanaw ru li Kriist rik'in ruuchich'och'il k'a'uxl, anaqwan ink'a' chik naqanaw ru chi jo'kan.

Li Santil hu

¹⁶ Incꞌaꞌ chic nakaqꞌue retal chanru nak cuanqueb li junju̱nk saꞌ ruchichꞌochꞌ. Anakcuan la̱o chic aj pa̱banel ut jalan chic li kanaꞌleb. Junxil nak toj ma̱jiꞌ nocopa̱ban incꞌaꞌ xkaqꞌue xcuanquil li Cristo xban nak xkacꞌoxla nak yal cui̱nk. Abanan anakcuan nakanau chic lix ya̱lal.

2 Corintios 5:16 ပူးပေါင်းရင်းမြစ်များ

Colosenses 3:11

Arin maak'a' chik aj griego ut aj Judiiy, maak'a' chik li xk'ulum li sirkunsisyon ut li ink'a', maak'a' chik li jalan xtenamit, li ch'ol winq, laj loq'b'il k'anjel ut li ach'ab'anb'il, a' b'an li Kriist a'an chixjunil ut wank sa' chixjunileb'.

San Juan 6:63

A' li musiq'ej nak'ehok yu'am; li tz'ejwalej maak'a' na'ok wi'. Eb' li aatin xinye eere a'an musiq'ej ut yu'am.

Santiago 3:17

A'ut li naxk'anjela ru li choxahil na'leb', a'an saq ru li xyu'am; jo'kan ajwi' naxk'e xch'ool chirix li tuqtuukilal, li chaab'ilal, li tuulanil. K'ajo' aj uxtaan ut xiikileb' li xchaab'il b'aanuhom! Maawa' aj ka'pak'al u ut juntaq'eet narileb' chixjunil.

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

San Juan 15:14

Laa'ex li wamiiw wi nekeb'aanu li nekexintaqla wi'.

San Juan 2:4

Kichaq'ok li Jesus ut kixye re: —K'a' taawaj we, at ixq? Maji' nawulak linhonal.

San Mateo 10:37

“Li q'axal naxra li xna' malaj li xyuwa' chiwu laa'in, a'an moko xk'ulub' ta wank cho'q intzolom. Ut ani q'axal naxra li ralal xk'ajol chiwu laa'in, a'an moko xk'ulub' ta wank cho'q intzolom.

2 Corintios 11:18

Ab'an naab'aleb' neke'xnima rib' rik'in ruuchich'och'il na'leb'; jo'kan naq laa'in ajwi' tinnima wib'.

1 Samuel 2:29

K'a' naq xetz'eqtaana lin'artal ut li mayej li xinye eere naq teeq'axtesi sa' linloq'laj Muheb'aal? K'a' naq q'axal chik xaraheb' laawalal aak'ajol chiwu laa'in ut xach'oolaniheb' rik'in xchaab'ilal chixjunil li xmayejeb' lintenamit Israel?».

Deuteronomio 33:9

Q'axal kate'xra chiruheb' li xna' xyuwa'eb', jo' ajwi' chiruheb' li rech'alal ut eb' li ralal xk'ajoleb'. Ke'xk'uula sa' xch'ooleb' laawaatin ut ke'xpaab' laaSumwank.

San Juan 8:15

Laa'ex nekexraqok aatin jo' naraj li tz'ejwalej; laa'in maa'ani sa' aj b'een ninraqok aatin.

Filipenses 3:4

Laa'in wank ajwi' k'aru tink'e wi' xkawilal inch'ool. Wi wank junaq naxk'oxla naq truuq tixtaw xkawilal li xch'ool, ma toja' ta chik laa'in.

Números 10:30

Kichaq'ok laj Jobab: “Ink'a' tinxik cherix, tinsutq'iiq b'an sa' lintenamit ut sa' xyanqeb' linkomon”, chan.