2 Corintios 4:9 - Q'eqchi Bible

⁹ nokoosik'e'k xb'aaneb' li xik' neke'ilok qe, ab'an moko kanajenaqo ta qajunes; neke'numtaak sa' qab'een, ab'an ink'a' nokoohe'xsach.

Li Santil hu

⁹ Nocorahobtesi̱c, abanan li Dios incꞌaꞌ nocoxcanab kajunes. Cuan nak nocoeꞌxsacꞌ xban nak nequeꞌraj kacamsinquil. Abanan li Dios nacoloc ke chiruheb.

2 Corintios 4:9 ပူးပေါင်းရင်းမြစ်များ

Isaías 43:2

Wi tatnume'q sa' ha', tatwochb'eeni; wi taaq'ax junaq nima', ink'a' tatxk'am li roqha'; wi ut tatnume'q sa xam, ink'a' tatk'atq, chi moko taaletzq li raq' xam chawix.

Miqueas 7:8

Matsaho'k rik'in linrahilal, at tenamit li xik' nakat-ilok we, xb'aan naq us ta xint'ane'k, tinwakliiq wi' chik; us ta wankin sa' aak'ab', li Qaawa' a'an linsaqenk.

Proverbios 24:16

Us ta wuqub' sut nat'ane'k li tiik xch'ool, ab'an nawakliik wi' chik; a'ut li ink'a' useb' xna'leb', ra toxe'oso'q wi'.

Hebreos 13:5

Mexrahink li b'ihomal, k'ojk'ooq b'an eech'ool rik'in li k'aru wank eere, xb'aan naq li Yos kixye: “Ink'a' tatinkanab' chi moko tatintz'eq chirix inch'ool”.

2 Corintios 7:6

Ab'anan li Yos, aj k'ojob'anel xch'ooleb' li toq'ob'eb' ru, xk'ojob' qach'ool rik'in xk'ulunik laj Tito;

Isaías 62:4

Ink'a' chik taayeemanq aawe: “Tz'eqtaananb'ilat”, chi moko taak'ab'a'in chik: “Sachalk na'ajej”, taayehe'q b'an aawe: “Aj k'ojob'anel inch'ool”, ut laach'och' tixk'ab'a'in: “Ixaqilb'ej”. Xb'aan naq li Qaawa' tixk'ul tz'aqal xch'ool aawik'in ut laach'och' taak'ame'q jo' jun ixaqilb'ej.

Salmos 9:10

Li Qaawa' naxk'aak'ale li rahob'tesinb'ileb', a'an li nak'aak'alenk reheb' sa' xq'ehil li rahilal.

San Juan 15:20

Jultikaq eere li aatin xinye eere: «Laj k'anjel moko nim ta xwankil chiru laj eechal re». Wi xine'xrahob'tesi laa'in, jo'kan ajwi' naq texb'aanu eere; wi xe'xk'e xch'ool chirix li waatin, jo'kan ajwi' naq te'xk'e xch'ool chirix leeraatin laa'ex.

Salmos 37:28

xb'aan naq li Qaawa' naxra li tiikil ch'oolej, ut ink'a' naxkanab' xjuneseb' li neke'paab'ank re. Li ink'a' useb' xna'leb' te'sache'q chi junajwa; li ralal xk'ajoleb' laj maak te'isiiq chi junwaakaj.

Salmos 22:1

Re li xjolomileb' laj b'ichanel. Taab'ichamanq jo' chanru li xyaab': “Li kej re li hik'e'k”. Xsaalm laj David.

Li xHu LAJ JOB 22:29

Li Qaawa' naxkub'si xwankil li q'etq'et, ab'anan naxkol li naxkub'si xwankil.

Salmos 129:2

q'axal kine'xrahob'tesi chalen chaq sa' linsaajilal, ab'anan ink'a' ke'numtaak sa' inb'een.

Habacuc 3:17

Us ta ink'a' chik taatuxmeq li xche'el li iig ut maak'a'aq chik ru li uub'; us ta ink'a' chik taa'uuchinq li oliiw ut li ch'och' ink'a' chik tixk'e qatzekemq; us ta maak'a'aqeb' chik li karneer sa' li xna'ajeb' chi moko wanqeb' chik qawakax sa' li xwa'leb'aaleb',

Romanos 8:35

Ani taajachoq qe rik'in li xrahom li Kriist? Ma li rahilal, li ch'a'ajkilal, li rahob'tesiik, li we'ej, li t'usam, li xiik'ilal malaj li kamsiik?

2 Timoteo 3:12

Jo'kan ajwi' chixjunileb' li te'raj paab'ank chi chaab'il sa' xk'ab'a' li Kristo Jesus, te'rahob'tesiiq.