2 Corintios 4:12 - Q'eqchi Bible

¹² Jo'kan naq li kamk wank xwankil sa' qab'een, ut sa' eeb'een laa'ex a' li yu'am.

Li Santil hu

¹² Abanan xban nak nakacuy li raylal, la̱ex ta̱cua̱nk le̱ yuꞌam chi junelic.

2 Corintios 4:12 ပူးပေါင်းရင်းမြစ်များ

2 Corintios 13:9

ut nasaho'k qach'ool naq laa'o maak'a' qametz'ew ut laa'ex kaw eerib'. A'an a'in li naqatz'aama chiru li Yos: naq tz'aqalaq re ru leepaab'aal.

1 Juan 3:16

A'in xqataw wi' ru k'aru li rahok, rik'in naq li Jesus kixk'e li xyu'am sa' qak'ab'a'; jo'kan naq laa'o ajwi' tento tqak'e li qayu'am sa' xk'ab'a'eb' li qas qiitz'in.

1 Corintios 4:10

Laa'o maak'a' qana'leb' sa' xk'ab'a' li Kriist, ut laa'ex wank eena'leb' rik'in li Kriist. Laa'o maak'a' qametz'ew, ut laa'ex kaw eerib'. Laa'ex nim eeloq'al, ut laa'o tz'eqtaananb'ilo.

Hechos 20:24

Ab'anan laa'in ink'a' nink'e xloq'al linyu'am chi junajwa; ka'ajwi' nawaj tinchoy linb'eenik ut li k'anjel xink'ul sa' ruq' li Qaawa' Jesus, a' li xyeeb'al resil li xChaab'il Esil li rusilal li Yos.

Filipenses 2:17

Us ta taa'isiiq linkik'el ut taahoye'q sa' xb'een leeloq'laj yeechi'om b'arwi' nekemayeja leepaab'aal, maak'a' naxye, taasaho'q raj sa' inch'ool ut tintz'aqonq raj sa' xsahil leeraanm.

2 Corintios 12:15

Chi anchal inch'ool tinsach li k'aru we ut tinq'axtesi linyu'am re reechaninkil leeraanm. Ut wi laa'in q'axal nekexinra, ma us naq kach'in ajwi' tineera laa'ex?

Filipenses 2:30

xb'aan naq kach'in chik maa kikamk naq yo chi k'anjelak chirix li Kriist: kixk'e sa' ra li xyu'am re xb'aanunkil li k'anjel li ink'a' kexruhank laa'ex xb'aanunkil chiwu.

2 Corintios 4:11

Xb'aan naq, us ta yo'yooko, ab'an junelik q'axtesinb'ilo chi kamk sa' xk'ab'a' li Jesus, re naq chik'utunq ajwi' li xyu'am li Jesus sa' li qach'och'el qasululel.

2 Corintios 4:13

Tz'iib'anb'il sa' li Santil Hu: “Xinpaab', jo'kan naq xin'aatinak”. Laa'o wank qamaatan chi paab'ank jo' naxye li Saalm a'in; naqapaab' ajwi' laa'o, jo'kan naq nokoo'aatinak.