2 Corintios 3:6 - Q'eqchi Bible

⁶ a'an xooxkawresi cho'q aj k'anjel chiru jun Ak' Sumwank, maawa' re li tz'iib'anb'il chiru pek, re b'an li Musiq'ej. Xb'aan naq li tz'iib'anb'il nakamsink, ut li Musiq'ej nak'ehok yu'am.

Li Santil hu

⁶ Li Dios naxqꞌue kacuanquilal chixchꞌolobanquil lix ya̱lal li acꞌ contrato, li natauman cuiꞌ li acꞌ yuꞌam. Li acꞌ yuꞌam incꞌaꞌ natauman riqꞌuin xba̱nunquil li cꞌaꞌru tzꞌi̱banbil saꞌ li chakꞌrab xban nak li chakꞌrab naxteneb li ca̱mc saꞌ kabe̱n. Li acꞌ yuꞌam qꞌuebil ke xban li Santil Musikꞌej.

2 Corintios 3:6 ပူးပေါင်းရင်းမြစ်များ

San Juan 6:63

A' li musiq'ej nak'ehok yu'am; li tz'ejwalej maak'a' na'ok wi'. Eb' li aatin xinye eere a'an musiq'ej ut yu'am.

Romanos 7:6

A'ut anaqwan isinb'ilo chik rub'el xwankil li Chaq'rab': xookamk chiru chixjunil li chapchooko wi' chaq, ut chi jo'kan nokooruhank chi k'anjelak sa' ak' yu'am, a' li xyu'am li Musiq'ej, ut ink'a' rub'el xwankil li najteril chaq'rab' tz'iib'anb'il.

Jeremías 31:31

“Chalk re li kutan -chan li Qaawa'- naq laa'in tink'ojob' jun ak' Sumwank rik'ineb' laj Israel ut eb' laj Judá,

Romanos 8:2

Xb'aan naq li xchaq'rab' li Musiq'ej li nak'ehok yu'am sa' xk'ab'a' li Kristo Jesus xatrach'ab' chiru xchaq'rab' li maak ut li kamk.

Hebreos 12:24

Xexjilok chi xk'atq li Jesus, li na'okenk chirix li ak' Sumwank; xexjilok rik'in li kik' nokooxch'ajob'resi, li q'axal chaab'il chik na'aatinak chiqix chiru li xkik'el laj Abel.

Hebreos 7:22

A'an reetalil naq li Jesus kik'ehe'k chi xkuutunkil jun ak' Sumwank, q'axal chik chaab'il chiru li xb'een.

2 Corintios 3:14

Ab'anan ke'kawuuk xk'a'uxl, xb'aan naq chalen toj anaqwan li t'ikr a'an toj wank naq na'ilmank xsa' li Najter Chaq'rab'. Li t'ikr a'an maji' na'isimank xb'aan naq ka'ajwi' sa' xk'ab'a' li Kriist taa'elq.

1 Corintios 15:45

Jo'ka'in tz'iib'anb'il sa' li Santil Hu: “Laj Adán, li xb'een winq, kiwinqob'resiik chi wank xyu'am”; ut li xkab' Adán, li kichalk sa' roso'jik, a'an musiq'ej aj k'ehol yu'am.

Romanos 3:20

Xb'aan naq maa'ani taatiikob'resiiq xch'ool chiru li Yos yal sa' xk'ab'a' xpaab'ankil li Chaq'rab'; a'in b'an li naxb'aanu li Chaq'rab': naxk'e chi nawe'k naq laa'o aj maak.

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

San Lucas 22:20

Jo'kan ajwi' kixb'aanu rik'in li uk'leb'-sek', naq ak xraqe'k chi wa'ak: —Li sek' a'in a'an li Ak' Sumwank sa' xk'ab'a' linkik'el hoyb'il sa' eek'ab'a' laa'ex.

1 Corintios 11:25

Jo'kan ajwi' kixb'aanu rik'in li uk'leb'-sek' naq ak xraqe'k chi wa'ak: “Li sek' a'in a'an li Ak' Sumwank sa' xk'ab'a' linkik'el -chan-. Jar wa teeruk' xsa', cheb'aanu a'in re xnimankil injultikankil”.

San Mateo 13:52

Ut a'an kixye reheb': —Jo'kan naq chixjunil laj tz'iib' li x'ok cho'q xtzolom li xnimajwal wankilal li choxa chanchan jun li winq aj eechal kab'l li narisi chaq sa' li xk'uuleb'aal li k'aru ak' ut li k'aru q'eel.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

Deuteronomio 27:26

«Tz'eqtaananb'ilaq li ani ink'a' tixpaab' li chaq'rab' a'in ut ink'a' tixk'anjela ru». Ut chixjunil li tenamit te'xye: «Jo'kan».

1 Timoteo 4:6

Wi laa'at taach'olob' a'in chiruheb' laj paab'anel, laa'ataq aj chaab'il k'anjel chiru li Kristo Jesus, ch'oolaninb'ilaqat rik'in li aatin re li paab'ank jo' ajwi' rik'in li chaab'il k'utum xataaqe chi anchal aach'ool.

Efesios 3:7

Ut anaqwan xaqab'anb'ilin cho'q aj k'anjel chirix li Chaab'il Esilal a'in, jo' chanru linmaatan k'eeb'il we rik'in xnimal rusilal li Yos xb'aan xkawilal li xwankil.

Gálatas 3:21

Ma naraj tab'i' naxye naq li Chaq'rab' naxsach xwankil li xyeechi'om li Yos? Maamin b'i'an! Wi ta k'eeb'il qe jun li Chaq'rab' wank xwankil chi yoob'tesink, relik chi yaal naq li tiikil ch'oolej nachalk raj rik'in li Chaq'rab'.

2 Corintios 3:7

Wi li xk'anjel li kamk, tz'iib'anb'il chiru perpookil pek, q'axal kiwank xloq'al toj reetal naq eb' li ralal xk'ajol laj Israel ink'a' ke'ruhank xka'yankil li xnaq' ru laj Moisés xb'aan li xlemtz'unkil, us ta yal numel a'an,

1 Corintios 12:28

Jo'ka'in li Yos kixxaqab' xk'anjel li junjunq sa' li Iklees: xb'een xb'een eb' li apóstol, sa' xkab' eb' li propeet; sa' rox eb' laj tzolonel; chirix a'an k'eeb'il li maatan re xb'aanunkil sachb'ach'oolej; chirix chik a'an k'eeb'il li maatan re k'irtasink, re tenq'ank, re jolomink, re aatinak sa' jalanil aatin.

1 Corintios 3:5

Ani laj Apolo? Ani laj Pablo? Yal aj k'anjeleb'. Sa' xk'ab'a'eb' a'an xex'ok chi paab'ank, ut li junjunq xb'aanu li xk'anjel a' yaal chanru xk'ehe'k re xb'aan li Qaawa'.

Romanos 4:15

Li Chaq'rab' nak'amok chaq xjosq'il li Yos, ab'anan b'ar maak'a' wi' li Chaq'rab', aran maak'a' ajwi' q'etb'a aatin.

San Juan 5:21

“Jo' naq li Yuwa'b'ej naxwaklesiheb' chi yo'yo li kamenaq ut naxk'e xyu'ameb', jo'kan ajwi' li K'ajolb'ej naxk'e xyu'am li ani taaraj.

San Marcos 14:24

Ut kixye reheb': —A'an a'in linkik'el re li Sumwank, hoyb'il sa' xk'ab'a' chixjunileb'.

San Mateo 26:28

Xb'aan naq a'an a'in linkik'el re li Sumwank, hoyb'il sa' xk'ab'a' chixjunileb' re xkuyb'al xsachb'al li xmaakeb'.

2 Corintios 3:9

Wi li k'anjel li kik'amok chaq li tojb'amaak, loq' naq kiwank chaq, k'ajo' chik xloq'al li k'anjel nak'amok chaq li tiikil ch'oolej!

Romanos 4:17

jo' naxye li Santil Hu: “Xatinxaqab' cho'q xyuwa' li k'iila tenamit”. A'an qayuwa' chiru li Yos, xb'aan naq kixpaab' li Yos li nak'ehok xyu'ameb' li kamenaq ut naxyoob'tesiheb' li k'a'aq re ru toj maak'a'.

Romanos 1:5

Sa' xk'ab'a' A'an xqak'ul qamaatan re wank cho'q apóstol re xk'amb'aleb' chixjunil li tenamit chi xq'axtesinkil rib' chi paab'ank sa' xk'ab'a' li xnimal xloq'al.

1 Juan 1:1

Li wank chalen chaq sa' xtiklajik, li qab'ihom, li qilom rik'in qu, li xqaka'ya ut xqach'e' rik'in quq' —yooko chi aatinak chirix li Aatin re li yu'am,

2 Timoteo 1:11

Sa' li k'anjel a'in xaqab'anb'ilin cho'q aj puktesinel, cho'q apóstol ut aj tzolonel,

Efesios 2:5

ut xk'e qayu'am qochb'een li Kriist naq toj kamenaqo chaq xb'aan li qamaak. A'an jun eemaatan naq kolb'ilex.

1 Corintios 3:10

Jo' chanru linmaatan k'eeb'il we xb'aan li Yos, laa'in xink'e li rub'elankil li kab'l, jo' chaab'il aj jolominel re li kab'lak, ut jalan chik nakab'lak sa' xb'een. Ab'an chirilaq li junjunq chanru yo chi kab'lak,

Efesios 2:1

Junxil laa'ex kamenaqex chaq sa' leemaa'usilal ut sa' leemaak.

2 Corintios 3:3

Uuchin naq laa'ex xhu li Kriist, k'uub'k'u xb'aan li qak'anjel, moko tz'iib'anb'il ta rik'in b'on, rik'in b'an xMusiq' li yo'yookil Yos; ink'a' tz'iib'anb'il chiru perpookil pek, chiru b'an tib'elej, sa' leech'ool.

2 Corintios 11:23

Ma aj k'anjeleb' chiru li Kriist? Us, tin'aatinaq jo' junaq kaan ru: q'axalin wi' chik chiruheb' a'an. Q'axal chik xintawasi wib' chi k'anjelak; numtejenaq chik chiruheb' xinwank sa' tz'alam ut xinrape'k chi tz'uum, k'iila sut x'aje'k inkamsinkil.

Hebreos 8:13

Naq li Yos kixye “ak'”, kixch'olob' naq li xb'een Sumwank maak'a' chik na'ok wi'; ut li k'aru q'eel ut tiklajenaq najter, yal sachk aj chik re.