2 Corintios 3:5 - Q'eqchi Bible

⁵ Maajun k'anjel naru naqayoob' qajunes, rik'in ta qawankil. Li Yos b'an nak'ehok qawankil chi xb'aanunkil li naqab'aanu:

Li Santil hu

⁵ Ma̱ jun cꞌanjel naru nakayoꞌob kajunes, chi moco naru nakacꞌoxla xba̱nunquil. Li Dios ban naxqꞌue kacuanquil chixba̱nunquil li cꞌaꞌru nakaba̱nu.

2 Corintios 3:5 ပူးပေါင်းရင်းမြစ်များ

2 Corintios 12:9

Ab'an a'an xye we: “Tz'aqal cho'q aawe li wusilal, xb'aan naq linwankil tz'aqal nak'utunk sa' xmajelal li metz'ew”. Jo'kan utan, chi anchal inch'ool toj tinnima wib' sa' xmajelal inmetz'ew, re naq taahilanq wik'in li xwankil li Kriist.

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

1 Corintios 15:10

Ab'anan sa' xk'ab'a' li rusilal li Yos xinkanaak chi jo'ka'in jo' yookex chi rilb'al; ut li rusilal li Yos ink'a' xkanaak chi maak'a' rajb'al wik'in, xb'aan naq q'axal kaw wi' chik xink'anjelak chiru chixjunileb' a'an. Ab'an moko laa'in ta, a' b'an li rusilal li Yos li wank wik'in.

Filipenses 2:13

xb'aan naq a' li Yos na'eek'asink eere chi rahok ut chi k'anjelak, jo' chanru na'alaak sa' xch'ool.

San Juan 15:5

“Laa'in li xtoonal li uub'; laa'ex li ruq'. Ani nakanaak wik'in ut laa'in rik'in, a'an q'axal na'uuchink, xb'aan naq wi jachjooqex wik'in maak'a' naru teeb'aanu.

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

1 Corintios 3:6

Laa'in xin'awok, laj Apolo xt'aqresink; ut li xk'iiresink, a'an li Yos.

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

2 Corintios 4:7

Ab'an li xnimal ru qamaatan a'in wank qik'in sa' pak'b'il sek', re naq chik'utunq naq li xnimal ru wankilal a'in nachalk rik'in li Yos, moko qik'in ta laa'o.

1 Corintios 3:10

Jo' chanru linmaatan k'eeb'il we xb'aan li Yos, laa'in xink'e li rub'elankil li kab'l, jo' chaab'il aj jolominel re li kab'lak, ut jalan chik nakab'lak sa' xb'een. Ab'an chirilaq li junjunq chanru yo chi kab'lak,

2 Corintios 2:16

cho'q reheb' li junch'ol laa'o xb'ook li kamk li nak'amok chaq li kamk, ut cho'q reheb' li junch'ol chik laa'o xb'ook li yu'am nak'ehok yu'am. Ut ani truuq tixb'aanu a'in?

San Lucas 24:49

Chek'e reetal, laa'in tintaqla chaq sa' eeb'een li xyeechi'om linYuwa'. Kanaaqex wan sa' li tenamit Jerusalén toj tolextiqib'aaq rik'in li wankilal taachalq chaq taqe'q.

Génesis 41:16

Kichaq'ok laj José ut kixye re laj Parahón: “Moko laa'in ta, a' b'an li Yos taasumenq aawe chi chaab'il, at awab'ej”.

2 Crónicas 30:12

Jo'kan ajwi' sa' xteepal Judá li Yos kixtoch' xch'ooleb' li tenamit re naq chi junaj ru xch'ooleb' te'xb'aanu li k'aru ke'xye li awab'ej ut li xjolomileb' li tenamit, jo' chanru xchaq'rab' li Qaawa'.

Romanos 15:18

Xb'aan naq maak'a' k'aru tinye laa'in wi ta ink'a' uxb'il xb'aan li Kriist sa' xk'ab'a' link'anjel re xk'amb'aleb' li maawa'eb' aj Judiiy chi paab'ank. A' li Kriist kib'aanunk re rik'in aatin ut b'aanuhom,

2 Timoteo 2:2

ut jo'ch'inal jo'nimal li xawab'i wik'in chiruheb' naab'al chi testiiw, a'an ajwi' chaq'axtesi reheb' winq aj paab'anel li te'xnaw moqon xtzolb'al jalaneb' chik.