2 Corintios 2:3 - Q'eqchi Bible

³ A'in aj e naq xintz'iib'a eerik'in chi jo'ka'in, re naq jo'q'e tinwulaq, maak'a'aq xrahil inch'ool xb'aaneb' li tento raj xe'xk'e xsahil li waanm. Ninnaw chi us cherix chejunilex naq linsahojik a'an ajwi' leesahojik chejunilex.

Li Santil hu

³ Joꞌcan nak xintzꞌi̱ba li hu li xintakla e̱riqꞌuin. Incꞌaꞌ xco̱in e̱riqꞌuin xban nak incꞌaꞌ xcuaj xrahoꞌ inchꞌo̱l e̱ban la̱ex li xeqꞌue raj xsahil inchꞌo̱l. Ninnau nak nasahoꞌ ajcuiꞌ e̱chꞌo̱l la̱ex cui sa saꞌ inchꞌo̱l la̱in.

2 Corintios 2:3 ပူးပေါင်းရင်းမြစ်များ

Gálatas 5:10

Laa'in kaw inch'ool cherix laa'ex sa' xk'ab'a' li Qaawa' naq ink'a' teek'am jalan chik li b'e; ab'an li yo chi po'ok re leech'ool tixk'ul xtojb'al xmaak, a' yaal ani a'an.

2 Corintios 8:22

Xqataqla ajwi' chirixeb' a'an jun chik li qiitz'in: k'iila wa xqak'e reetal naq a'an naxk'e xch'ool chi tz'aqal, ut anaqwan q'axal chik yalyo xq'e chi k'anjelak xb'aan naq kaw xch'ool cherix laa'ex.

Filemón 1:21

Xintz'iib'ak aawik'in chi k'ojk'o li waanm naq taab'aanu li usilal a'in; ut ninnaw naq q'axal naab'al chik taab'aanu chiru li nintz'aama aawe.

2 Corintios 7:12

Relik chi yaal naq laa'in xintz'iib'ak eerik'in moko xmaak ta li ani xb'aanunk rahilal, chi moko xb'aan li xk'uluk rahilal, re b'an naq chik'utunq sa' eeyanq li qaraab'al eeb'aan, chiru li Yos.

2 Ts 3:4

K'ojk'o li qaanm cherix sa' xk'ab'a' li Qaawa' naq jo'nimal xexqachaq'rab'i wi' yookex chi xpaab'ankil, ut teepaab' ajwi' chi junelik.

2 Corintios 12:21

Ninxiwak naq, sa' linwulajik, linYos tixkub'si wi' chik inwankil sa' eeyanq: mare tinyaab'aq chirixeb' naab'al li xe'maakob'k junxil ut ink'a' xe'xjal xk'a'uxl chirix li maa'usilal xe'xb'aanu, jo'wi' chirix li ko'b'eetak yumb'eetak ut tz'i'b'eetalil.

2 Corintios 12:11

Xkaano' wu, ab'an laa'ex xexminok wu. Laa'ex raj li xexnimank inloq'al, xb'aan naq tik moko kub'enaq ta inwankil chiruheb' li “xninqaleb' ru apóstol” a'an, us ta laa'in maak'a' inwankil.

2 Corintios 7:8

Us ta xinrahob'tesi eech'ool rik'in linhu, ab'an ink'a' ra naweek'a. Ut wi ra xweek'a junxil (xb'aan naq nink'e reetal naq li hu a'an xrahob'tesi eech'ool us ta yal jun k'amok ajwi'), anaqwan nasaho'k sa' li waanm:

2 Corintios 7:6

Ab'anan li Yos, aj k'ojob'anel xch'ooleb' li toq'ob'eb' ru, xk'ojob' qach'ool rik'in xk'ulunik laj Tito;

2 Corintios 1:15

Sa' xk'ab'a' a'an xwaj raj xik xb'enwa eerik'in re naq xineek'ul raj xka'sutil;

1 Corintios 4:21

K'aru teeraj? Ma tinxik eerik'in chi wanq inche', malaj rik'in rahok ut tuulanil?

2 Corintios 1:23

Li Yos nach'olob'ank li yaal chiwix: eeraab'al we naq toj maji' xinwulak Korinto. Li Yos naxnaw ut chinxk'ehaq chi kamk wi ink'a' ninye li yaal!

2 Corintios 2:9

Ak xintz'iib'ak eerik'in re xyalb'al eerix, re rilb'al ma nekex'ab'ink rik'in chixjunil.

2 Corintios 7:16

Nasaho'k inch'ool rik'in xk'eeb'al reetal naq naru tink'ojob' li waanm cherix sa' chixjunil.

2 Corintios 13:10

Xintz'iib'a a'in naq maa'anihin sa' eeyanq, re naq ink'a' texinkawil'aatina naq wanqin eerik'in, jo' chanru li wankil k'eeb'il we xb'aan li Qaawa' re kab'lak ut ink'a' re juk'uk.