2 Corintios 12:9 - Q'eqchi Bible

⁹ Ab'an a'an xye we: “Tz'aqal cho'q aawe li wusilal, xb'aan naq linwankil tz'aqal nak'utunk sa' xmajelal li metz'ew”. Jo'kan utan, chi anchal inch'ool toj tinnima wib' sa' xmajelal inmetz'ew, re naq taahilanq wik'in li xwankil li Kriist.

Li Santil hu

⁹ Abanan li Ka̱cuaꞌ quixye cue: “Incꞌaꞌ nacuisi la̱ raylal. Abanan tatintenkꞌa re nak ta̱cuy xnumsinquil. La̱in ninqꞌue lin cuanquil re li ani naxnau nak ma̱cꞌaꞌ xcuanquil xjunes,” chan cue. Joꞌcan nak nasahoꞌ saꞌ inchꞌo̱l riqꞌuin li raylal re nak lix cuanquil li Cristo cua̱nk cuiqꞌuin.

2 Corintios 12:9 ပူးပေါင်းရင်းမြစ်များ

Filipenses 4:13

Chixjunil ninkuy xnumsinkil sa' xk'ab'a' Li nak'ehok xkawub' inch'ool.

2 Corintios 12:10

Nasaho'k sa' inch'ool sa' xmajelal inmetz'ew, rik'in li hob'e'k, rik'in li wank sa' rajb'al ru, rik'in li rahob'tesiik ut li raaxiik' k'ulb'il sa' xk'ab'a' li Kriist, xb'aan naq jo'q'e maak'a' inmetz'ew, toja' naq q'axal kaw wib'.

Efesios 3:16

re naq tixk'e eere, jo' chanru li xnimal xloq'al, naq kawaq eech'ool ut k'uub'kuuq leeraanm xb'aan li xMusiq'.

Josué 1:9

Laa'in li yookin chi taqlank aawe. Yal aaq'e ut kawaq aach'ool. Matxiwak ut kaw xaqxooqat sa' laak'anjel, xb'aan naq li Qaawa' laaYos wanq aawik'in yalaq b'ar tatxik”, chan li Qaawa'.

Isaías 43:2

Wi tatnume'q sa' ha', tatwochb'eeni; wi taaq'ax junaq nima', ink'a' tatxk'am li roqha'; wi ut tatnume'q sa xam, ink'a' tatk'atq, chi moko taaletzq li raq' xam chawix.

1 Corintios 10:13

Maji' nachalk sa' eeb'een junaq aaleek q'axal nim chiru li neke'xk'ul chixjunileb'. Li Yos naxb'aanu li xyeechi'i, ut ink'a' texxkanab' chi aaleek jo' ink'a' truuq teekuy. Rik'in li aaleek, li Yos tixk'e ajwi' eere chanru teekuy re naq us tex'elq.

Hebreos 4:16

Jo'kan utan, jiloqo chi tuqtuuq qach'ool rub'el roq wan wi' li usilal; ut chi jo'kan toxqak'ul li ruxtaan ut toxqataw li rusilal re naq tenq'anb'ilaqo tz'aqal sa' xq'ehil.

2 Corintios 12:5

Sa' xk'ab'a' li winq a'an naru raj tinnimob'resi wib'; ab'an laa'in ka'ajwi' sa' xk'ab'a' xmajelal inmetz'ew tinnima wib'.

1 Corintios 15:10

Ab'anan sa' xk'ab'a' li rusilal li Yos xinkanaak chi jo'ka'in jo' yookex chi rilb'al; ut li rusilal li Yos ink'a' xkanaak chi maak'a' rajb'al wik'in, xb'aan naq q'axal kaw wi' chik xink'anjelak chiru chixjunileb' a'an. Ab'an moko laa'in ta, a' b'an li rusilal li Yos li wank wik'in.

1 Corintios 2:5

re naq ink'a' k'ojk'ooq leepaab'aal sa' xb'een xna'leb'eb' li winq, sa' xb'eenaq b'an xwankil li Yos.

Colosenses 1:11

Chikawub'resiiq chi tz'aqal leech'ool xb'aan li xwankil li xloq'al li Yos, re naq teekuy chixjunil li ch'a'ajkilal chi ink'a' taach'inanq leech'ool;

San Lucas 21:15

xb'aan naq laa'in tink'e eeraatin ut xnimal ru eena'leb' li ink'a' te'ruuq xwech'b'al rix chi moko xsumenkil chixjunileb' li xik' neke'ilok eere.

2 Corintios 11:30

Wi tento tinnima wib', rik'in xmajelal inmetz'ew tinnima wib'.

1 Timoteo 1:14

Ut li rusilal li Qaawa' q'axal xnumtaak wik'in xb'aan naq xk'e we li paab'ank ut li rahok li nachalk rik'in li Kristo Jesus.

Hebreos 11:34

ke'xchup li kawil xam, ke'kole'k chiru li q'esnal ch'iich', ke'k'ehe'k xkawilal sa' li xyajeleb', ke'yalok chi kaw, ke'raanilasiheb' laj puub' jalan xtenamiteb';

Sofonías 3:17

Li Qaawa' laaYos wank aawik'in: A'an q'axal nim xwankil ut tatxkol. K'ajo' naq tsaho'q xch'ool sa' laak'ab'a'! Rik'in li xrahom tix'ak'ob'resi laayu'am, ut taab'ichanq xb'aan xsahil xch'ool

Salmos 8:2

At Qaawa', aj Eechalat qe, k'ajo' xnimal laaloq'al sa' chixjunil li ruuchich'och'! Toj sa' xb'een li choxa terq'usinb'il laanimajwal wankilal!

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

Isaías 11:2

Ut rik'in a'an taawanq li xmusiq' li Qaawa': a' li musiq'ej nak'ehok choxahil na'leb' ut seeb'al ch'oolej, nak'ehok chaab'il k'a'uxl ut kawil ch'oolej, musiq'ej re xnawb'al ut roxloq'inkil li Yos.

2 Corintios 12:15

Chi anchal inch'ool tinsach li k'aru we ut tinq'axtesi linyu'am re reechaninkil leeraanm. Ut wi laa'in q'axal nekexinra, ma us naq kach'in ajwi' tineera laa'ex?

2 Reyes 2:15

Naq eb' li propeet ke'ril laj Eliseo chi sutq'iik wankeb' wi' junpak'al, ke'xye: “Li xmusiq' laj Elías xkanaak rik'in laj Eliseo”, chankeb'. Ut koheb' chi xk'ulb'al, koxe'xwiq'ib' chiru ut ke'xye re:

1 Corintios 2:3

Xinwulak sa' eeyanq chi maak'a' inmetz'ew, chi yook inxiw ut ninsiksotk.

2 Corintios 12:1

Maak'a' tinra chirix naq tinnima wib'; ab'an wi tento tinb'aanu, tinseeraq'i eere li wilom ut li k'utb'esinb'il chiwu xb'aan li Qaawa'.