2 Corintios 11:9 - Q'eqchi Bible

⁹ Ut naq xinwank chaq sa' eeyanq ut xinkanaak sa' rajb'al ru, maa'ani xinch'i'ch'i'i. A'eb' li was wiitz'in li xe'chalk Macedonia xe'k'ehok we li namajelo'k chiwu. Rik'in chixjunil ink'a' xwaj eech'i'ch'i'inkil, ut ink'a' ajwi' texinch'i'ch'i'i.

Li Santil hu

⁹ Nak quincuan chak e̱riqꞌuin, cuan nak ma̱cꞌaꞌ cuan cue. Abanan incꞌaꞌ xexinchꞌiꞌchꞌiꞌi riqꞌuin intzacae̱mk. Nak queꞌcuulac li herma̱n aj Macedonia, aꞌan eb queꞌqꞌuehoc intumin. Joꞌcan nak incꞌaꞌ quinqꞌue saꞌ e̱be̱n xqꞌuebal intzacae̱mk chi moco tinqꞌue saꞌ e̱be̱n anakcuan.

2 Corintios 11:9 ပူးပေါင်းရင်းမြစ်များ

1 Ts 2:9

Ex qas qiitz'in, laa'ex najultiko'k eere li qak'anjel ut li qalub'ik. Xook'anjelak chi q'eq ut chi kutan re naq maa'ani xqach'i'ch'i'i sa' eeyanq naq xqapuktesi eere li xChaab'il Esil li Yos.

1 Ts 2:6

Ink'a' xqasik' qaloq'al rik'ineb' li tenamit, chi moko eerik'in laa'ex malaj rik'in anihaq chik.

Hebreos 11:37

ke'tenije'k chi pek, ke'rahob'tesiik, ke'sete'k, ke'kamsiik chi q'esnal ch'iich'; ke'b'eek chi b'atb'ookeb' sa' xtz'uumal karneer ut chib'aat. Maak'a' k'aru wankeb' re, rahob'tesinb'ileb' ut hob'b'ilatqeb'

Filipenses 2:25

Xink'oxla ajwi' naq tento tintaqla eerik'in li wiitz'in Epafrodito, wech aj k'anjelil ut wech soldaadil, li xetaqla chaq chintenq'ankil naq wankin sa' rajb'al ru.

2 Corintios 9:12

Xb'aan naq rik'in xb'aanunkil li santil k'anjel a'in moko ka'aj ta wi' taak'eemanq reheb' laj santil paab'anel chixjunil li neke'raj ru, taa'eek'asiiq aj b'an wi' xch'ooleb' chi yoxink chiru li Yos chi anchaleb' xch'ool.

2 Corintios 6:4

Chixjunil li naqab'aanu, naxk'ut naq laa'o aj k'anjelo chiru li Yos: q'axal naqakuy li rahob'tesiik, li raasa, li ch'a'ajkilal,

Hechos 20:33

Laa'in ink'a' xinrahi xplaat, chi moko x'oor malaj xb'aatal anihaq.

Hechos 18:3

ut kikanaak rik'ineb', yo chi k'anjelak aran, xb'aan naq junajeb' ajwi' li xk'anjeleb'. Li xk'anjeleb' a'an yiib'ank muheb'aal rik'in tz'uum.

Nehemías 5:15

Ab'anan eb' laj taqlanel li ke'wank xb'een chiwu laa'in, ke'numtaak chi taqlank sa' xb'een li tenamit: rajlal kutan neke'xpatz' reheb' ka'k'aal chi tumin plaat jo' xkub'siil cho'q re li xwa ruk'a'eb'. Jo'kan ajwi' ke'xb'aanu eb' laj k'anjel chiruheb'. A'ut laa'in maajun wa kinb'aanu a'an xb'aan naq ninxiwa ru li Yos.

Hechos 18:5

Naq ke'chalk chaq Macedonia laj Silas ut laj Timoteo, laj Pablo junes chirix li Aatin kixk'e xch'ool, ut naxch'olob' chiruheb' laj Judiiy naq li Jesus a'an li Kriist.

Romanos 15:26

xb'aan naq eb' laj Macedonia ut laj Akaya xe'xk'uub' kub'sink cho'q reheb' li neb'a' wankeb' sa' xyanqeb' laj santil paab'anel aran Jerusalén.

1 Corintios 16:17

Nasaho'k linch'ool rik'in xk'ulunik laj Estéfanas, laj Fortunato ut laj Akaiko: eb' a'an xe'wank cho'q eeruuchil naq maa'anihex.