2 Corintios 11:7 - Q'eqchi Bible

⁷ Malaj xinmaakob'k xb'aan naq xinkub'si inwankil re xterq'usinkil eewankil laa'ex rik'in naq xinpuktesi eere chi maatan li xChaab'il Esil li Yos?

Li Santil hu

⁷ La̱in xinchꞌolob che̱ru lix ya̱lal li ra̱tin li Dios ut ma̱cꞌaꞌ cꞌaꞌru xexinchꞌiꞌchꞌiꞌi cuiꞌ. Yal chi ma̱tan xinchꞌolob lix ya̱lal li colba-ib che̱ru ut xincubsi incuanquil re nak texcolekꞌ. ¿Ma ra ta biꞌ xinba̱nu e̱re?

2 Corintios 11:7 ပူးပေါင်းရင်းမြစ်များ

2 Corintios 12:13

K'aru kok'ex wi' chiruheb' li Iklees junch'ol? Ka'ajwi' rik'in naq ink'a' xexinch'i'ch'i'i. Chekuyaq inmaak wi ink'a' us xinb'aanu.

1 Ts 2:9

Ex qas qiitz'in, laa'ex najultiko'k eere li qak'anjel ut li qalub'ik. Xook'anjelak chi q'eq ut chi kutan re naq maa'ani xqach'i'ch'i'i sa' eeyanq naq xqapuktesi eere li xChaab'il Esil li Yos.

2 Corintios 10:1

Wan neke'yehok naq laa'in laj Pablo q'axal q'un inch'ool naq wankin eerik'in, ut jwal kaw inch'ool naq maa'anihin sa' eeyanq. Sa' xk'ab'a' li xtuulanil ut xchaab'ilal li Kriist, nintz'aama cheru naq meemin wu chi kawil'aatinak rik'ineb' li nikine'xjit chi jo'ka'in, naq tinwulaq sa' eeyanq. Eb' a'an neke'xye naq li k'aru yooko chi xb'aanunkil, a'an yal xna'leb' li ruuchich'och'.

1 Corintios 9:6

Ma ka'aj tab'i' laa'in ut laj Bernabé tento took'anjelaq chi kaw re xsik'b'al qatzekemq?

2 Ts 3:8

chi moko xoowa'ak chi maatan rik'in anihaq, xqatawasi b'an qib' chi k'anjelak chi q'eq ut chi kutan, a' xqaj naq maa'ani xqach'i'ch'i'i sa' eeyanq.

Hechos 20:34

Laa'ex nekenaw naq eb' li wuq' a'in xe'k'anjelak naq xinwank sa' rajb'al ru jo'wi' xe'k'anjelak cho'q reheb' li wochb'een.

1 Corintios 9:12

Wi eb' li junch'ol wankeb' xwankil chi xpatz'b'al a'in eere, ma toja' ta chik laa'o? Ab'anan maajun wa xqak'anjela li qawankil a'in, naqakuy b'an chixjunil re naq ink'a' ramrooq li xChaab'il Esil li Kriist.

Hechos 20:33

Laa'in ink'a' xinrahi xplaat, chi moko x'oor malaj xb'aatal anihaq.

Romanos 1:1

Laa'in laj Pablo, xmoosin li Kristo Jesus, b'oqb'ilin chi wank cho'q apóstol ut sik'b'il wu chi xpuktesinkil li xChaab'il Esil li Yos

2 Corintios 2:12

Naq xinwulak Tróada, li Qaawa' xte chiwu jun nimla okeb'aal re xpuktesinkil li xChaab'il Esil li Kriist,

2 Corintios 10:16

Chi jo'kan tqapuktesi li Chaab'il Esilal toj junpak'al li wankex wi', chi ink'a' tqanima qu sa' ab'l aj na'ajej rik'in li k'anjel uxb'il xb'aan jalan chik.