2 Corintios 11:3 - Q'eqchi Bible

³ Ab'anan ninxiwa naq mare taapo'q leek'a'uxl: kama' naq lix Eva kib'alaq'iik xb'aan xlab'alil li k'anti', mare tex'isiiq ajwi' laa'ex rik'in li yaal ut santilal wankex wi' cho'q re li Kriist.

Li Santil hu

³ Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

2 Corintios 11:3 ပူးပေါင်းရင်းမြစ်များ

Colosenses 2:8

Chek'e reetal, maa'ani chira'lenq eere rik'in b'alaq' aj na'leb' li maak'a' rajb'al, yal xyehomeb' li winq, ruuchich'och'il na'leb' ut maawa' li naraj li Kriist.

Gálatas 1:6

Nasachk inch'ool xb'aan naq q'axal junpaat yookex chi xkanab'ankil li Yos li kib'oqok eere sa' xk'ab'a' li rusilal li Kriist, ut jalan chik evangelio yookex chi xpaab'ankil.

Efesios 4:14

Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob',

Colosenses 2:4

Ninye a'in eere re naq maa'ani chib'alaq'inq eere rik'in xchaq'alil ru aatin.

1 Juan 4:1

Ex inrahom, meepaab' chixjunil li musiq'ej; chek'ehaq b'an reetal ma rik'in li Yos chalenaq li musiq'ej, xb'aan naq naab'aleb' propeet aj b'alaq' xe'waklije'k chaq sa' ruuchich'och'.

1 Timoteo 2:14

Ut li kib'alaq'iik maawa' laj Adán, a' b'an li ixq li kiq'unb'esiik ut ki'ok chi q'etok aatin.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

Hebreos 13:9

Chek'e reetal, mexb'alaq'iik xb'aan xk'utomeb' li winq jalan jalanq neke'xye ut najt chalenaqeb'. Jwal us naq tqakawub'resi qach'ool rik'in rusilal li Yos, ut maawa' rik'in tzekemq li maak'a' ki'ok wi' reheb' li ke'paab'ank re.

Génesis 3:13

Kixye ut li Qaawa' Yos re li ixq: “K'a'ut naq xab'aanu a'an?”. Kichaq'ok li ixq ut kixye: “Li k'anti' xb'alaq'ink we, ut laa'in xinlow ru li che'”.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

Gálatas 3:1

Ex aj Galacia maak'a' eena'leb'! Ani xtuulank eere? Chi xnaq' eeru xch'olob'amank xyaalal li Jesukriist k'eeb'il chiru krus!

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

Génesis 3:4

Kixye ut li k'anti' re li ixq: “Ink'a'. Moko texkamq ta.

1 Juan 2:18

Ex inkok'al, ak xtaw xhonal li roso'jikeb' li kutan. Eerab'ihom resil naq chalk re laj Tz'eqtaanahom re li Kriist. Relik chi yaal naq naab'aleb' laj tz'eqtaanahom re li Kriist xe'waklije'k chaq; jo'kan naq naqataw ru naq anaqwan li roso'jikeb' li kutan.

2 Pedro 3:17

Chi jo'kan, ex was wiitz'in raarookex inb'aan, aj'ajaq ru leek'a'uxl xb'aan naq ak xyeemank xyaalalil eere. Mare anchal teepo' eena'leb' xb'aan li k'aru neke'sachk wi' eb' li winq eet xna'leb'eb'; mare anchal tex'isiiq sa' leepaab'ahom li kaw xaqxookex wi'.

Gálatas 4:11

Nachalk ink'a'uxl eeb'aan: mare anchal maak'a' aj e naq xintawasi wib' chi k'anjelak sa' eek'ab'a'.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

2 Pedro 3:3

Chenawaq xyaalal a'in xb'enwa: naq sa' roso'jikeb' li kutan te'chalje'q winq tz'aqal aj eetz'uneleb', li te'xb'aanu li naxrahi li tz'ejwalej:

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

1 Ts 3:5

Jo'kan naq laa'in ajwi' ink'a' chik xinkuy, ut xintaqla laj Timoteo re rab'inkil resil leepaab'aal: mare anchal xex'aaleek xb'aan laj aalenel ut li qak'anjel xkanaak chi maak'a' rajb'al.

Efesios 6:24

Chiwanq taxaq li rusilal li Yos rik'ineb' chixjunil li neke'rahok re li Qaawa' Jesukriist chi junelik.

Gálatas 2:4

Wankeb' ke'xch'ik rib'eb' sa' qayanq ut neke'xye rib' naq qas qiitz'ineb', a'aneb' li ke'ok chi muqmu re xk'eeb'al reetal li xnimal usilal wanko wi' sa' xk'ab'a' li Kristo Jesus, re raj qak'eeb'al rub'el xwankil li Chaq'rab'.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

San Mateo 24:24

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

San Judas 1:4

Xb'aan naq wankeb' li xe'xch'ik rib' sa' eeyanq chi muqmu. Eb' a'in, chalen chaq junxil, ak xaqab'anb'il chaq li tojb'amaak sa' xb'eeneb'. Maak'a'eb' xpaab'aal; neke'xsutq'isi li rusilal li qaYos chi jo'maajo'il na'leb' ut neke'xtz'eqtaana li Jesukriist, li Qaawa' ut laj Eechal qe li jun chirib'il.

Tito 1:10

Xb'aan naq wankeb' naab'al aj q'etol aatineb', maak'a' rajb'al li neke'xye ut aj b'alaq'eb', ma' ta chaye eb' laj sirkunsisyon.

1 Timoteo 1:3

Naq kohin Macedonia, kintz'aama chawu naq tatkanaaq Éfeso re xq'usb'aleb' li wankeb' aran, naq ink'a' che'k'utuq jalanil na'leb',

Colosenses 2:18

Maa'ani chimaq'oq cheru leemaatan rik'in xpak'b'al xkub'sinkileb' rib', jo'wi' rik'in xloq'oninkileb' li ánjel. Yal neke'xye naq neke'ilok moy u ut neke'xnimob'resi rib' chi maak'a' xyaalal xb'aan li ruuchich'och'il na'leb'.

2 Corintios 11:29

Ani nayajerk chi ink'a' ta tinyajerq laa'in? Ani naluktaak xch'ool chi ink'a' ta taaxamnaq sa' li waanm?

Romanos 12:8

wi wank qamaatan re k'ehok na'leb', chook'ehoq na'leb'. Li nasihink, chisihinq chi anchal xch'ool; li nawank chi xjolomil, chixch'oolani xb'aanunkil; li na'uxtaanank u, chixb'aanuuq chi sa sa' xch'ool.

Apocalipsis 20:2

Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.

Salmos 119:53

K'ajo' naq nachalk injosq'il xmaakeb' li ink'a' useb' xna'leb', a'eb' li neke'q'etok re laawaatin.

Génesis 3:1

Li k'anti' q'axal chik wank xna'leb' chiru chixjunileb' li xul kixyoob'tesi li Qaawa' Yos. Ut a'an kixye re li ixq: “Ma yaal naq li Yos xye eere naq ink'a' naru teelow ruheb' li che' li wankeb' sa' xna'aj li awimq?”.

Génesis 3:20

Li winq kixk'e x'Eva cho'q xk'ab'a' li rixaqil, xb'aan naq a'an li xna' chixjunileb' li yo'yookeb'.

2 Corintios 11:20

Nekekuy naq junaq nekexk'e chi moosil ut naq junaq naxmaq' chixjunil cheru, narelq'a li k'aru eere, naxq'etq'eti rib' ut nekexsak' chi xnaq' eeru.

Efesios 4:22

Xetzol risinkil cherix li na'leb' keroksi junxil, a' li najteril winq li naq'aak rik'in li naq'unb'esiik wi' xb'aan li ruuchich'och'.

Apocalipsis 12:15

Toja' naq li k'anti' kixxa'wa sa' re kama' jun nima', chirix li ixq, re naq taakelooq raj xb'aan li nima'.