2 Corintios 11:2 - Q'eqchi Bible

² Xb'aan naq xexinsi re sumlaak rik'in jun chi b'eelomej re eexaqab'ankil chiru li Kriist jo' jun tuq'ixq saq ru xch'ool.

Li Santil hu

² La̱in kꞌaxal nequexincꞌoxla joꞌ nak li Dios nequexcꞌoxla. Ut nacuaj nak caꞌaj cuiꞌ li Cristo te̱ta̱ke. Joꞌ nak li yucuaꞌbej naxkꞌaxtesi lix rabin chi sumla̱c riqꞌuin jun chi cui̱nk, joꞌcan ajcuiꞌ nak xexinkꞌaxtesi riqꞌuin li Cristo. Aꞌan joꞌ li be̱lomej.

2 Corintios 11:2 ပူးပေါင်းရင်းမြစ်များ

Isaías 54:5

Xb'aan naq laasum'aatin a'an laj Yoob'tesihom aawe, li Nimajwal Yos xk'ab'a'; li xSant laj Israel a'an laj kolol aawe: “xYos chixjunil li ruuchich'och'” naxk'ab'a'in.

San Juan 3:29

Li ani aj ik'in wank li ixaqilb'ej a'an li b'eelomej; ut li ramiiw li b'eelomej li nawank aran ut narab'i, k'ajo' naq nasaho'k sa' xch'ool chi rab'inkil xyaab' xkux li b'eelomej. A'an a'in li xsahil inch'ool, ut ak tz'aqlojenaq chik ru.

Colosenses 1:28

A'an tz'aqal li naqapuktesi resil. Naqak'eheb' xna'leb' chixjunileb' ut naqatzoleb' rik'in chixjunil li qak'a'uxl, re naq tqaxaqab'eb' chixjunil chi tz'aqalaq re ruheb' sa' xk'ab'a' li Kriist.

Ezequiel 44:22

Ink'a' te'sumlaaq rik'in junaq xmalka'an chi moko rik'in junaq kanab'anb'il ixq, te'sumlaaq b'an rik'in junaq tuq'ixq aj Israel malaj rik'in junaq xmalka'an aj tij.

Filipenses 1:8

Li Yos naxnaw chi us naq q'axal nekexinra chejunilex sa' li xrahom li Kristo Jesus.

Romanos 7:4

Jo'kan utan, ex was wiitz'in, laa'ex ajwi' xexkanaak chi kamenaq chiru xChaq'rab' laj Moisés sa' xk'ab'a' xkamik li Kriist, re naq jalan chik taa'eechaninq eere: a' Li kiwaklesiik wi' chik chi yo'yo sa' xyanqeb' li kamenaq re naq laa'o too'uuchinq cho'q re li Yos.

2 Corintios 4:14

Naqanaw naq li Yos li kiwaklesink re chi yo'yo li Qaawa' Jesus, tooxwaklesi ajwi' laa'o qochb'een li Jesus ut toxooxaqab' chiru qochb'eenaqex laa'ex.

1 Corintios 4:15

Xb'aan naq us ta wanq lajeeb'aq mil aj ch'ilom eere sa' xk'ab'a' li Kriist, ab'an moko naab'aleb' ta leeyuwa'. Sa' xk'ab'a' li Kristo Jesus laa'in xinsiyank eere xb'aan li Chaab'il Esilal.

Gálatas 4:11

Nachalk ink'a'uxl eeb'aan: mare anchal maak'a' aj e naq xintawasi wib' chi k'anjelak sa' eek'ab'a'.

1 Ts 2:11

Nekenaw chi us naq xqach'olob' eena'leb' ut xqak'e xkawub' eech'ool chejunjunqal, jo' naxb'aanu jun yuwa'b'ej rik'ineb' li ralal xk'ajol. Xqatz'aama xqelaji cheru naq chexwanq jo' xk'ulub' li Yos, li xb'oqok eere sa' li xnimajwal awab'ejihom ut li xloq'al.

Apocalipsis 14:4

A'aneb' a'in li ink'a' ke'xmux rib'eb' rik'in ixq xb'aan naq wankeb' chi xjunxaqalil: neke'xtaaqe li Karneer yalaq b'ar. Eb' a'in kolb'ileb' sa' xyanqeb' li winq jo'keb' xb'een u cho'q re li Yos ut li Karneer.