2 Corintios 10:7 - Q'eqchi Bible

⁷ K'ehomaq reetal chi us! Wi ani wank sa' xch'ool naq a'an re li Kriist, chireek'ahaq a'in sa' xch'ool: wi a'an re li Kriist naq naxk'oxla, laa'o ajwi' reho li Kriist.

Li Santil hu

⁷ La̱ex nequeqꞌue retal caꞌaj cuiꞌ li cꞌaꞌru na-ilman ru ut incꞌaꞌ nequexcꞌoxlac chirix li cꞌaꞌru cuan saꞌ li ra̱meb li junju̱nk. ¿Ma cuan junak saꞌ e̱ya̱nk naxye nak aꞌan aj cꞌanjel chiru li Cristo? Cui cuan, us ajcuiꞌ. Abanan tento nak tixqꞌue retal nak joꞌcan ajcuiꞌ la̱o aj cꞌanjelo chiru li Cristo.

2 Corintios 10:7 ပူးပေါင်းရင်းမြစ်များ

2 Corintios 5:12

Ma yooko tab'i' chi xnimankil qu cheru laa'ex? Ink'a', ka'aj b'an wi' naqaj naq twanq k'aru teenima wi' eerib' sa' qak'ab'a', re naq texruuq xsumenkileb' li neke'xnima ruheb' rik'in li k'aru nak'utunk ut ink'a' rik'in li wank sa' li ch'oolej.

1 Corintios 14:37

Wi wan junaq naxk'oxla rib' naq a'an propeet malaj musiq'anb'il xb'aan li Musiq'ej, chixnawaq naq li k'aru yookin chi xtz'iib'ankil eerik'in, a'an xchaq'rab' li Qaawa'.

2 Corintios 11:23

Ma aj k'anjeleb' chiru li Kriist? Us, tin'aatinaq jo' junaq kaan ru: q'axalin wi' chik chiruheb' a'an. Q'axal chik xintawasi wib' chi k'anjelak; numtejenaq chik chiruheb' xinwank sa' tz'alam ut xinrape'k chi tz'uum, k'iila sut x'aje'k inkamsinkil.

San Juan 7:24

Mexraqok aatin a' yaal chanru nekeril, chexraqoq b'an aatin sa' tiikilal.

1 Juan 4:6

A'ut laa'o reho li Yos. Ani naxnaw ru li Yos, a'an nokoorab'i; ut li moko re ta li Yos, a'an ink'a' nokoorab'i. A'in naqanaw wi' ru li xmusiq' li yaal ut li b'alaq' aj musiq'ej.

1 Corintios 9:1

Chek'am eere wik'in. Ma ink'a' tab'i' naru tinb'aanu li k'aru nawaj laa'in? Ma ink'a' tab'i' laa'in apóstol? Ma ink'a' tab'i' wilom ru li Jesus li Qaawa'? Ma ink'a' tab'i' laa'ex ru link'anjel sa' xk'ab'a' li Qaawa'?

1 Corintios 3:23

ut laa'ex rehex li Kriist, ut li Kriist re li Yos.

Gálatas 3:29

Ut wi rehex li Kriist, laa'ex riyajilex laj Abrahán chi jo'kanan, aj eechaninelaqex jo' chanru yeechi'inb'il chaq xb'aan li Yos.

2 Corintios 10:1

Wan neke'yehok naq laa'in laj Pablo q'axal q'un inch'ool naq wankin eerik'in, ut jwal kaw inch'ool naq maa'anihin sa' eeyanq. Sa' xk'ab'a' li xtuulanil ut xchaab'ilal li Kriist, nintz'aama cheru naq meemin wu chi kawil'aatinak rik'ineb' li nikine'xjit chi jo'ka'in, naq tinwulaq sa' eeyanq. Eb' a'an neke'xye naq li k'aru yooko chi xb'aanunkil, a'an yal xna'leb' li ruuchich'och'.

1 Corintios 1:12

Nawaj xyeeb'al naq wankeb' sa' eeyanq li neke'xye: “Laa'in rehin laj Pablo”; ut wank neke'xye: “Laa'in rehin laj Apolo”. Wankeb' ajwi' neke'yehok: “Laa'in rehin laj Sefas” malaj “Laa'in rehin li Kriist”.

2 Corintios 13:3

Ninnaw naq yookex chi xsik'b'al xyaalal ma na'aatinak li Kriist inb'aan laa'in. Ut li Kriist moko maak'a' ta xwankil eerik'in, q'axal nim b'an xwankil sa' eeyanq.

2 Corintios 12:11

Xkaano' wu, ab'an laa'ex xexminok wu. Laa'ex raj li xexnimank inloq'al, xb'aan naq tik moko kub'enaq ta inwankil chiruheb' li “xninqaleb' ru apóstol” a'an, us ta laa'in maak'a' inwankil.

2 Corintios 11:18

Ab'an naab'aleb' neke'xnima rib' rik'in ruuchich'och'il na'leb'; jo'kan naq laa'in ajwi' tinnima wib'.

2 Corintios 11:4

Xb'aan naq yalaq ani taawulaq chi xpuktesinkil resil jalan chik Jesus chiru li ak xqapuktesi eere, yalaq ani tixk'ut cheru xk'ulb'al jalan chik Musiq'ej chiru li ak xek'ul malaj jalan chik Chaab'il Esilal chiru li ak eek'ulum, teepaab' aj raj wi' chi junpaat!

1 Corintios 15:23

Ab'anan moko jun waklijikeb' ta, naq te'wakliiq chaq: xb'enwa li Kriist, a'an li xb'een mayej; moqon chik eb' li re li Kriist, sa' li xnimal xk'ulunik.

San Lucas 16:15

Ut li Jesus kixye reheb': “Laa'ex tiik leech'ool chiruheb' li tenamit naq nekeb'aanu eerib'. Ab'an li Yos naxnaw leech'ool, xb'aan naq li k'aru wank xloq'al chiruheb' li winq, a'an tz'eqb'eetal chiru li Yos.

San Mateo 23:5

Chixjunil nalaje'xb'aanu yal re naq ilb'ilaqeb' xb'aaneb' li tenamit: neke'xyu' li xloq'laj eetalil li Chaq'rab' chi xpeekemeb' jo'wi' chiruheb' li xtel, ut neke'xtiq xsahob' ru li re li raq'eb';

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.