2 Corintios 10:5 - Q'eqchi Bible

⁵ ut chixjunil li q'etq'etil li naraj numtaak sa' xb'een li xna'leb' li Yos. Naqaj naq li xk'a'uxl chixjunileb' taakanaaq rub'el roq rub'el ruq' li Kriist re naq te'paab'anq chiru;

Li Santil hu

⁵ Nakasach xcuanquileb li nequeꞌcuechꞌin rix lix cꞌanjel li Dios. Ut nakasach ajcuiꞌ xcuanquil chixjunil lix yehom xba̱nuhom li cui̱nk li naramoc re chiruheb li kas ki̱tzꞌin li rusilal li Dios. Nakacanab saꞌ rukꞌ li Dios lix naꞌlebeb aꞌan re nak chijala̱k lix naꞌlebeb xban li Cristo ut teꞌxba̱nu li cꞌaꞌru naraj aꞌan.

2 Corintios 10:5 ပူးပေါင်းရင်းမြစ်များ

Hebreos 4:12

Relik chi yaal naq yo'yo li Raatin li Yos ut kaw rib', jwal q'es chiru chixjunil li ch'iich' ka'pak'al xq'esnal. Nawulak toj sa' xyanq li aanmej rik'in li musiq'ej, toj sa'atq xtiqb'al li qab'aqel ut li sulutz; narajla jo'ch'inal jo'nimal li nareek'a ut naxk'oxla li ch'oolej.

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Romanos 7:23

ab'anan naweek'a jun chik li chaq'rab' sa' li woq sa' li wuq' yo chi xxik'b'al rilb'al li xchaq'rab' link'a'uxl ut nikinxk'e rub'el xwankil li xchaq'rab' li maak wank wik'in.

San Mateo 15:19

Xb'aan naq sa' li ch'oolej na'elk chaq li ink'a' usil na'leb': li kamsink, muxuk sumlaak, ko'b'eetak yumb'eetak, elq'ak, yoob'ank aatin, majewank.

Romanos 1:21

xb'aan naq ke'xnaw ru li Yos, ab'an ink'a' ke'xnima xloq'al jo' tz'aqal Yos chi moko ke'yoxink chiru, po'k chik kixb'aanu li xk'a'uxeb', ut eb' li xjip aj ch'ool kiq'oqyino'k ru.

1 Corintios 3:19

Xb'aan naq li xnimal xk'a'uxl li ruuchich'och' a'in a'an sachalil na'leb' chiru li Yos. Tz'iib'anb'il sa' li Santil Hu: “Naxchapeb' li wankeb' xna'leb' rik'in ajwi' li xseeb'aleb'”.

Jeremías 4:14

At Jerusalén, ch'ajob'resi ru laach'ool re naq tatkole'q. Jo' najtil chik twanq li maa'usilal sa' laawaanm?

Salmos 139:2

nakanaw jo'q'e nink'ojlaak ut jo'q'e ninwakliik; us ta najt wankin, ab'an nakanaw li nink'oxla.

1 Corintios 1:19

Tz'iib'anb'il sa' li Santil Hu: “Tinpo' xna'leb'eb' li wankeb' xna'leb' ut tintz'eqtaana xk'a'uxl li seeb'eb' xch'ool”.

Proverbios 15:26

Li Qaawa' xik' naril li xk'uub'ahom li ink'a' us xch'ool, ab'an nawulak chiru li q'unil aatin.

Salmos 10:4

Laj maak ink'a' naxsik' li Qaawa' xb'aan naq q'etq'et; junelik naxye sa' xch'ool: “Moko wank ta li Yos!”, chan.

Hebreos 5:9

Ut naq koxtaw li xtz'aqalil re ru, kikanaak cho'q xyo'leb'aal li kolb'a ib' cho'q reheb' chixjunil li neke'paab'ank re,

1 Pedro 1:22

Eech'ajob'resihom leeraanm rik'in xpaab'ankil li yaal, re naq teera eerib' jo' eeras eeriitz'in eerib', chi ink'a' yal pak'b'il. Q'axal b'i' naq cherahaq eerib' chi saqaq ru leech'ool,

Ezequiel 17:24

Ut chixjunileb' li che' li wankeb' chiru tzuultaq'a te'xnaw naq laa'in li Qaawa'. Ninkub'si xwankil li che' naxnimob'resi rib' ut ninterq'usi li che' kub'enaq xwankil. Ninchaqihob'resi li raxche' ut nink'e chi raxo'k li chaqiche'. Laa'in li Qaawa' xin'aatinak ut tinb'aanu li xinye»”.

2 Ts 2:8

Toja' naq tixk'ut chaq rib' laj q'etol chaq'rab', ut taasaapuuq xb'aan li Qaawa' rik'in li xmusiq' li na'elk chaq sa' re, ut taasache'q xb'aan xnimal xwankil sa' li xk'ulunik.

Proverbios 24:9

Li jip junes xb'aanunkil li maak naxk'oxla, ut eb' li poyanam xik' neke'ril laj hob'onel.

San Lucas 1:51

Kixk'ut xwankilal li xtel ut kixcha'cha'i li q'etq'eteb' sa' xch'ooleb'.

2 Ts 2:4

a' laj Xik'il Uuchinel. A'an naxnimob'resi rib' sa' xb'een chixjunil li wank xk'ab'a' li Yos malaj naloq'onimank sa' ruuchich'och', toj reetal toxk'ojlaaq sa' rochoch li Yos ut tixxaqab' rib' xjunes jo' Yos.

Daniel 4:37

“Ut anaqwan, laa'in laj Nabukodonosor ninnima, ninterq'usi ut ninloq'oni ru li Awab'ej wank sa' choxa, xb'aan naq naxb'aanu chixjunil sa' tiikilal ut tz'aqal yaal, ut naxkub'si xwankil li ani naxq'etq'eti rib'”.

Isaías 59:7

Neke'xseeb'a rib' chi xb'aanunkil li maa'usilal, jo'wi' chi xkamsinkileb' li ras riitz'in li maak'a'eb' xmaak. Ka'ajwi' li kamsink poyanam wank sa' xch'ooleb', sachok ut rahilal neke'xkanab' b'arwi' neke'nume'k.

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

Deuteronomio 15:9

Michalk sa' laach'ool li yib' aj na'leb' a'in: «Maak'a' tink'e re, xb'aan naq wulak re li xwuq chihab', a' li xchihab'il xkuyb'al xmaakeb' laj k'as», ut chi jo'kan taapixun aawib' chiru laawas aawiitz'in neb'a' chi maak'a' taatenq'a wi'. Xb'aan naq a'an tixyaab'a xk'ab'a' li Qaawa' sa' aab'een ut laa'at tat-iiqanq re li maak.

2 Corintios 9:13

Naq te'xk'e reetal li k'anjel a'in, te'xnima xloq'al li Yos, xb'aan naq taak'utunq naq laa'ex nekepaab' li xChaab'il Esil li Kriist, li nekech'olob'. Te'xnima ajwi' ru li Yos xb'aan naq xexkub'sink chi yo'oon cho'q reheb' a'an ut reheb' chixjunil.

Romanos 16:26

ab'anan k'utb'esinb'il chik anaqwan xb'aan li xtz'iib'ahomeb' li propeet sa' li Santil Hu, jo' x'alaak sa' xch'ool li junelik Yos. Li tz'aptz'ookil na'leb' a'in k'eeb'il chik chi nawe'k xb'aaneb' chixjunil li tenamit re naq te'ab'inq ut te'paab'anq.

2 Reyes 19:22

Ani xahob' ut xak'e sa' xutaan? Ani li xataqsi laawaatin sa' xb'een ut xakub'si xwankil? A' li xSantil Yos laj Israel!

Romanos 1:5

Sa' xk'ab'a' A'an xqak'ul qamaatan re wank cho'q apóstol re xk'amb'aleb' chixjunil li tenamit chi xq'axtesinkil rib' chi paab'ank sa' xk'ab'a' li xnimal xloq'al.

Isaías 60:14

Eb' li ralal xk'ajoleb' li xe'rahob'tesink aawe te'chalq chi k'utzk'uuqeb', ut chixjunileb' li xe'majewank aawe tole'xwiq'ib' rib' chawoq ut te'xye aawe: «Xtenamit li Qaawa'», «Sión, xtenamit li xSant laj Israel».

2 Reyes 19:28

Laa'at xatjosq'o'k wik'in ut xwab'i naq xatq'etq'eto'k chiwu; jo'kan naq tinram laab'e, tintz'ap laawe ut tatinsutq'isi sa' laab'e b'arwi' xatchalk chaq”. Chirix chik a'an laj Isaías kixye re laj Esekías:

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

Salmos 18:27

laa'at saq ru laayu'am rik'in li saq ru xyu'am, ut wank aana'leb' rik'in li ink'a' tiik xna'leb'.

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.

Salmos 18:44

Laa'at xinaakol sa' ruq'eb' li lintenamit, xinaaxaqab' chi xjolominkileb' li poyanam; ut a' chik li tenamit li ink'a' innawom ru yo chi k'anjelak chiwu.

Éxodo 5:2

Ab'an laj Parahón kichaq'ok: “Ani put li Qaawa' re naq tinpaab' xyaab' xkux ut tinkanab' chi elk eb' laj Israel? Ink'a' ninnaw ru li Qaawa' ut ink'a' tinkanab'eb' chi xik laj Israel”, chan.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.

2 Corintios 11:20

Nekekuy naq junaq nekexk'e chi moosil ut naq junaq naxmaq' chixjunil cheru, narelq'a li k'aru eere, naxq'etq'eti rib' ut nekexsak' chi xnaq' eeru.

Filipenses 4:7

Ut li tuqtuukil usilal li nachalk rik'in li Yos ut naxq'ax ru chixjunil li na'leb', tixk'uula leech'ool ut leek'a'uxl rik'in li Kristo Jesus.