2 Corintios 10:4 - Q'eqchi Bible

⁴ Li ch'iich' nokooyalok wi' moko re ta li ruuchich'och', a'an b'an xwankil li Yos re xjuk'b'al chixjunil li xk'anjel li maa'us. Chi jo'kan yooko chi xpo'b'al li b'alaq'il na'leb'

Li Santil hu

⁴ Ut li kacꞌanjeleba̱l re pletic riqꞌuin li ma̱usilal ma̱cuaꞌ joꞌ li cꞌanjeleba̱l re ruchichꞌochꞌ. Re ban li Dios ut kꞌaxal nim xcuanquil re xsachbal chixjunil lix cꞌanjel li ma̱usilal.

2 Corintios 10:4 ပူးပေါင်းရင်းမြစ်များ

2 Corintios 6:7

rik'in xyeeb'al li yaal, rik'in xwankil li Yos, rik'in xk'anjelob'aal li tiikil ch'oolej chi qanim ut chi qatz'e.

Jeremías 1:10

Chalen anaqwan xink'e aawankil sa' xb'eeneb' li tenamit ut eb' li awab'ej, re mich'ok ut juk'uk, re sachok ut t'anok, re waklesink ut xaqab'ank”, chan.

1 Corintios 2:5

re naq ink'a' k'ojk'ooq leepaab'aal sa' xb'een xna'leb'eb' li winq, sa' xb'eenaq b'an xwankil li Yos.

1 Timoteo 1:18

A'an a'in laachaq'rab'inkil inb'aan, at walal Timoteo, jo' chanru yeeb'il chaq chawix junxil xb'aan raatineb' li propeet. Sa' xk'ab'a'eb' a'an chayal aaq'e chi xb'aanunkil li chaab'il k'anjel a'in;

Romanos 13:12

Li q'oqyink ak yo chi nume'k ut li kutan we' chaq. Qatz'eqaq b'i' xk'anjel li aak'ab' ut qatiqib'aq qib' rik'ineb' xk'anjelob'aal li kutan saqenk.

1 Ts 5:8

A'ut laa'o li reho li kutan wanqo chi aj'ajaq qu, qatiqib'aq qib' rik'in li koleb' ch'iich' nak'ehe'k xb'aan li paab'aal ut li rahok; ut li qakolb'al li yooko chi royb'eninkil, a'an chik'anjelaq qe jo' ruuchil li punit ch'iich'.

2 Corintios 4:7

Ab'an li xnimal ru qamaatan a'in wank qik'in sa' pak'b'il sek', re naq chik'utunq naq li xnimal ru wankilal a'in nachalk rik'in li Yos, moko qik'in ta laa'o.

Romanos 6:13

Chi moko chek'e leeroq leeruq' re xb'aanunkil li maak, cho'q xk'anjelob'aal li ink'a' us; cheq'axtesi b'an eerib' re li Yos jo'kex li kamenaq yo'lajenaqeb' wi' chik, ut chek'e leeroq eeruq' cho'q xk'anjelob'aal li tiikil ch'oolej, cho'q re li Yos.

2 Corintios 3:5

Maajun k'anjel naru naqayoob' qajunes, rik'in ta qawankil. Li Yos b'an nak'ehok qawankil chi xb'aanunkil li naqab'aanu:

Salmos 110:2

Chalen chaq toj Sión tatxk'e li Qaawa' chi awab'ejink: chiwanq laawankil sa' xb'eeneb' li xik' neke'ilok aawe!

Hebreos 11:30

Sa' xk'ab'a' li paab'aal ke'uq'je'k li tz'ak sutsu wi' li tenamit Jerikó, naq ak xsutimank rix chiru wuqub' kutan.

2 Timoteo 2:3

Chakuyaq ajwi' laa'at li rahilal nink'ul laa'in, jo' xchaab'il soldaad li Kristo Jesus.

Hechos 7:22

Laj Moisés kitzole'k rik'in chixjunil li xna'leb'eb' laj Ejiipt ut wank xwankil rik'in li nalajxye ut nalajxb'aanu.

Isaías 30:25

Sa' chixjunileb' li ninqi tzuul ut b'ool taawanq yu'amha' li ink'a' taachaqiq sa' xkutankil li nimla rahilal, naq te't'anje'q eb' li ochoch najteb' xteram.

Josué 6:20

Li tenamit ke'xchaj reheb' ut ke'yaab'asimank li tronpeet. Naq eb' laj Israel ke'rab'i xyaab'eb' li tronpeet, k'ajo' naq ke'xchaj reheb'! Li xsuttz'akil Jerikó ki'uq'je'k ut chixjunileb' ke'xkut rib' chi tiik sa' xb'een li tenamit, ut koxe'reechani.

2 Corintios 13:10

Xintz'iib'a a'in naq maa'anihin sa' eeyanq, re naq ink'a' texinkawil'aatina naq wanqin eerik'in, jo' chanru li wankil k'eeb'il we xb'aan li Qaawa' re kab'lak ut ink'a' re juk'uk.

1 Corintios 9:7

Ani nawank chi soldaadil ut yal tixk'achi'i rib' xjunes? Ani na'awok jun siiraq chi uub' chi ink'a' ta tixyal xsahil ru li rawimq? Ani nab'eresink ketomq chi ink'a' ta tixyal xsahil li xketomq?

2 Corintios 10:8

Ut us ta q'axal tinnima wu chirix li wankil a'in k'eeb'il qe xb'aan li Qaawa', ab'an ink'a' tinxutaanaq. Re xkab'lankil ru leeyu'am ut ink'a' re xjuk'b'al naq xinmaatani li wankil a'in.