2 Corintios 10:12 - Q'eqchi Bible

¹² Relik chi yaal laa'o ink'a' naqaj xjuntaq'eetankil qib' chi moko xb'isb'al qib' rik'ineb' li neke'xnimob'resi rib'. Eb' a'an maak'a'eb' xna'leb': neke'xb'is rib' chirib'ileb' rib' jo'wi' neke'xjuntaq'eeta rib' rik'in li xna'leb'eb' xjuneseb' rib'.

Li Santil hu

¹² Incꞌaꞌ nakaj xba̱nunquil joꞌ nequeꞌxba̱nu li nequeꞌxnimobresi rib riqꞌuin li cꞌaꞌru nequeꞌxba̱nu. Ma̱cꞌaꞌ xnaꞌlebeb. Nequeꞌxnimobresi rib riqꞌuin lix naꞌlebeb xjuneseb rib.

2 Corintios 10:12 ပူးပေါင်းရင်းမြစ်များ

Proverbios 27:2

Maak'e aaloq'al aajunes aawib', kanab' b'an naq jalaneb' te'k'ehoq aaloq'al.

Proverbios 26:12

Toj naru xk'eeb'al xna'eleb'eb' li maak'a'eb' xna'leb'; ab'an jwal ch'a'aj xtenq'ankil junaq li naxk'oxla naq naxnaw chixjunil.

San Lucas 18:11

Laj pariseey, xaqxo naq kitijok sa' xch'ool chi jo'ka'in: «At inYos, ninyoxink chawu xb'aan naq ink'a' jo'kineb' li winq junch'ol, aj elq'eb', ink'a' tiikeb' xch'ool, aj muxuleb' sumlaak, chi moko jo'kin laj titz'ol toj a'in.

2 Corintios 10:18

Moko li naxye rib' naq chaab'il, a'an taak'ule'q; a' b'an li nanimaak xloq'al xb'aan li Qaawa'.

Romanos 15:18

Xb'aan naq maak'a' k'aru tinye laa'in wi ta ink'a' uxb'il xb'aan li Kriist sa' xk'ab'a' link'anjel re xk'amb'aleb' li maawa'eb' aj Judiiy chi paab'ank. A' li Kriist kib'aanunk re rik'in aatin ut b'aanuhom,

2 Corintios 3:1

Naq naqaye a'an, ma yooko tab'i' chi xnimankil qu? Malaj taaqaj ta qahu re tooxik eerik'in malaj junaq leehu tz'iib'anb'il eeb'aan, kama' neke'xb'aanu eb' li junch'ol?

Proverbios 25:27

Moko us ta ruk'b'al naab'al li xya'al kab' chi moko li xsik'b'al naab'al li loq'al.

2 Corintios 5:12

Ma yooko tab'i' chi xnimankil qu cheru laa'ex? Ink'a', ka'aj b'an wi' naqaj naq twanq k'aru teenima wi' eerib' sa' qak'ab'a', re naq texruuq xsumenkileb' li neke'xnima ruheb' rik'in li k'aru nak'utunk ut ink'a' rik'in li wank sa' li ch'oolej.

Li xHu LAJ JOB 12:2

Ch'olch'o naq laa'ex laj tzolol reheb' li tenamit. Ut naq laa'ex texkamq, maak'a'aq chik li choxahil na'leb'!

2 Corintios 10:11

Li neke'aatinak chi jo'kan che'xk'oxlahaq naq, jo' chanru nokoo'aatinak rik'in qahu naq najt wanko, jo'kanaqo ajwi' rik'in qab'aanuhom naq wanqo sa' eeyanq.