2 Corintios 1:4 - Q'eqchi Bible

⁴ A'an nak'ojob'ank qach'ool sa' chixjunil li qarahilal re naq tooruuq xk'ojob'ankil xch'ooleb' li wankeb' sa' chixjunil li rahilal, rik'in li xk'ojob'ankil qach'ool li naqak'ul rik'in li Yos.

Li Santil hu

⁴ Naxcꞌojob kachꞌo̱l saꞌ chixjunil li karaylal re nak ta̱ru̱k takacꞌojob xchꞌo̱leb li cuanqueb saꞌ raylal. Joꞌ nak naxcꞌojob kachꞌo̱l li Dios la̱o, joꞌcan ajcuiꞌ nak takacꞌojob xchꞌo̱leb li cuanqueb saꞌ raylal.

2 Corintios 1:4 ပူးပေါင်းရင်းမြစ်များ

1 Ts 5:11

Jo'kan naq chek'e xkawub' eech'ool ut chetenq'a eerib' cherib'il eerib', jo' li ak yookex xb'aanunkil.

Isaías 51:12

“Laa'in nink'ehok xkawub' laach'ool -chan li Qaawa'-. Anihat laa'at chi xxiwankil ru li winq li yal kaamel, li taa'oso'q jo' li k'im?

Isaías 40:1

K'ojob'omaq xch'ool lintenamit, k'ojob'omaq xch'ool -chan li Qaawa' leeYos-.

Salmos 32:7

Laa'at li xkolb'al wib', laj tenq'ahom we sa' li rahilal: wankat chinsutam re intenq'ankil.

Hebreos 12:12

Jo'kan utan, taqsihomaq leelub'luukil uq' ut xaqab'omaq chi kaw li xb'een eeraq li maak'a' xmetz'ew;

San Juan 14:18

“Ink'a' texinkanab' eejunes jo' maak'a' leena' leeyuwa': tinchalq wi' chik eerik'in.

San Juan 14:16

ut laa'in tintz'aamanq tin'elajinq chiru li Yuwa'b'ej, ut a'an tixtaqla chaq jun chik aj K'ojob'anel ch'ool re naq twanq eerik'in chi junelik:

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

San Juan 14:26

Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

Isaías 52:9

Japomaq eere chi b'ichank chi junaj xyaab' leekux, ex xpo'lemil Jerusalén, xb'aan naq li Qaawa' xril xtoq'ob'aal ru li xtenamit, ak xkol Jerusalén.

Salmos 32:5

Xinch'olob' linmaak chawu ut maak'a' xinmuq: “Tinxooto linmaa'usilal chiru li Qaawa'”, chankin. Ut laa'at xakuy xasacheb' linmaak, xinaakuy sa' chixjunil li xinmaakob'k wi'.

1 Ts 4:18

Chek'ojob'aq b'i' eech'ool cherib'il eerib' rik'ineb' li aatin a'in.

2 Corintios 7:13

A'an a'in li xk'ojob'ank qach'ool. Ut q'axal wi' chik xsaho'k sa' li qaanm rik'in xsahil xch'ool laj Tito, xb'aan naq xk'ojlaak xch'ool eeb'aan chejunilex.

Isaías 51:3

Laa'in tink'ojob' xch'ool Sión ut twil xtoq'ob'aal ru li xpo'lemil; tinsutq'isi li chaqich'och' cho'q sahil na'ajej, ut li joxk' ch'och' tkanaaq cho'q xna'aj li Qaawa': k'ajo'aq li b'ichank ut sahil ch'oolej aran, taawanq li wajb'ak ut b'anyoxink sa' ink'ab'a'.

Salmos 86:17

Chak'e we junaq reetalil laawusilal, re naq eb' li xik' neke'ilok we te'ril ut te'kanaaq sa' xutaan, xb'aan naq laa'at laj tenq'ahom we ut laj k'ojob'anel linch'ool.

Salmos 66:16

Chejunilex laa'ex li nekexpaab'ank re li Yos, kimqex chi ab'ink ut tinseeraq'i eere jo'nimal kixb'aanu we li Qaawa'.

Isaías 49:10

“Ink'a' te'tz'okaaq chi moko te'chaqiq re; ink'a' te'k'ate'q xb'aan li tiqwal iq' chi moko xb'aan xtiqwal li saq'e. Xb'aan naq Li na'uxtaanank ruheb' tixk'am xb'eheb' toj wan wi' li yu'amha'.

Filipenses 1:14

Ut naab'aleb' laj paab'anel xe'kawuuk xch'ool chirix li Qaawa' sa' xk'ab'a' naq b'ak'b'ookin chi kareen, ut q'axal chik neke'xk'e xch'ool chi xyeeb'al li Raatin li Yos chi maak'a'eb' xxiw.

2 Corintios 7:4

Ninye eere li yaal ut q'axal ninnima wu sa' eek'ab'a' laa'ex. K'ojk'o inch'ool ut numtajenaq xsahil li waanm sa' chixjunil li rahilal.