2 Corintios 1:12 - Q'eqchi Bible

¹² A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

Li Santil hu

¹² Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

2 Corintios 1:12 ပူးပေါင်းရင်းမြစ်များ

1 Corintios 2:13

A'in tz'aqal li nokoo'aatinak wi', ink'a' rik'in aatin tzolb'il rik'in xna'leb' li ruuchich'och', rik'in b'an li aatin xqatzol rik'in li Musiq'ej: yooko chi xch'olob'ankil li k'a' re ru re li Musiq'ej, rik'in li aatin k'utb'il xb'aan li Musiq'ej.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

1 Ts 2:10

Laa'ex nekenaw chi tz'aqal, ut naxnaw ajwi' li Yos, chanru xsaqal ru li qayu'am, chanru li xtiikilal qach'ool chi maak'a' qaq'usb'al, naq xoowank sa' eeyanq laa'ex li nekexpaab'ank.

1 Pedro 3:21

Li ha' a'an reetalil li kub'iha' kolb'ilex wi' laa'ex anaqwan: a'an maawa' yal risinkil xtz'ajnil li tib'elej, a'an b'an xtz'aamankil jun chaab'il ch'oolej cho'q re li Yos sa' xk'ab'a' li xwaklijik chi yo'yo li Jesukriist,

Hebreos 13:18

Chextijoq chiqix: naqeek'a naq tuqtu li qach'ool ut naqaj xb'aanunkil chixjunil chi chaab'il.

2 Corintios 8:8

Ink'a' xinye a'in re eetaqlankil; ka'aj b'an wi' nawaj teenaw xchaab'ilaleb' xch'ool li junch'ol, re naq teek'ut naq laa'ex nekexrahok chi anchal eech'ool.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

1 Corintios 15:10

Ab'anan sa' xk'ab'a' li rusilal li Yos xinkanaak chi jo'ka'in jo' yookex chi rilb'al; ut li rusilal li Yos ink'a' xkanaak chi maak'a' rajb'al wik'in, xb'aan naq q'axal kaw wi' chik xink'anjelak chiru chixjunileb' a'an. Ab'an moko laa'in ta, a' b'an li rusilal li Yos li wank wik'in.

Hechos 24:16

Jo'kan naq laa'in ajwi' ninyal inq'e chi wank junelik chi tiik linch'ool chiru li Yos ut chiruheb' li was wiitz'in.

Hechos 23:1

Laj Pablo kixka'ya eb' li xninqal ru aj raqol aatin ut kixye: —Ex was wiitz'in, laa'in xinwank chi q'axal tiik inch'ool chiru li Yos chalen toj anaqwan.

Li xHu LAJ JOB 13:15

Us ta tinxkamsi, ab'an kaw linch'ool: tin'aatinaq rik'in re xkolb'al wib'.

1 Pedro 3:16

Ab'anan chex'aatinaq sa' tuulanil ut sa' xyaalal; chaab'ilaq leek'a'uxl re naq li k'aru nekexhob'e'k wi', chik'utuq xxutaaneb' li neke'wech'ok re li xchaab'ilal leeyu'am li wank sa' xk'ab'a' li Kriist.

1 Timoteo 1:5

Li xyaalal li chaq'rab' a'in, a'an naq chiqara qib' chiqib'il qib' rik'in li rahok na'alaak sa' saq ru ch'oolejil, sa' li tiikil k'a'uxl ut li tz'aqal paab'ank.

Filipenses 1:10

re naq texruuq xsik'b'al ru li q'axal chaab'il, ut chi jo'kan maak'a'aq eemuxul, maak'a'aq eemaak sa' xkutankil li Kriist,

Efesios 6:14

Kawaq b'i' eerib' sa' leepaab'aal, jit'jooq leesa' rik'in li yaal ut tiqtooqex rik'in li tiikil ch'oolej re xkolb'al eerib'.

Gálatas 6:4

Li junjunq chixk'ehaq reetal chanru li xb'aanuhom; chi jo'kan wank k'aru tixnima wi' rib' xjunes ut ink'a' yal chirix jalan chik,

2 Corintios 11:3

Ab'anan ninxiwa naq mare taapo'q leek'a'uxl: kama' naq lix Eva kib'alaq'iik xb'aan xlab'alil li k'anti', mare tex'isiiq ajwi' laa'ex rik'in li yaal ut santilal wankex wi' cho'q re li Kriist.

2 Corintios 1:17

Naq xwaj xb'aanunkil a'an, ma ink'a' tab'i' xink'oxla chi us li b'arwan xink'uub'? Malaj nekek'oxla naq yal ruuchich'och'il na'leb' chixjunil li xink'uub' xb'aanunkil, xb'aan naq xb'enwa xinye eere “yaal” ut chirix a'an “ink'a'”?

1 Corintios 5:8

Jo'kan utan, ninq'ehiqo ink'a' rik'in najter ch'amal q'em chi moko rik'in xch'amal li lab'al malaj li maa'usilal, rik'inaq b'an li wa maak'a' xch'amal, naraj naxye chi saqaq ru li qach'ool ut sa' xyaalal.

1 Corintios 4:4

Laa'in naweek'a naq maak'a' inmaak, ab'anan moko naraj ta naxye naq tiik linch'ool. Laj raqol aatin sa' inb'een a'an li Qaawa'.

Romanos 9:1

Ninye li yaal sa' xk'ab'a' li Kriist, ink'a' nintik'ti'ik; naweek'a sa' linch'ool naq yaal li ninye ut li Santil Musiq'ej namusiq'ank we.

Isaías 38:3

“At Qaawa', jultikaq taxaq aawe naq tiik ru linyu'am; xinwank chawu sa' chaab'ilal ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

Josué 24:14

“Jo'kan utan chexiwa ru li Qaawa' ut chexk'anjelaq chiru chi chaab'il ut chi tiik ru leech'ool. Chekanab'eb' li yos li ke'xloq'oni leexe'toonil yuwa' chire li nima' Éwfrates ut aran Ejiipt, ut chexk'anjelaq chiru li Qaawa'.

Santiago 4:6

Ab'anan li Yos q'axal numtajenaq chik li usilal naxk'e qe. Jo'kan naq naxye li Santil Hu: “Li Yos ink'a' nawulak chiru li q'etq'eteb', ab'an narusilaheb' li q'uneb' xch'ool”.

Tito 2:7

Chak'e aawib' chi xk'amb'aleb' xb'e sa' chixjunil li chaab'il k'anjel: rik'in li tz'aqal tij, rik'in xloq'al laayu'am,

1 Corintios 1:17

Xb'aan naq li Kriist ink'a' xinxtaqla chi kub'sink ha', xinxtaqla b'an chi xpuktesinkil li Chaab'il Esilal. Ab'an maawa' rik'in xninqalil ru aatin, re naq ink'a' tkanaaq chi maak'a' rajb'al li xkrus li Kriist.

1 Corintios 12:8

Wan xmaatani rik'in li Musiq'ej xnimal xk'a'uxl re aatinak; jun chik xmaatani aatinak chirix chaab'il k'a'uxl li nachalk rik'in ajwi' li Musiq'ej;

2 Samuel 22:22

xb'aan naq junelik xinwank sa' xb'e li Qaawa' ut maajun wa xinkanab' linYos.