1 Ts 5:4 - Q'eqchi Bible

⁴ A'ut laa'ex, ex was wiitz'in, moko sa' aak'ab' ta wankex; jo'kan naq li Kutan a'an ink'a' taachalq sa' eeb'een kama' junaq aj elq'.

Li Santil hu

⁴ Aꞌut la̱ex herma̱n, moco saꞌ kꞌojyi̱n ta chic cuanquex. Ac nequenau chic lix ya̱lal. Li Jesucristo incꞌaꞌ ta̱cha̱lk chi ma̱cꞌaꞌak saꞌ e̱chꞌo̱l joꞌ nak nachal laj e̱lkꞌ.

1 Ts 5:4 ပူးပေါင်းရင်းမြစ်များ

1 Juan 2:8

Ab'anan ak' ajwi' li chaq'rab' li nintz'iib'a eerik'in (ut a'an tz'aqal yaal rik'in li Jesus ut eerik'in laa'ex), xb'aan naq li aak'ab' yo chi nume'k ut li tz'aqal saqenk ak nalemtz'unk.

2 Pedro 3:10

Li xkutankil li Qaawa' tol'elq jo' junaq aj elq'. Sa' li kutan a'an tenloq xyaab' li choxa naq taa'oso'q. Li k'a'aq re ru nak'uub'ank re li ruuchich'och' te'oso'q sa' xam; li ch'och' ut chixjunil li wank chisa' taak'atq.

Colosenses 1:13

A'an ki'isink qe sa' xwankil li aak'ab' ut kooroksi sa' li x'awab'ejihom li xraarookil Alal

Zacarías 1:6

Li waatin ut eb' linchaq'rab' li kinye chi xtz'uumal reheb' li propeet laj k'anjeleb' chiwu, ma ink'a' tab'i' ke'rab'i leemama' leerixa'an? Ut eb' a'an ke'xyot' xch'ool ut ke'xjal xk'a'uxl ut ke'xye: Li Nimajwal Yos xb'aanu qe jo' x'alaak sa' xch'ool, jo' chanru li qayehom ut qab'aanuhom»”.

Oseas 10:9

“Chalen chaq Kibehá yookeb' chi maakob'k eb' laj Israel; tik ink'a' neke'xkanab' xb'aanunkil. Jo'kan naq eb' a maa'us aj winq a'in te'oso'q aran Kibehá.

Jeremías 42:16

aran ajwi' toxexxtaw li raaxiik' li jwal nekexiwa, jo'wi' li we'ej li ink'a' nekeraj xk'ulb'al. Maajun taakole'q, ut aran Ejiipt texkamq chejunilex.

Deuteronomio 28:45

“Chixjunil li ink'a' us a'in taat'ane'q sa' aab'een, tatxtaaqi ut toxatxtaw toj reetal tat-oso'q, xb'aan naq ink'a' xawab'i xyaab' xkux li Qaawa' laaYos ut ink'a' xak'uula sa' laach'ool eb' li xchaq'rab' ut li xtaqlahom xyehom aawe A'an.

Deuteronomio 28:15

“Ab'anan wi ink'a' taawab'i xyaab' xkux li Qaawa' laaYos ut wi ink'a' taapaab' ut taak'anjela ru chixjunil li xchaq'rab' li yookin chi xyeeb'al aawe anaqwan, te'chalq sa' aab'een chi numtajenaq chixjunileb' li rahilal a'in:

Deuteronomio 19:6

Mare anchal, wi jwal najt wank li tenamit, laj eeqajunel re li kamenaq toxsik' li xkamsink naq toj yooq xjosq'il, toxtaw ut tixk'e reeqaj, us ta a'an moko xk'ulub' taraj kamk, xb'aan naq junxil moko xik' ta neke'ril rib' chirib'ileb' rib'.

Apocalipsis 3:3

Chinaq b'i' sa' aach'ool chanru xak'ul ut xawab'i li waatin. K'e aach'ool chirix ut chajal aak'a'uxl, xb'aan naq, wi ink'a' yooqat chi yo'lek, tolin'elq kama' junaq aj elq', chi ink'a' taanaw jo'q'e honal tinchalq sa' aab'een.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

San Mateo 10:15

Relik chi yaal ninye eere: sa' xkutankil li raqb'a aatin kotzkooq b'ayaq li rahilal tixk'ul Sodoom ut Gomoor chiru li tixk'ul li tenamit a'an.

San Lucas 21:34

“Chek'ehaq reetal, mi'aalo'k eech'ool xb'aan li tz'i'b'eetalil na'leb', xb'aan li kalaak ut chi xk'oxlankil rix leeyu'am. Mare anchal taachalq sa' eeb'een li kutan a'an chi maak'a'aq sa' eech'ool,

1 Ts 5:2

Laa'ex nekenaw chi us naq li xkutankil li Qaawa' taachalq jo' nachalk junaq aj elq' chi q'eq.

Apocalipsis 16:15

“K'ehomaq reetal, laa'in tinchalq jo' junaq aj elq'. Us xaq re li yooq chi yo'lek ut tixk'uula li raq', re naq ink'a' taab'eeq chi t'ust'u ut ink'a' taa'ile'q li xxutaan”.