1 Ts 5:3 - Q'eqchi Bible

³ Naq yooqeb' chi xyeeb'al: “Wanko sa' tuqtuukilal ut maak'a' chik qak'a'uxl”, toja' naq taachalq li roso'jikeb' sa' junpaat chi maak'a'aq sa' xch'ooleb', jo' naq nachalk xrahil li alank sa' xb'een li ixq; ut ink'a' naru te'eleliq chiru.

Li Santil hu

³ Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

1 Ts 5:3 ပူးပေါင်းရင်းမြစ်များ

Hebreos 2:3

chan put ru naq tookole'q laa'o, wi tqatz'eqtaana li xnimal kolb'a ib' a'in? A'an kiyehe'k resil sa' xtiklajik xb'aan li Qaawa', ut moqon chik kich'olob'aak chiqu xb'aaneb' li ke'ab'ink chaq re.

2 Ts 1:9

Li xtojb'al rix li xmaakeb' a'an li sachk chi junajwa, ut najt te'wanq rik'in li Qaawa' jo'wi' rik'in li xnimal xloq'al li xwankilal.

Proverbios 29:1

Li winq li ink'a' nawulak chiru li q'use'k taasache'q ru chi junpaat ut chi junwaakaj.

2 Pedro 2:4

K'ehomaq reetal. Li Yos ink'a' kixkuy xmaakeb' li ánjel ke'maakob'k, kixkuteb' b'an sa' xb'alb'a ut kixq'axtesiheb' sa' xchamal li aak'ab' re naq k'aak'alenb'ilaqeb' toj sa' xkutankil li raqb'a aatin.

Jeremías 4:31

Toja' naq xwab'i xyaab' xkux jun li ixq, chanchan naq toj xb'enwa ok re chi alank. A'an pe' li xyaab' xkux li xrab'in li tenamit Sión; naxjiq' xch'ool chi yaab'ak, naxye' li ruq' ut naxye: «Toq'ob' wu, oso'k we xb'aaneb' laj kamsinel poyanam!»”.

Hechos 13:41

«K'ehomaq reetal laa'ex li nekextz'eqtaanank; chisachq eena'leb' ut chexmuqunq, xb'aan naq chiru leeyu'am tinb'aanu jun xnimal ru b'aanuhom, ut a'an ink'a' raj teepaab', us ta taaseeraq'iiq eere»”.

Jeremías 22:23

Anaqwan sa nakathilank sa' laawochoch li yiib'anb'il rik'in yaw li chalenaq Líbano; ab'anan tatyaab'aq naq tolatxtaw li rahilal, jo' naxk'ul li ixq ok re chi alank”.

Jeremías 13:21

K'aru taaye naq tatink'e chi awab'ejiik xb'aaneb' li xak'uleb' aawik'in cho'q aawamiiw? Q'axal ra taak'ul xb'aaneb' jo' junaq ixq ok re chi alank.

Jeremías 6:24

Ut eb' laj Jerusalén ke'xye: “Naq xqab'i li esilal a'in, xookanaak chi maak'a' chik qametz'ew xb'aan qaxiw; k'ajo' naq xmayok sa' li qach'ool chi k'oxlak ut ra wanko jo' junaq ixq ok re chi alank.

Isaías 56:12

Eb' a'an neke'xye: “Yo'qeb' chi sik'ok b'iin jo'wi' li ha' nakaltesink, re naq tookalaaq. Xb'aan naq li kutan wulaj kama'aq anaqwan; malaj jwal chaab'ilaq chik”, chankeb'.

Salmos 48:6

ab'anan naq xe'ril li tenamit, xe'sachk xna'leb', k'ajo' naq xe'xiwak ut xe'siksotk!

Nahum 1:10

xb'aan naq eb' li xik' neke'ilok re, te'oso'q chi junajwa chanchaneb' li k'ix xchapomeb' rib'; jo'qeb' li chaqi k'im naq te'k'ate'q, ut k'ajo'eb' chi kalaak sa' xninq'eheb'.

Hebreos 12:23

a' li xch'utameb' li xb'een alalb'ej tz'iib'anb'ileb' xk'ab'a' sa' choxa, rik'in li Yos laj raqol aatin sa' xb'eeneb' chixjunil, jo'wi' rik'in li xmusiq'eb' li tiikeb' xch'ool li ak tz'aqob'resinb'ileb' chik ru.

Oseas 13:13

Xwulak xkutankil naq taa'alaaq, ab'anan laj Efraín a'an jun li al kaw xjolom li ink'a' naraj yo'laak sa' xyaalal.

Isaías 30:13

Jo'kan naq wank leemaak. Chanchanex li jorol tz'ak najt xteram li taat'ane'q chi maak'a'aq sa' eech'ool.

Deuteronomio 29:19

“Wi ani sa' eeyanq taarab'i li teneb'anb'il sa' qab'een sa' xk'ab'a' li jurament a'in ut ink'a' tixk'e xwankil, tixye b'an sa' xch'ool xjunes rib': «Laa'in us tin'elq sa' chixjunil, us ta tinb'aanu jo' naxye linjipilal», xmaak li winq a'an te'sache'q chixjunileb'.

San Mateo 23:33

“Ex k'anti', ralex q'anb'olay! Chanru naq tex'eleliq chiru li tojb'amaak sa' xb'alb'a?

Li xHu LAJ JOB 15:21

Yalaq k'aru narab'i, naxiwak; ut naq nareek'a xsahil li xch'ool, neke'wulak laj elq' sa' li rochoch.

Salmos 35:8

Chichalq taxaq li sache'k sa' xb'eeneb' chi maak'a'eb' sa' xch'ool: che'chape'q taxaq xb'aan li ra'al xe'xyiib', che't'ane'q taxaq sa' li jul b'ekb'il xb'aaneb'!

Salmos 55:15

Junxil q'axal naqara qib' chiqib'il qib', wotz nokooxik sa' rochoch li Yos chi sa qach'ool!

Salmos 69:22

Sa' lintzekemq xe'xk'e li b'an nakamsink, ut naq xchaqik we, a' li k'ahil ha' xe'xyeechi'i chi wuk'.

Isaías 20:6

Chiruheb' li kutan a'an, eb' li poyanam li wankeb' chire li palaw sa' xteepal Filistea, te'xye: «Ilomaq chanru xkanaak li tenamit li kaw wi' li qach'ool, li xqapatz' wi' qatenq'ankil re raj tooxkol chiru li awab'ej re Asiria. Ut anaqwan chanru tookole'q laa'o?», cha'qeb'”.

Isaías 29:5

Sa' junpaat, chi maak'a'aq sa' laach'ool, li Nimajwal Yos tatxtenq'a rik'in kaaq, hiik ut tz'aapixikaq li choqink, kaqsut-iq', muqyax ut k'iila xam chi sachok. Li xk'ihaleb' li xik' neke'ilok aawe chanchanaqeb' li pojtz' q'un ru; ut eb' laj rahob'tesinel aawe te'sapuuq chi najt jo'kaqeb' li k'im.

Isaías 47:9

Ab'anan, maak'a'aq sa' laach'ool naq te'chalq li wiib' chi rahilal a'in sa' aab'een: li kanaak sa' junaatalil ut li xsachikeb' laawalal aak'ajol, us ta jwal nakattuulak ut nakatnawalink.

Isaías 47:11

Jo'kan naq taachalq sa' aab'een jun rahilal chi ink'a' tatruuq chi xkolb'al aawib' chiru; q'axal ra taak'ul ut maak'a' xja'lenkil. Chi junpaat taachaalunq jun raaxiik' sa' aab'een li ink'a' nakawoyb'eni.

Jeremías 6:14

Yal neke'xkotz b'ayaq li xrahilaleb' lintenamit rik'in xyeeb'al: «Tuqtuukilal, tuqtuukilal»; ab'anan maak'a' li tuqtuukilal.

Jeremías 8:11

Yal neke'xkotz b'ayaq li xrahilaleb' lintenamit rik'in xyeeb'al: Wank li tuqtuukilal; ab'anan maak'a' li tuqtuukilal.

Jeremías 14:19

At Qaawa', ma xatz'eqtaana laj Judá chi junajwa? Ma xattitz'k chi rilb'al li tenamit Sión? K'a'ut naq xoohaatiq' chi ink'a' chik took'iraaq? Xqoyb'eni wank sa' tuqtuukilal, ut maak'a' junaq usilal xqataw. Xqayo'oni li kawilal, ut a' li xiwak xchalk sa' qab'een.

Ezequiel 13:10

“Eb' li propeet a'an xe'xb'alaq'i lintenamit rik'in xyeeb'al: «Wankex sa' tuqtuukilal», chankeb', ab'anan moko yaal ta. Lintenamit neke'waklesink tz'ak ut eb' a'an yal rik'in chun neke'xletz.

San Juan 16:21

Li ixq naq ok re chi alank, ra sa' xch'ool xb'aan naq xwulak xhonalil; ab'anan naq ak xwank li xk'uula'al, ink'a' chik najultiko'k re li xnimal xrahilal xb'aan xsahojik sa' xch'ool naq xyo'laak jun li winq sa' ruuchich'och'.

Jueces 8:11

Laj Jedehón kinume'k chire li xnub'ajl li chaqich'och', sa' xjayal releb'l saq'e re Nóbaj ut Yokbohá, ut ki'ok chi yalok rik'ineb' laj Madián naq eb' a'in maak'a' sa' xch'ooleb'.

Li xHu LAJ JOB 24:23

Naxkanab'eb' chi wank chi maak'a'eb' xk'a'uxl, ab'an yo xk'eeb'al reetal li k'aru neke'xb'aanu.