1 Ts 5:24 - Q'eqchi Bible

²⁴ Chaab'il A'an li nab'oqok eere, ut tixb'aanu chixjunil a'in.

Li Santil hu

²⁴ Li Dios, li quisicꞌoc e̱ru, aꞌan ti̱c xchꞌo̱l chixba̱nunquil li cꞌaꞌru naxye ut aꞌan ta̱santobresi̱nk e̱re.

1 Ts 5:24 ပူးပေါင်းရင်းမြစ်များ

2 Ts 3:3

Tiik xch'ool li Qaawa'; ut a'an tixk'e xkawub' eech'ool ut texxkol chiru li maa'us.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

1 Corintios 1:9

Li Yos junelik naxk'e li naxyeechi'i, ut a'an ajwi' li xb'oqok chaq eere chi wank sa' junajil rik'in li Ralal, a' li Jesukriist li Qaawa'.

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

Deuteronomio 7:9

K'e b'i' sa' xnaq' aawu naq li Qaawa' laaYos a'an tz'aqal Yos, a' li Yos tiik xch'ool li naxpaab' li xSumwank ut junelik wank li xrahom rik'ineb' li neke'rahok re ut neke'xpaab' li xchaq'rab'.

2 Timoteo 2:13

Wi ink'a' tiik qach'ool chirix, a'ut A'an junelik tiik xch'ool xb'aan naq ink'a' naru tixq'et rib'.

Isaías 25:1

At Qaawa', laa'at linYos; ninnima aawu ut ninterq'usi laak'ab'a' xb'aan naq xab'aanu xninqal sachb'ach'oolej, k'oxlanb'ileb' chi us chalen chaq junxil; q'axal paab'ajel laak'a'uxl ut k'ojk'o xwankil.

Lamentaciones 3:23

Rajlal eq'la na'ak'o'k li xrahom: k'ajo' xnimal li xtiikilal xch'ool!

San Juan 3:33

Ani nak'ulub'ank re li xyehom, a'an naxye chi yaal naq paab'ajel li Yos.

2 Pedro 1:3

Li xnimal xwankil li Kriist kixsi qe chixjunil li nak'anjelak sa' li qayu'am ut sa' li qapaab'aal, sa' xk'ab'a' xnawb'al ru li Yos li kib'oqok chaq qe rik'in li xloq'al ut li rusilal.

Salmos 138:2

toj chiru laaloq'laj ochoch toxinwiq'ib' wib'. Ninb'anyoxi aawe laarahom ut li xtiikilal laach'ool, xb'aan naq k'ajo' xnimal laayeechi'om.

Tito 1:2

li nawank sa' xk'ab'a' li loq'laj royb'eninkil li junelik yu'am. Li Yos ink'a' natik'ti'ik, kixyeechi'i chaq li yu'am a'an najter q'e kutan,

Apocalipsis 17:14

Te'xyal xmetz'ew rik'in li Karneer, ab'an li Karneer tixq'ax ruheb' xb'aan naq a'an Qaawa' sa' xb'eeneb' chixjunil li qaawa' ut Awab'ej sa' xb'eeneb' chixjunil li awab'ej; ut eb' li rochb'een, eb' li b'oqb'ileb', li sik'b'ileb' ru ut tiikeb' xch'ool, te'xq'ax ajwi' ruheb'”.

2 Timoteo 1:9

li kooxkol ut kooxb'oq rik'in jun qasantil b'oqb'al, maawa' xb'aan qab'aanuhom, rik'in b'an naq kiraj xch'ool ut sa' xk'ab'a' li rusilal li kixsi qe sa' xk'ab'a' li Kristo Jesus junxilaj naq toj maji' kitiklaak li ruuchich'och'.

1 Corintios 10:13

Maji' nachalk sa' eeb'een junaq aaleek q'axal nim chiru li neke'xk'ul chixjunileb'. Li Yos naxb'aanu li xyeechi'i, ut ink'a' texxkanab' chi aaleek jo' ink'a' truuq teekuy. Rik'in li aaleek, li Yos tixk'e ajwi' eere chanru teekuy re naq us tex'elq.

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

Gálatas 1:15

A'ut li Yos li kisik'ok wu chalen chaq sa' linsiyajik rik'in linna' ut kinxb'oq xb'aan xnimal rusilal, kixk'ul xch'ool xk'utb'al chiwu li Ralal, re naq tinpuktesi resil sa' xyanqeb' li maawa'eb' aj Judiiy. Toja' naq ink'a' koxinpatz' inna'leb' re junaq winq

Romanos 8:30

Ut eb' li kixxaqab'eb' chaq, eb' a'an kixtiikob'resiheb' chaq xch'ool; ut eb' li kixtiikob'resiheb' xch'ool, kixk'eheb' ajwi' xloq'al.

Salmos 86:15

Ab'an laa'at, at Qaawa', laa'at jun Yos aj uxtaan ut chaab'ilat, ink'a' nakatjosq'o'k sa' junpaat, numtajenaq b'an laarahom ut li xtiikilal laach'ool:

Salmos 36:5

Naq jiljo sa' xwarib', junes maak naxk'uub' ru; kaw xch'ool sa' li b'e ink'a' us ut ink'a' naxtz'eqtaana li maa'usilal.

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

Miqueas 7:20

At Qaawa', junelik taxaq wanq li xtiikilal aach'ool rik'in laj Jakob ut laarahom rik'in laj Abrahán, jo' kaye chaq junxil q'e kutan reheb' li qana' qayuwa'.

Salmos 89:2

Twaj tinb'icha li xrahom li Qaawa' chi junelik, tinpuktesi resil li xtiikilal laach'ool junq'e junq'e kutan.

Romanos 9:24

Jo'ka'in naq kooxb'oq chaq li Yos: moko ka'aj ta wi' sa' xyanqeb' laj Judiiy, sa' xyanqeb' aj b'an wi' li junch'ol chik.

Isaías 37:32

Xb'aan naq sa' li tenamit Jerusalén wankeb' te'kole'q; toj wankeb' li te'kanaaq sa' li tzuul Sión. Li xnimal xrahom li Nimajwal Yos taab'aanunq re a'an.

Salmos 40:10

Xinpuktesi resil li xtiikilal laach'ool sa' li nimla ch'utam; ink'a' xintz'ap xsa' we, ch'olch'o chawu, at Qaawa'.

2 Ts 2:14

A'in aj e naq xexb'oq rik'in li Chaab'il Esilal xqapuktesi, re naq textz'aqonq sa' li xnimal xloq'al li Qaawa' Jesukriist.

Salmos 92:2

Q'axal us b'anyoxink chawu, at Qaawa', ut xb'ichankil laak'ab'a', at Nimajwal Yos;

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 146:6

a'an laj winqob'resihom re choxach'och', a'an kiyiib'ank re li palaw ut chixjunil li wank chisa'. Li Qaawa' wank sa' tiikilal chi junelik.

Salmos 100:5

Xb'aan naq jwal chaab'il li Qaawa', li xrahom wank chi junelik; li xtiikilal xch'ool wanq junq'e junq'e kutan.

2 Reyes 19:31

Xb'aan naq sa' li tenamit Jerusalén wanqeb' te'kole'q; toj wanqeb' li te'kanaaq sa' li tzuul Sión. Li xnimal xrahom li Qaawa' taab'aanunq re a'an.