1 Ts 5:23 - Q'eqchi Bible

²³ A' taxaq li Yos li nak'ehok li tuqtuukil usilal chisantob'resinq eere chi tz'aqal. Ut leejunxaqalil, leemusiq', leech'ool ut leetz'ejwal chiwanq taxaq chi maak'a' eeq'usb'al toj reetal sa' xk'ulunik li Qaawa' Jesukriist.

Li Santil hu

²³ Aꞌ taxak li Dios li naqꞌuehoc tuktu̱quil usilal chisantobresi̱nk e̱re chi tzꞌakal ut aꞌan taxak chi-osobtesi̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo.

1 Ts 5:23 ပူးပေါင်းရင်းမြစ်များ

San Judas 1:24

A' taxaq li Yos li wank xwankil chekolb'al chiru li maak jo'wi' cheq'axtesinkil sa' li xnimal xloq'al chi maak'a'aq eemuxul ut rik'in sahil ch'oolej,

Hebreos 4:12

Relik chi yaal naq yo'yo li Raatin li Yos ut kaw rib', jwal q'es chiru chixjunil li ch'iich' ka'pak'al xq'esnal. Nawulak toj sa' xyanq li aanmej rik'in li musiq'ej, toj sa'atq xtiqb'al li qab'aqel ut li sulutz; narajla jo'ch'inal jo'nimal li nareek'a ut naxk'oxla li ch'oolej.

1 Ts 3:13

re naq kawub'resinb'ilaq chi us leech'ool sa' santilal chi maak'a'aq eeq'usb'al chiru li Yos li qaYuwa', sa' xk'ulunik li Qaawa' Jesukriist, rochb'een chixjunil li xsantil tenamit.

1 Pedro 5:10

Naq akaq xekuy b'ayaq li rahilal, li Yos taatz'aqob'resinq eere eeru, tixk'e xkawub' eech'ool, taawaklesinq ut taaxaqab'anq eere. A'an ajwi' li Yos li kib'oqok eere sa' li xjunelik loq'al sa' xk'ab'a' li Kriist, xb'aan xnimal xrahom.

Filipenses 1:10

re naq texruuq xsik'b'al ru li q'axal chaab'il, ut chi jo'kan maak'a'aq eemuxul, maak'a'aq eemaak sa' xkutankil li Kriist,

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

Filipenses 1:6

K'ojk'o inch'ool naq li Yos li xyoob'ank re li chaab'il k'anjel a'in eerik'in yooq ajwi' chi xtz'aqob'resinkil ru, toj reetal sa' xkutankil li Kristo Jesus.

Levítico 20:8

Paab'omaq ut k'anjelahomaq ru linchaq'rab'. Laa'in li Qaawa' li nasantob'resink eere.

2 Pedro 3:14

Jo'kan utan, ex was wiitz'in raarookex inb'aan, naq yookex chi royb'eninkil chixjunil a'in, yalomaq eeq'e re naq tolexxtaw li Qaawa' sa' tuqtuukil usilal rik'in, chi maak'a'aq eemuxul ut eeq'usb'al.

Hebreos 2:11

Xb'aan naq laj santob'resinel ut eb' li santob'resinb'ileb' jun ajwi' li xYuwa'eb'. Jo'kan naq li Jesus ink'a' naxutaanak chi xyeeb'al was wiitz'in reheb',

Colosenses 1:22

A'ut anaqwan li Yos xexk'am wi' chik sa' rusilal sa' xk'ab'a' li xkamik li xch'och'el sululel li Kriist, re eexaqab'ankil chiru sa' santilal, chi maak'a'aq eemuxul ut eeq'usb'al.

1 Corintios 14:33

xb'aan naq li Yos moko Yos ta re po'ok ch'oolej, xYos b'an li tuqtuukilal. Jo' na'uxk sa' chixjunileb' li x'Iklees eb' laj santil paab'anel,

Romanos 15:13

A' taxaq li Yos li nak'ehok xnimal qoyb'enihom chinujob'resinq eere rik'in chixjunil li sahil ch'oolej ut tuqtuukilal sa' leepaab'aal, re naq numtajenaqaq leeroyb'enihom xb'aan xwankil li Santil Musiq'ej.

San Lucas 1:46

Ut lix María kixye: “Linch'ool naxnima xloq'al li Qaawa'

Hebreos 13:20

Li Yos aj k'ehol tuqtuukilal, li kiwaklesink re li Jesus sa' xyanqeb' li kamenaq, a' li Qaawa', li xnimal ru aj K'aak'alenel karneer sa' xk'ab'a' xkik'elil li junelik Sumwank,

Romanos 15:5

A' taxaq li Yos li nachalk wi' xkawub' qach'ool ut xk'ojob'ankil li qaanm chik'ehoq eere naq texwanq sa' aatin cherib'il eerib', jo' naraj li Kristo Jesus,

2 Ts 3:16

A' taxaq li xQaawa' li tuqtuukil usilal chik'ehoq eere li tuqtuukilal chi junelik ut sa' chixjunil. Chiwanq taxaq li Qaawa' eerik'in chejunilex.

Filipenses 4:9

Jo'ch'inal jo'nimal li xetzol, xek'ul, xerab'i ut xeril wik'in, a'an b'aanuhomaq, ut li Yos li nak'ehok li tuqtuukil usilal taawanq eerik'in.

2 Corintios 5:19

Li Yos kixk'am wi' chik sa' usilal li ruuchich'och' rik'in, sa' xk'ab'a' li Kriist: ink'a' kixk'e sa' xch'ool li xmaakeb' li tenamit, ut kixq'axtesi qe li aatin chirix li k'amok ib' sa' usilal rik'in.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

San Juan 17:19

Ut sa' xk'ab'a'eb' a'an ninsantob'resi wib', re naq santob'resinb'ilaqeb' ajwi' a'an rik'in li yaal.

San Judas 1:1

Laa'in laj Judas, xmoos li Jesukriist ut riitz'in laj Santiago, nintz'iib'ak rik'ineb' li b'oqb'ileb', raarookeb' xb'aan li Yos Yuwa'b'ej ut xokxookeb' cho'q re li Jesukriist.

1 Ts 4:3

A'an a'in li rajom li Yos: naq chexwanq sa' santilal chi ink'a' tex'okenq chi ko'b'eetak yumb'eetak;

1 Corintios 1:2

nintz'iib'ak rik'in li x'Iklees li Yos li wank Korinto, eerik'in laa'ex li santob'resinb'ilex sa' xk'ab'a' li Kristo Jesus, eerik'in laa'ex li b'oqb'ilex chi wank sa' santilal, eerochb'een chixjunileb' li neke'xyaab'a xk'ab'a' li Qaawa' Jesukriist yalaq b'ar, a'an li qaQaawa' laa'o ut xQaawa' li santil tenamit.

Romanos 16:20

Chi jo'kan li Yos li nak'ehok tuqtuukil usilal tixyeq'i laj tza rub'el eeroq chi seeb'. Li rusilal li Qaawa' Jesukriist chiwanq taxaq eerik'in.

Romanos 15:33

Li Yos li nak'ehok tuqtuukil usilal chiwanq taxaq eerik'in chejunilex. Jo'kan taxaq.

Hechos 20:32

“Anaqwan texinkanab' sa' ruq' li Yos ut rik'in li Aatin naxye resil li xrahom: a'in wank xwankil chetenq'ankil chi kab'laak sa' li paab'aal jo' ajwi' chi xk'eeb'al eere li xyeechi'om li Yos, eerochb'eenaqeb' chixjunil li santob'resinb'ileb'.

Levítico 20:26

Santaqex cho'q we laa'in, xb'aan naq laa'in, li Qaawa', santin ut xinsik' eeru sa' xyanqeb' li jar teep chi tenamit re naq laa'exaq intenamit.

1 Ts 2:19

B'ar pe' wank li qoyb'enihom, li qasahilal, li qaloq'al li tqanima wi' qib' chiru li Qaawa' Jesus sa' li xk'ulunik? Ma ink'a' tab'i' laa'ex?

Ezequiel 37:28

Ut naq linsantil ochoch taawanq sa' xyanqeb' chi junwaakaj, eb' li tenamit junch'ol te'xnaw naq laa'in li Qaawa', li ninsantob'resiheb' laj Israel»”.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

1 Ts 3:11

A' taxaq li Yos li qaYuwa' ut li Qaawa' Jesus chituqub'anq li qab'e re xik eerik'in.

1 Ts 5:22

Chekolaq eerib' chiru chixjunil li k'a'aq re ru chi maa'usilal.

Santiago 1:4

ab'anan chexkuyuq chi tz'aqal re ru, re naq tz'aqalaq eere eeru ut chaab'ilaqex, chi maak'a' majelaqex wi' sa' leepaab'aal.