1 Ts 5:10 - Q'eqchi Bible

¹⁰ a'an kikamk sa' qak'ab'a' re naq, us ta yo'yooqo us ta kamenaqo chik naq taak'ulunq, chiwanq qayu'am qochb'een A'an.

Li Santil hu

¹⁰ Aꞌan quicam saꞌ kacꞌabaꞌ re nak usta yoꞌyo̱co usta ac camenako chic nak ta̱cꞌulu̱nk, ta̱cua̱nk kayuꞌam chi junelic kochben aꞌan.

1 Ts 5:10 ပူးပေါင်းရင်းမြစ်များ

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

Efesios 5:2

ut chexwanq sa' li rahok kama' naq kexra li Kriist ut kixq'axtesi rib' sa' qak'ab'a' jo' chaab'il mayej ut loq'laj yeechi'om, sununk xb'ook chiru li Yos.

Romanos 8:34

Ani taak'ehoq sa' tojb'amaak? Ma li Kristo Jesus li kikamk, ab'an kiwakliik wi' chik chi yo'yo? Anaqwan a'an wank sa' xnim uq' li Yos ut na'aatinak chaq chiqix.

1 Ts 4:17

Aka' chik laa'o li yo'yooqo, li toj wanqo, toosaapuuq sa'eb' li choql qochb'eeneb' a'an re xk'ulb'al li Qaawa' sa' iq'; ut chi jo'kan wanqo junelik rik'in li Qaawa'.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

2 Corintios 5:15

Ut a'an kikamk sa' xk'ab'a' chixjunileb', re naq eb' li yo'yookeb' ink'a' chik yo'yooqeb' yal cho'q reheb', cho'q re b'an li kikamk ut kiwakliik wi' chik sa' xk'ab'a'eb' a'an.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

1 Timoteo 2:6

li kixq'axtesi rib' re qakolb'al chiqajunilo. A'an kich'olob'aak tz'aqal sa' xq'ehil,

1 Ts 4:13

Ex qas qiitz'in, ink'a' naqaj naq q'oqyinaq ru leena'leb' chirixeb' li kamenaq re naq ink'a' chiraho'q leech'ool jo'keb' li junch'ol li maak'a' neke'royb'eni.

1 Corintios 15:3

Xb'een xb'een xinnumsi cheru li k'aru xink'ul ajwi' laa'in: naq li Kriist kikamk xb'aan li qamaak, jo' ak yeeb'il chaq resil chi junxilaj xb'aan li Santil Hu;

San Juan 15:13

Maa'ani q'axal narahok jo' li naxq'axtesi li xyu'am sa' xk'ab'a'eb' li ramiiw.

San Juan 10:17

“A'an ninxra wi' li Yuwa'b'ej, xb'aan naq nink'e linyu'am re naq tink'ul wi' chik.

San Juan 10:11

Laa'in li chaab'il aj k'aak'alenel karneer. Li chaab'il aj k'aak'alenel naxk'e li xyu'am sa' xk'ab'a'eb' li xkarneer.

San Mateo 20:28

Kama' naq li K'ajolb'ej moko xchalk ta chi k'anjelaak ru, re b'an k'anjelak ut re xk'eeb'al li xyu'am re xkolb'aleb' rix chixjunileb'.

San Juan 10:15

jo' li Yuwa'b'ej naxnaw wu ut laa'in ninnaw ru li Yuwa'b'ej; ut nink'e linyu'am sa' xk'ab'a'eb' li karneer.

1 Ts 4:15

A'in naqaye eere jo' raatin li Qaawa': laa'o li yo'yooqo, li wanqo toj reetal sa' xk'ulunik li Qaawa', moko laa'o ta xb'enwa li tooxoke'q chiruheb' li ak xe'kamk.

1 Ts 5:6

Jo'kan b'i' moowark jo'keb' li junch'ol, chooyo'leq b'an ut aj'ajaq qu.

2 Timoteo 2:11

Tz'aqal yaal li aatin a'in: Wi xoosumkamk qochb'een A'an, yo'yooqo ajwi' rik'in A'an.