1 Ts 4:9 - Q'eqchi Bible

⁹ Chirix li rahok ib' ink'a' na'ajmank ru naq tintz'iib'aq eerik'in xb'aan naq ak tzolb'ilex xb'aan li Yos chi xraab'al eerib' cherib'il eerib'.

Li Santil hu

⁹ Incꞌaꞌ tento nak tintzꞌi̱bak e̱riqꞌuin chirix chanru nak te̱ra e̱rib che̱ribil e̱rib xban nak ac cꞌutbil ajcuiꞌ che̱ru xban li Dios nak tento te̱ra e̱rib che̱ribil e̱rib.

1 Ts 4:9 ပူးပေါင်းရင်းမြစ်များ

1 Juan 3:11

Xb'aan naq a'an a'in li esilal xerab'i laa'ex chalen chaq sa' xtiklajik: naq chiqara qib' chiqib'il qib'.

Romanos 12:10

Jo' tz'aqal eeras eeriitz'in naq chera eerib' cherib'il eerib'; chek'oxla naq q'axal ka'loq' oxloq'eb' leekomon.

1 Juan 3:23

Ut a'an a'in li xchaq'rab': naq choopaab'anq sa' xk'ab'a' li Jesukriist li Ralal ut chiqara qib' chiqib'il qib', jo' chanru naq kooxchaq'rab'i.

1 Juan 4:21

Ut a'an a'in li chaq'rab' qak'ulum rik'in: li narahok re li Yos chixrahaq ajwi' li ras riitz'in.

Hebreos 13:1

Chiwanq junelik li rahok ib' sa' eeyanq jo' eeras eeriitz'in eerib'.

1 Ts 5:1

Chirix li xq'ehil ut li xkutankil moko aajel ta ru naq tintz'iib'aq eerik'in, ex was wiitz'in.

Hechos 4:32

Li xk'ihaleb' laj paab'anel junajeb' li xch'ool, junajeb' li raanm naq wankeb' chirib'ileb' rib'. Maa'ani naxye naq re li k'aru wank re, chixjunil b'an komon e cho'q reheb'.

1 Juan 2:10

Ani naxra li ras riitz'in, wank sa' li saqenk chi junelik ut ink'a' natichk'ok.

2 Pedro 1:7

li xloq'oninkil li Yos rik'in wank jo' eeras eeriitz'in eerib', li wank jo' eeras eeriitz'in eerib' rik'in li rahok.

1 Pedro 4:8

Xb'een xb'een chiru chixjunil q'axal cherahaq eerib', xb'aan naq li rahok k'ajo' xk'ihal li maak naxtz'ap ru.

1 Pedro 3:8

Sa' roso'jik ninye eere: chexwanq chejunilex chi junaq ru leena'leb', chetoq'ob'a eeru cherib'il eerib', cherahaq leeras eeriitz'in, chex'uxtaananq u ut q'unaqex.

Hebreos 10:16

“A'an a'in li Sumwank tink'ojob' rik'ineb', chirixeb' li kutan a'an, chan li Qaawa': Tink'eheb' linchaq'rab' sa' li xch'ooleb', ut tintz'iib'a sa' xk'a'uxeb'”.

San Juan 14:26

Ab'an laj K'ojob'anel ch'ool, a' li Santil Musiq'ej li tixtaqla chaq li Yuwa'b'ej sa' ink'ab'a', a'an textzol chirix chixjunil ut tixjultika eere chixjunil li xinye eere.

Salmos 133:1

B'ich re li taqsink. Xsaalm laj David. K'ehomaq reetal: k'ajo' xloq'al, makach'in xch'ina'usal naq wankeb' laj paab'anel sa' junajil!

San Mateo 22:39

Li xkab' chanchan ajwi' a'an: «Taara laawas aawiitz'in jo' naq nakara aawib' laa'at».

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Isaías 51:13

K'a'ut naq nakatz'eq chirix laach'ool li Qaawa', laj yoob'tesihom aawe, li kihelok re li choxa ut kixk'ojob' li ruuchich'och'? K'a'ut naq nakanumsi li kutan chi xxiwankil ru laj rahob'tesinel, li junelik naxyal xq'e chasachb'al? Ab'anan, b'ar wank anaqwan li xjosq'il laj rahob'tesinel?

Levítico 19:8

li ani taatzekanq re, taariiqani li xmaak ut taa'isiiq sa' xyanqeb' li rech tenamitul sa' xk'ab'a' xmuxb'al li q'axtesinb'il chiru li Qaawa'.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

2 Corintios 9:1

Chirix li tenq'aal a'in cho'q reheb' laj santil paab'anel tz'aqal xintz'iib'ak eerik'in,

Filipenses 3:15

Jo'kan utan, chiqajunilo li tz'aqal qe qu sa' li qapaab'aal jo'kaq taxaq a'in li qak'a'uxl; ut wi rik'in k'aru jalan chik nekek'oxla, a'an ajwi' li Yos taach'olob'anq cheru.