1 Ts 4:4 - Q'eqchi Bible

⁴ li junjunq sa' eeyanq chixnaw wank rik'in li rixaqil sa' santilal ut loq'al,

Li Santil hu

⁴ Eb laj pa̱banel tento nak teꞌsumla̱k saꞌ xya̱lal ut cheꞌxnauhak cua̱nc saꞌ ti̱quilal chi ribileb rib ut teꞌxqꞌue xlokꞌal chi ribileb rib.

1 Ts 4:4 ပူးပေါင်းရင်းမြစ်များ

1 Corintios 7:9

Ab'an wi ink'a' neke'xkuy rib', sumlaaqeb'. Jwal us naq te'sumlaaq chiru naq te'atawanq.

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

1 Pedro 3:7

Jo'kan ajwi' laa'ex b'eelomej, chexwanq sa' xyaalal rik'in leerixaqil, xb'aan naq q'axal q'uneb' chik xch'ool cheru laa'ex. Cheroxloq'iheb' xb'aan naq te'xmaatani li Yu'am, kama' ajwi' teereechani laa'ex. Wi teeb'aanu a'in, maak'a' k'aru taat'iloq eere sa' leetij.

Hebreos 13:4

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

1 Corintios 6:15

Ma ink'a' nekenaw naq leetz'ejwal a'an xcha'al li Kriist? Ma tinchap tab'i' xcha'al li Kriist re xk'eeb'al cho'q xcha'al junaq aj yumb'eet? Maajoq'e b'i'an!

1 Corintios 7:2

Ab'an li junjunq chi winq chiwanq rixaqil ut li junjunq chi ixq chiwanq xb'eelom re naq ink'a' te't'ane'q sa' li maak.

Filipenses 4:8

Sa' xraqik, ex was wiitz'in, chixjunil li yaal, li k'ulub'ej, li tiik, li maak'a' reek', ka'loq' oxloq', chixjunil li chaab'il ut xk'ulub' nimaak ru, a'an chiwanq sa' eech'ool.

Romanos 6:19

(Yookin chi aatinak kama' nokoo'aatinak arin sa' ruuchich'och', xb'aan xmajelal leena'leb'). Kama' naq xek'e chaq leeroq leeruq' cho'q moos re li muxuk ib' ut li q'etb'a aatin re naq te'numtaaq sa' eeb'een, jo'kan naq cheq'axtesi anaqwan leeroq leeruq' chi k'anjelak chiru li tiikil ch'oolej ut re li santilal.

Romanos 1:24

Jo'kan naq li Yos kixk'eheb' chi xb'aanunkil li narataw xch'ooleb', kixq'axtesiheb' sa' xyib'al ru xmaa'usilaleb' toj ke'xmux li xtz'ejwaleb' chirib'ileb' rib':

Hechos 9:15

Ut li Qaawa' kixye re: “Ayu, xb'aan naq a'an sik'b'il ru inb'aan cho'q aj k'anjel re tixk'am resil link'ab'a' rik'ineb' li maak'a'eb' xpaab'aal, rik'ineb' li awab'ej ut eb' li ralal xk'ajol laj Israel.

2 Corintios 4:7

Ab'an li xnimal ru qamaatan a'in wank qik'in sa' pak'b'il sek', re naq chik'utunq naq li xnimal ru wankilal a'in nachalk rik'in li Yos, moko qik'in ta laa'o.

1 Samuel 21:5

Kisumeek xb'aan laj David: “Rajlal naq nokooxik chi yalok, ink'a' nokooch'e'ok ixq. Eb' laj k'anjel chiwu xe'xra rib' naq xoo'elk, us ta li qataqlankil a'in maak'a' xloq'al. Anaqwan saq ru li xtz'ejwaleb'”.