1 Ts 4:3 - Q'eqchi Bible

³ A'an a'in li rajom li Yos: naq chexwanq sa' santilal chi ink'a' tex'okenq chi ko'b'eetak yumb'eetak;

Li Santil hu

³ Li Dios naraj nak texcua̱nk saꞌ santilal. Mexcoꞌbe̱tac mexyumbe̱tac.

1 Ts 4:3 ပူးပေါင်းရင်းမြစ်များ

1 Pedro 4:2

re naq jo' najtil chik twanq sa' ruuchich'och' ink'a' chik taawanq jo' naxrahi li tz'ejwalej, jo' b'an chik naraj li Yos.

1 Ts 5:23

A' taxaq li Yos li nak'ehok li tuqtuukil usilal chisantob'resinq eere chi tz'aqal. Ut leejunxaqalil, leemusiq', leech'ool ut leetz'ejwal chiwanq taxaq chi maak'a' eeq'usb'al toj reetal sa' xk'ulunik li Qaawa' Jesukriist.

Romanos 12:2

Ut meek'am eere rik'in li ruuchich'och' a'in, chejal b'an leeyu'am, che'ak'ob'resi leena'leb' re naq teenaw xk'eeb'al reetal k'aru naraj li Yos: a' li b'arwan us, nawulak chiru ut tz'aqal re ru.

Hebreos 13:4

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

Efesios 5:17

Jo'kan naq mexwank chi maak'a' eena'leb', chetawaq b'an ru li naraj li Qaawa'.

Colosenses 3:5

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.

1 Ts 4:4

li junjunq sa' eeyanq chixnaw wank rik'in li rixaqil sa' santilal ut loq'al,

Gálatas 5:19

Nawno chi us k'aru nachalk rik'in li tz'ejwalej: ko'b'eetak yumb'eetak, muxuk ib', jo'maajo'il wank,

1 Juan 2:17

Li ruuchich'och' ut li na'atawaak xb'aan, yal aj numeleb'; a'ut li nab'aanunk re li rajom li Yos a'an wanq chi junelik.

San Mateo 7:21

“Moko chixjunil ta li nayehok we: «Qaawa', Qaawa'», taa'ok sa' li xnimajwal wankilal li choxa, taa'ok b'an li taab'aanunq re li rajom linchoxahil Yuwa'.

Apocalipsis 21:8

A'ut eb' laj xiw, li ink'a' neke'paab'ank, eb' li tz'i'b'eetal xna'leb', eb' laj kamsinel ras riitz'in, eb' laj muxuleb' rib', eb' laj tuul, eb' laj loq'oninel li yal k'oxlanb'il yos ut chixjunileb' laj tik'ti', taawanq xna'ajeb' sa' li palaw yo xxamlel ut k'ajo' xtiqwal: a'an a'in li xkab' kamk”.

2 Ts 2:13

A'ut laa'o rajlal toob'anyoxinq re li Yos cherix laa'ex, ex qas qiitz'in raarookex xb'aan li Qaawa', xb'aan naq li Yos kisik'ok eeru chalen chaq sa' xtiklajik re naq texkole'q sa' xk'ab'a' li santob'resink naxb'aanu li Musiq'ej, jo' ajwi' xb'aan xpaab'ankil li yaal.

Hebreos 10:36

Na'ajmank ru naq wanq eekuyum sa' li rahilal re xb'aanunkil li rajom li Yos ut xk'ulb'al li k'aru yeechi'inb'il chaq xb'aan.

Efesios 6:6

moko ka'aj ta wi' naq eb' a'an yookeb' cherilb'al re naq sahaqeb' xch'ool eerik'in, jo'aqex b'an xmoos li Kriist, yooqex chi xb'aanunkil li naraj li Yos chi anchal eech'ool.

1 Corintios 7:2

Ab'an li junjunq chi winq chiwanq rixaqil ut li junjunq chi ixq chiwanq xb'eelom re naq ink'a' te't'ane'q sa' li maak.

Hechos 15:29

naq chekolaq eerib' chiru li tzekemq mayejanb'il reheb' li jalanil yos, chiru li kik', chiruheb' li yatz'b'il xul ut li ko'b'eetak yumb'eetak. Wi teekol eerib' chiru chixjunil a'in, us teeb'aanu. Cherilaq eerib'”.

Salmos 143:10

Chak'ut chiwu xpaab'ankil laawajom: relik chi yaal naq laa'at linYos. A' taxaq laachaab'il musiq' chib'eresinq we sa' tuqtuukil ru b'e.

Salmos 40:8

jo'kan naq xinye: We'kin, chalk we, chankin. Tz'iib'anb'il chiwix sa' li b'otb'ookil hu

1 Ts 5:18

Chexyoxinq chirix jo'ch'inal jo'nimal li nekek'ul, xb'aan naq a'an a'in li naraj li Yos naq teeb'aanu, sa' xk'ab'a' li Kristo Jesus.

San Marcos 3:35

Xb'aan naq chixjunil li taab'aanunq re li rajom li Yos, a'an li wiitz'in, li wanab' ut linna'.

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

Hebreos 13:21

a'an taxaq chik'uub'anq re leeyu'am rik'in chixjunil li chaab'ilal re xb'aanunkil li rajom. A'an taxaq chib'aanunq qik'in li nawulak chiru sa' xk'ab'a' li Jesukriist: rehaq taxaq li loq'al junq'e junq'e kutan. Jo'kan taxaq.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Colosenses 1:9

Jo'kan utan, chalen naq xqab'i resil chixjunil a'an, ink'a' nokoohilank chi tijok cherix ut junelik yooko chi xtz'aamankil naq toxeetaw xyaalal li rajom li Yos chi tz'aqal re ru, rik'in chixjunil li na'leb' ut k'a'uxl li naxk'e li Musiq'ej,

2 Corintios 12:21

Ninxiwak naq, sa' linwulajik, linYos tixkub'si wi' chik inwankil sa' eeyanq: mare tinyaab'aq chirixeb' naab'al li xe'maakob'k junxil ut ink'a' xe'xjal xk'a'uxl chirix li maa'usilal xe'xb'aanu, jo'wi' chirix li ko'b'eetak yumb'eetak ut tz'i'b'eetalil.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

San Juan 4:34

Kixye li Jesus reheb': —Lintzekemq a'an naq tinb'aanu li rajom li kitaqlank chaq we ut tink'e chi yaalo'k ru li xk'anjel.

San Mateo 15:19

Xb'aan naq sa' li ch'oolej na'elk chaq li ink'a' usil na'leb': li kamsink, muxuk sumlaak, ko'b'eetak yumb'eetak, elq'ak, yoob'ank aatin, majewank.

San Mateo 12:50

Xb'aan naq chixjunil li taab'aanunq re li rajom linchoxahil Yuwa', a'an li wiitz'in, li wanab' ut linna'.

Colosenses 4:12

Naxtaqla xsahil eech'ool laj Epafras, a'an eekomon, xmoos li Kristo Jesus; junelik naxk'e xch'ool chepatz'b'al sa'eb' li xtij, re naq kaw xaqxooqex chi xb'aanunkil chi tz'aqal chixjunil li naraj li Yos.

Romanos 6:22

A'ut anaqwan ach'ab'anb'ilex chik chiru li maak ut oksinb'ilex cho'q aj k'anjel chiru li Yos, yookex chi uuchink cho'q re li santilal; ut li xraqik a'an, a' chik li junelik yu'am.

Hechos 20:32

“Anaqwan texinkanab' sa' ruq' li Yos ut rik'in li Aatin naxye resil li xrahom: a'in wank xwankil chetenq'ankil chi kab'laak sa' li paab'aal jo' ajwi' chi xk'eeb'al eere li xyeechi'om li Yos, eerochb'eenaqeb' chixjunil li santob'resinb'ileb'.

Hechos 15:20

ka'ajwi' chitz'iib'amanq rik'ineb' naq che'xkolaq rib' chiru li ko'b'eetak yumb'eetak, chiruheb' li yatz'b'il xul ut li kik'.

San Juan 7:17

Wi junaq traj xb'aanunkil li rajom li Yos, tixnaw ma re li Yos li nintzoleb' wi' malaj yal injunes wib' nin'aatinak.

Hebreos 12:16

Maa'ani taxaq junaq sa' eeyanq ink'a' us malaj eet xna'leb' kama' laj Esaú, li yal rik'in junwa'al chi wa kixk'ayi li xb'een alalb'ejil.

Romanos 1:29

Numtajenaq xyib'al ru li xmaa'usilaleb', lab' xch'ooleb', aj raholeb' ru b'ihomal, k'ajo' xmaa'usilaleb'; numtajenaqeb' chi aj kaqal, aj kamsineleb' ras riitz'in, aj wech'oneleb', aj b'alaq'eb', ink'a' us xna'leb'eb', aj mololeb' aatin,

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!

San Mateo 5:32

A'ut laa'in ninye eere naq chixjunil li tixkanab' li rixaqil, wi ink'a' yal laq'lo rik'in, tixk'e li ixq chi xmuxb'al li xsumlajik. Ut ani taasumlaaq rik'in junaq kanab'anb'il ixq, taamuxuq sumsu.

1 Ts 4:2

Laa'ex nekenaw leetaqlankil xqak'e eere sa' xk'ab'a' li Qaawa' Jesus.

Levítico 15:18

“Wi junaq winq ut junaq ixq te'wanq chirib'ileb' rib', chi xkab'ichaleb' tento te'atinq ut te'kanaaq chi muxb'il ru toj reetal taa'ok li q'oqyink.