1 Ts 4:13 - Q'eqchi Bible

¹³ Ex qas qiitz'in, ink'a' naqaj naq q'oqyinaq ru leena'leb' chirixeb' li kamenaq re naq ink'a' chiraho'q leech'ool jo'keb' li junch'ol li maak'a' neke'royb'eni.

Li Santil hu

¹³ Nakaj ut ex herma̱n nak te̱tau xya̱lal chirixeb li ac xeꞌcam re nak incꞌaꞌ ta̱rahokꞌ e̱chꞌo̱l joꞌ nequeꞌxba̱nu li jun chꞌol chic li ma̱cꞌaꞌ nequeꞌroybeni.

1 Ts 4:13 ပူးပေါင်းရင်းမြစ်များ

Daniel 12:2

«Naab'aleb' li ak kamenaqeb' te'wakliiq chaq wi' chik chi yo'yo: wankeb' re junelik yu'am, wankeb' chik re wank sa' xutaan ut tojb'amaak chi junajwa.

1 Ts 5:10

a'an kikamk sa' qak'ab'a' re naq, us ta yo'yooqo us ta kamenaqo chik naq taak'ulunq, chiwanq qayu'am qochb'een A'an.

1 Ts 4:15

A'in naqaye eere jo' raatin li Qaawa': laa'o li yo'yooqo, li wanqo toj reetal sa' xk'ulunik li Qaawa', moko laa'o ta xb'enwa li tooxoke'q chiruheb' li ak xe'kamk.

Efesios 2:12

Chijultiko'q eere naq junxil wankex chaq chi maak'a' li Kriist eerik'in, maawa'ex chaq xkomoneb' laj Israel, ab'lex b'an chiru li xyeechi'om li Yos ut chiru li Sumwank, maak'a' eeroyb'enihom ut maak'a' leeYos sa' li ruuchich'och' a'in.

2 Pedro 3:4

“K'aru xkanaak wi' li xk'ulunik li Qaawa' yeechi'inb'il chaq eere? Chalen chaq xkamikeb' li qana' qayuwa' xna'ajkil ajwi' chixjunil, kama' chaq sa' xtiklajik li ruuchich'och'”, cha'qeb'.

1 Corintios 15:6

Chirix chik a'an kixk'ut rib' chiruheb' numenaq o'k'aal xkab' o'q'ob' (500) chi qas qiitz'in wankeb' chi ch'utch'u: sa' xyanqeb' a'an naab'aleb' li toj yo'yookeb', ut wankeb' ajwi' kamenaqeb' chik anaqwan.

Hechos 7:60

Chirix chik a'an kit'ane'k chi wiq'wo ut kixjap re chi kaw, ut kixye: “At Qaawa', maak'e xaq li maak a'in sa' xb'eeneb'”. Ut naq kixye a'in, kikamk.

Ezequiel 37:11

Ut li Qaawa' kixye we: “At kaamel winq, eb' li b'aq a'in a'aneb' chixjunileb' li ralal xk'ajol laj Israel. Anaqwan yookeb' chi xyeeb'al: «Xe'chaqik li qab'aqel ut maak'a' chik qoyb'enihom; xoo'oso'k chiqajunilo», chankeb'.

2 Corintios 1:8

Ex was wiitz'in, naqaj naq teenaw li nimla rahilal xqak'ul chaq Asia. Numtajenaq nim chiru li xooruhank xkuyb'al; x'aalo'k sa' qab'een ut xqak'oxla naq ink'a' chik tooxkanab' chi yo'yo.

1 Corintios 10:1

Ex was wiitz'in, twaj teenaw naq eb' li qana' qayuwa' chixjunileb' ke'wank chaq rub'el li choql ut chixjunileb' ke'nume'k sa' li palaw.

Romanos 1:13

Nawaj teenaw, ex was wiitz'in, naq k'iila sut xink'oxla xik eerik'in re naq tink'ul raj junaq ru link'anjel sa' eeyanq, kama' xink'ul chaq sa' xyanqeb' li tenamit junch'ol. Ab'anan toj anaqwan ramro chiwu.

Hechos 13:36

Chek'e reetal, laj David chiru li xyu'am kik'anjelak jo' chanru li xnimal rajom li Yos, ab'an moqon kikamk, koxjunaji rib' rik'in li xna' xyuwa' ut kiq'aak li xch'och'el xsululel.

San Juan 11:24

Kichaq'ok lix Marta: —Ninnaw naq taawakliiq wi' chik sa' xwaklijikeb' chi yo'yo li kamenaq, sa' roso'jikeb' li kutan, chan.

2 Pedro 3:8

Ex was wiitz'in raarookex inb'aan, jun li na'leb' tento xnawb'al: naq chiru li Yos jun kutan a'an jo' jun mil chihab', ut jun mil chihab' a'an jo' jun kutan.

Hechos 8:2

Wankeb' winq chaab'ileb' xch'ool ke'xmuq laj Esteban ut najt ke'yaab'ak chirix.

Proverbios 14:32

Li ink'a' us xna'leb', a' ajwi' li xmaa'usilal nasachok re; a'ut li tiik xch'ool nakole'k xb'aan li xtiikilal.

1 Reyes 2:10

Laj David kiq'ajk kisutq'iik rik'ineb' li xna' xyuwa' ut kimuqe'k Jerusalén sa' li xtenamit.

1 Reyes 1:21

Wi maak'a' nakab'aanu chirix a'in, relik chi yaal naq tookamsiiq laa'in ut linyum, naq laa'at tatq'ajq tatsutq'iiq”.

Levítico 19:28

“Meelet'exi leetib'el sa' xk'ab'a' junaq kamenaq chi moko chek'e junaq eetalil chiru leetib'el. Laa'in li Qaawa'.

San Mateo 27:52

Kilaje'teliik eb' li muqleb'aal kamenaq, naab'aleb' li sant ak kamenaqeb' ke'wakliik chaq wi' chik chi yo'yo,

1 Corintios 12:1

Ex was wiitz'in, chirix li maatan naxk'e li Musiq'ej twaj teetaw xyaalal.

Li xHu LAJ JOB 1:21

ut kixye: “Chi t'ust'u xin'elk chaq rik'in linna' ut kama'an ajwi' naq tinsutq'iiq aran. Li Qaawa' xk'ehok ut li Qaawa' xmaq'ok chiwu. Usilaatinanb'il taxaq xk'ab'a' li Qaawa'!”.

2 Samuel 18:33

K'ajo' naq kiraho'k xch'ool li awab'ej. Koho xjunes sa' li na'ajej wank sa' xb'een li rokeb'aal li tenamit ut ki'ok chi yaab'ak: “At Absalón, at walal! Absalón, at walal, at walal! -chan naq yo chi xik-. Us raj naq laa'in xinkamk ut laa'at toj yo'yooqat, Absalón, at walal, at walal”.

Génesis 37:35

Chixjunileb' li ralal ut eb' li xrab'in ke'wulak chi xk'ojob'ankil xch'ool, a'ut a'an ink'a' kiraj k'ojob'aak xch'ool ut naxyehatq: “Tinwanq chi ra sa' inch'ool toj reetal tinxik rik'in li walal sa' xna'ajeb' li kamenaq”. K'ajo' naq kiyaab'ak laj Jakob chirix li ralal.

Efesios 2:3

Sa' xyanqeb' a'an xoowank ajwi' chiqajunilo junxil: nawulak chiqu li naxrahi li qatz'ejwal, naqab'aanu li naraj li tz'ejwalej ut li ink'a' usil na'leb'; jo'kan naq xoowank chaq rub'el xjosq'il li Yos kama'eb' li junch'ol.

1 Ts 4:14

Ma ink'a' tab'i' naqapaab' naq li Jesus kikamk ut kiwakliik wi' chik chi yo'yo? Jo'kan naq li Yos tixk'ameb' rik'in li Jesus eb' li xe'kamk sa' xk'ab'a' A'an.

1 Ts 5:6

Jo'kan b'i' moowark jo'keb' li junch'ol, chooyo'leq b'an ut aj'ajaq qu.

Levítico 21:2

Ka'ajwi' naru te'xch'e' wi a'an li xna', xyuwa', ralal malaj xrab'in, li ras malaj riitz'in;