1 Ts 3:12 - Q'eqchi Bible

¹² Ut li Qaawa' chixk'e taxaq eere naq chik'iiq ut chinumtaaq li rahok eerik'in cherib'il eerib' ut rik'in chixjunileb' leeras eeriitz'in, jo' ajwi' naq nekexqara laa'o,

Li Santil hu

¹² Aꞌ taxak li Ka̱cuaꞌ chitenkꞌa̱nk e̱re re nak te̱ra e̱rib che̱ribil e̱rib ut chi anchal e̱chꞌo̱l cherahak taxak le̱ ras e̱ri̱tzꞌin joꞌ nak nequexkara la̱ex.

1 Ts 3:12 ပူးပေါင်းရင်းမြစ်များ

Filipenses 1:9

Ut a'an a'in li nintz'aama sa' lintij: naq leerahom chik'iiq chi junelik rik'in xtawb'al eena'leb' jo'wi' xtawb'al xyaalal chixjunil,

San Mateo 22:39

Li xkab' chanchan ajwi' a'an: «Taara laawas aawiitz'in jo' naq nakara aawib' laa'at».

1 Ts 5:15

Chek'e reetal, maa'ani chi'eeqajunq maa'usilal rik'in maa'usilal, a' b'an li us cheb'aanu junelik cherib'il eerib' ut rik'ineb' chixjunil.

Romanos 13:8

Maak'a'aq eek'as rik'in anihaq, ka'ajaq wi' li xraab'al eerib' cherib'il eerib'. Xb'aan naq ani naxra li ras riitz'in naxb'aanu chi tz'aqal li naxye li Chaq'rab'.

2 Ts 1:3

Ex qas qiitz'in, junelik teneb'anb'il sa' qab'een naq toob'anyoxinq re li Yos cherix laa'ex, jo' xk'ulub', xb'aan naq q'axal yo chi k'iik leepaab'aal ut numtajenaq chik nekera eerib' rik'ineb' chixjunil ut chejunjunqal.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

Gálatas 5:6

Xb'aan naq rik'in li Kristo Jesus maak'a' na'ok wi' xk'ulb'al li sirkunsisyon malaj ink'a', ka'aj b'an wi' li paab'aal li naxk'ut rib' rik'in li rahok.

1 Ts 2:8

K'ajo' naq xexqara chaq: moko ka'aj ta wi' li xChaab'il Esil li Yos xqaj xq'axtesinkil eere, xqak'e aj b'an wi' li qayu'am xb'aan naq numtajenaq raarookex qab'aan.

2 Pedro 1:7

li xloq'oninkil li Yos rik'in wank jo' eeras eeriitz'in eerib', li wank jo' eeras eeriitz'in eerib' rik'in li rahok.

San Mateo 7:12

“Jo'ch'inal jo'nimal li teeraj raj naq te'xb'aanu eere leeras eeriitz'in, cheb'aanuhaq ajwi' laa'ex reheb' a'an, xb'aan naq a'an a'in xyaalal li Chaq'rab' ut eb' li Propeet.

2 Pedro 3:18

Chexk'iiq sa' rusilal li Qaawa' rik'in xnawb'al ru li Jesukriist, laj Kolol qe. Rehaq taxaq li loq'al, anaqwan toj sa' li kutan ink'a' nalajk na'oso'k. Jo'kan taxaq.

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

1 Ts 4:1

Chirix chik a'in, ex qas qiitz'in, naqatz'aama naqelaji cheru sa' xk'ab'a' li Qaawa' Jesus naq chexwanq jo' nawulak chiru li Yos, jo' chanru tzolb'ilex wi' qab'aan. Ak yookex xb'aanunkil chi jo'kan, ab'anan q'axal wi' chik cheb'aanu.

San Lucas 17:5

Ke'xye eb' li apóstol re li Qaawa': —K'e xtz'aqob' li qapaab'aal.

Salmos 115:4

A'ut li xyoseb' li poyanam a'an yal oor ut plaat, yal xb'aanuhom ruq'eb' li winq.

2 Corintios 9:10

Li nak'ehok iyaj re laj awinel jo'wi' li wa re tzekaak, tixk'e ajwi' eeriyaj ut tixtamb'resi; tixk'ihob'resi li naruuchin li xchaab'ilal leech'ool.