1 Ts 3:10 - Q'eqchi Bible

¹⁰ Chi q'eq chi kutanko chi tz'aamank chi elajink chi kaw re rilb'al eeru jo'wi' re xtz'aqob'resinkil jo'nimal chik naraj leepaab'aal.

Li Santil hu

¹⁰ Chi kꞌek chi cutan nakatzꞌa̱ma chiru li Dios nak takil cuiꞌchic e̱ru re nak takaqꞌue xcacuilal e̱chꞌo̱l saꞌ le̱ pa̱ba̱l.

1 Ts 3:10 ပူးပေါင်းရင်းမြစ်များ

2 Corintios 13:9

ut nasaho'k qach'ool naq laa'o maak'a' qametz'ew ut laa'ex kaw eerib'. A'an a'in li naqatz'aama chiru li Yos: naq tz'aqalaq re ru leepaab'aal.

1 Ts 3:11

A' taxaq li Yos li qaYuwa' ut li Qaawa' Jesus chituqub'anq li qab'e re xik eerik'in.

2 Corintios 1:24

Moko naqaj ta taqlank sa' xb'een leepaab'aal, naqaj b'an sumk'anjelak chirix xsahil eech'ool, xb'aan naq kaw xaqxookex chi paab'ank.

2 Timoteo 1:3

Junelik ninb'anyoxi chiru li Yos li nink'anjelak chiru chi saq ru li waanm, kama' ke'xb'aanu chaq eb' linna' linyuwa', rajlal naq nakatjultiko'k we sa'eb' lintij chi q'eq ut chi kutan.

2 Ts 1:11

Jo'kan naq juneliko chi tijok cherix: li qaYos chik'ehoq taxaq eere wank jo' xk'ulub' leemaatan b'oqb'ilex wi', ut texxtenq'a taxaq rik'in li xwankilal re naq chitz'aqloq ru chixjunil li us nekerahi xb'aanunkil jo'wi' li xk'anjel leepaab'aal.

Filipenses 1:25

Kaw inch'ool chirix a'in, ut ninnaw naq tinkanaaq ut toj tinwanq sa' eeyanq chejunilex re naq texk'iiq chi sa sa' eech'ool sa' leepaab'aal.

2 Corintios 1:15

Sa' xk'ab'a' a'an xwaj raj xik xb'enwa eerik'in re naq xineek'ul raj xka'sutil;

Hechos 26:7

Li xtz'aqlojik ru a'in neke'xyo'oni li xkab'laju teepaleb' laj Israel; jo'kan naq kaw neke'k'anjelak chiru li Yos chi q'eq ut chi kutan. Chanaw, at qaawa', naq chirix li woyb'enihom a'in nikine'xjit eb' laj Judiiy.

Filemón 1:22

Jo'kan ajwi' chakawresi wochochnaal, xb'aan naq yookin chi xyo'oninkil naq sa' xk'ab'a' leetij chi'usilaaq taxaq eeru re tinwulaq eerik'in.

Colosenses 4:12

Naxtaqla xsahil eech'ool laj Epafras, a'an eekomon, xmoos li Kristo Jesus; junelik naxk'e xch'ool chepatz'b'al sa'eb' li xtij, re naq kaw xaqxooqex chi xb'aanunkil chi tz'aqal chixjunil li naraj li Yos.

Colosenses 1:28

A'an tz'aqal li naqapuktesi resil. Naqak'eheb' xna'leb' chixjunileb' ut naqatzoleb' rik'in chixjunil li qak'a'uxl, re naq tqaxaqab'eb' chixjunil chi tz'aqalaq re ruheb' sa' xk'ab'a' li Kriist.

San Lucas 2:37

Anaqwan xmalka'an chik ut kaahib' ro'k'aal chihab' wank re. Ink'a' naxkanab' li rochoch li Yos, yo chi k'anjelak chiru li Qaawa' chi q'eq ut chi kutan rik'in kuyuk sa' ut tijok.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

2 Corintios 13:11

Ex was wiitz'in, chisaho'q sa' leech'ool, tz'aqalaq eere eeru, chek'e xkawub' leech'ool, junajaq ru leek'a'uxl, wanqex sa' tuqtuukilal, ut li Yos li nak'ehok li rahok ut li tuqtuukilal taawanq eerik'in.

Apocalipsis 7:15

“Jo'kan naq wankeb' chiru li xnimajwal k'ojarib'aal li Yos ut neke'k'anjelak chiru chi q'eq ut chi kutan sa' li rochoch; ut li k'ojk'o sa' li nimajwal k'ojarib'aal taamuheelanq reheb'.

1 Samuel 12:23

Li Yos chitenq'anq taxaq we re naq ink'a' tinmaakob'q rik'in xkanab'ankil tijok cherix laa'ex. Ninye li waatin naq tink'ut cheru li b'e jwal chaab'il ut tiik.