1 Ts 2:5 - Q'eqchi Bible

⁵ Nekenaw chi us naq maajun wa xoo'aatinak yal re eeq'unb'esinkil chi moko yal sa' xk'ab'a' rahok ru ab'i e. Li Yos naxnaw a'an.

Li Santil hu

⁵ La̱ex nequenau nak ma̱ jun cua xoa̱tinac e̱riqꞌuin yal re e̱kꞌunbesinquil. Li Dios naxnau nak la̱o incꞌaꞌ xoa̱tinac e̱riqꞌuin yal xban nak cuan li cꞌaꞌru nakaj.

1 Ts 2:5 ပူးပေါင်းရင်းမြစ်များ

2 Corintios 12:17

Ma xexinb'alaq'i tab'i' xb'aan junaq reheb' li xintaqlaheb' eerik'in?

Romanos 1:9

Naxnaw li Yos, li ninloq'oni chi anchal li waanm rik'in xpuktesinkil li xChaab'il Esil li Ralal, naq ink'a' ninkanab' eepatz'b'al sa' lintij.

Hechos 20:33

Laa'in ink'a' xinrahi xplaat, chi moko x'oor malaj xb'aatal anihaq.

Gálatas 1:20

Li Yos naxnaw naq tz'aqal yaal li yookin chi xtz'iib'ankil eerik'in: ink'a' nintik'ti'ik.

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

1 Pedro 5:2

cheberesiheb' li xkarneer li Yos k'eeb'ileb' cheril ut chek'aak'aleheb' chi ink'a' yal minb'ilaq eeru, chi anchalaq b'an eech'ool jo' naraj li Yos; moko re ta xsik'b'al eetumin, sa' eech'ool b'an chi'alaaq;

Tito 1:7

Xb'aan naq laj ilol re li Iklees, jo' aj k'anjel chiru li Yos, tento naq maak'a'aq xq'usb'al; moko q'etq'etaq ta, ink'a' ch'inpo'aq chi moko aj kalajenaq, maawa'aq aj yoob'anel ch'a'ajkilal chi moko aj rahol ru tumin sa' b'alaq',

1 Ts 2:10

Laa'ex nekenaw chi tz'aqal, ut naxnaw ajwi' li Yos, chanru xsaqal ru li qayu'am, chanru li xtiikilal qach'ool chi maak'a' qaq'usb'al, naq xoowank sa' eeyanq laa'ex li nekexpaab'ank.

2 Corintios 7:2

K'ehomaq qana'aj sa' leeraanm! Maa'ani xqarahob'tesi xch'ool, maa'ani xqasach, maa'ani xqab'alaq'i.

2 Pedro 2:18

Neke'aatinak rik'in xninqal ru aatin sa' xmajelal xna'leb'eb'; ut rik'in li naxrahi li tz'ejwalej jo'wi' rik'in li wank chi jo'maajo', neke'xq'unb'esi eb' li toja' xe'elk chaq sa' xyanqeb' li wankeb' sa' li ink'a' usil na'leb'.

1 Timoteo 3:8

Jo'kanaqeb' ajwi' li diákono, tento naq tiikaqeb' xch'ool, maawa'aqeb' aj ka'pak'al u, aj rahol ru b'iin chi moko aj sik'ol b'ihomal sa' b'alaq',

1 Timoteo 3:3

maawa'aq aj kalajenaq, chi moko aj raholaq ru tumin malaj aj yoob'anel raaxiik', nimaq b'an xkuyum ut tuulanaq.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

Romanos 9:1

Ninye li yaal sa' xk'ab'a' li Kriist, ink'a' nintik'ti'ik; naweek'a sa' linch'ool naq yaal li ninye ut li Santil Musiq'ej namusiq'ank we.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

San Mateo 22:16

Ut ke'xtaqlaheb' li xtzolom rik'in, rochb'eeneb' li neke'okenk chirix laj Herodes, chi xyeeb'al: —At Tzolonel, naqanaw naq tz'aqal yaal nakat-aatinak; nakak'ut chi yaal li xb'e li Yos ut maak'a' nakawaj wi' anihaq, xb'aan naq moko sik'so ta ru li nakawaatina.

Malaquías 1:10

Us rajan naq jun taxaq sa' eeyanq tixtz'ap li rokeb'aal li wochoch re naq ink'a' texk'atoq mayej sa' lin'artal chi maak'a' rajb'al! Xb'aan naq moko sa ta linch'ool cherix chi moko tink'ul chik leemayej.

Miqueas 3:5

A'an a'in xyehom li Qaawa' reheb' li propeet li neke'b'alaq'ink re lintenamit: tuqtuukilal neke'xtz'aama sa' xb'eeneb' li neke'k'ehok reheb' chi wa'ak, ab'an eb' li ink'a' neke'xk'eheb' chi tzekank neke'xtz'aama rahilal sa' xb'eeneb':

Jeremías 8:10

Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

Jeremías 6:13

“Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij ka'ajwi' b'alaq'ik neke'xb'aanu chixjunileb'.

Isaías 56:11

Jo'eb' li tz'i' li junes wa'ak naxik wi' xch'ooleb' ut maajoq'e neke'nujak li xsa'eb', jo'kaneb' ajwi' laj k'amol b'e: ink'a' neke'xtaw xyaalal; li junjunq ak xb'e xb'e naxchap ut ka'ajwi' li k'aru us cho'q reheb' neke'xsik'.

Isaías 30:10

Neke'xye reheb' li neke'ilok moy u: “Mat-ilok chik moy u”; ut neke'xye reheb' li propeet: “Maaye li yaal qe, ye b'an li q'axal sa rab'inkil, us ta moko yaal.

Proverbios 28:23

Li naq'usuk chi yaal, sa' jun kutan q'axal chik taak'ehe'q xloq'al chiru li naxye q'unil aatin, ab'anan yal sa' b'alaq'.

Proverbios 20:19

Li nawulak chiru molok aatin, maajun li na'leb' naxk'uula chi muqmu; jo'kan naq maawochb'eeniheb' laj tik'ti'.

Li xHu LAJ JOB 17:5

Li ani naxq'axtesi li ramiiw sa' ruq'eb' li xik' neke'ilok re, ra te'xk'ul eb' li ralal xk'ajol.

San Judas 1:11

Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.

Proverbios 26:28

Laj tik'ti' xik' naril li yaal; ut li na'aatinak rik'in li q'unil aatin naxjuk' chixjunil.

Li xHu LAJ JOB 16:19

Sa' choxa wank ani taa'aatinaq chiwix; laj kokol we wank aran taqe'q